Халықаралық ынтымақтастық шеңберінде жыл сайын шетелдік жетекші жоғары оқу орындарының профессорлары біздің университет студенттеріне дәрістер оқиды. Карантин кезеңі өз түзетулерін енгізді және биыл ондай дәрістер онлайн режимінде өткізілуде. Қазіргі уақытта «Саясаттану және халықаралық қатынастар» пәні бойынша дәрістер курсын Линк Кампус Университеті (Италия) Зияткерлік және стратегиялық зерттеулер ғылыми-зерттеу орталығының профессоры Алессандро Фигус оқиды.

Бірінші курстың магистранттары оның басшылығымен қашықтықтағы технологиялар арқылы оқиды. Профессор Алессандро Фигус мемлекеттік саясат, халықаралық қатынастар мен федерализм және үкіметаралық қатынастар саласындағы зерттеулермен айналысады. Оның қазіргі жобасы Қазақстанға, посткеңестік әлемге, жаһандануға, Еуропалық Одақтың ұйымына және экологиялық құзыреттерді бейімдеуге қатысты тақырыптарды қамтиды. Сонымен қатар, профессор тұрақты дамуға, білім беру тақырыбына үлкен көңіл бөледі.

Мұндай серіктестік виртуалды академиялық ұтқырлықты дамытуға және халықаралық қатынастарды нығайтуға ықпал етеді.

Қазақстанның үздік студенті байқауы – 2020

[Раздел или его перевод находятся на стадии разработки. Попробуйте варианты на других языках: Русский, English]

«Нұр Отан» партиясының аға ұрпақ өкілдерін қолдау жөніндегі бастамалық жобалары аясында Қарағанды индустриялық университетінде «Күміс университет» пилоттық жобасы іске қосылды.

Егде жастағы адамдар университетте оқуға шақырылады. Бұл пилоттық жоба болғандықтан, алғашқы кезеңде зейнеткерлерге үш бағыт ұсынылды: кәсіпкерлік, компьютерлік және қаржылық сауаттылық.

Технология дәуірінде зейнеткерге студенттер компьютерлер мен гаджеттерді олардың әрқайсысы барлық қажетті сертификаттарды алуға немесе үйден шықпай-ақ коммуналдық төлемдерді төлей алатындай етіп қалай пайдалану керектігін үйретеді. Егде жастағы адамдар көбінесе алаяқтардың құрбаны болатындықтан, олар өздерін және жинақ ақшаларын қалай сақтау керектігін үйренеді. Ал өз кәсібін ашқысы келетіндер үшін кәсіпкерлік негіздерін үйрену пайдалы.

ҚарИУ ректоры Бақыт Ахатұлы Жәутіков атап өткендей: «Бұл қарттарды оқыту, қайта даярлау, біліктілігін арттыруға біздің мүмкіндігіміз бар, біз студенттерге, колледж студенттеріне арналған білім беру бағдарламаларын жасадық, аға буынды неге оқытпасқа? Олардың бос уақыты көп.

Олар өздерін өмір бойы жұмысқа арнады және отбасының қамын ойлады. Қазір олардың балалары өсті, немерелері өсіп келеді. Олар келіп бізбен бірге оқи алады. Сонымен қатар, әрине, бос уақытында көңіл көтерулері қажет. Бізде қарым-қатынас жасай алатын, шахмат пен дойбы ойындарын дұрыс ойнауды үйрететін адамдар бар».

Күміс университетінде сабақтар аптасына екі рет өтеді. Кесте өтініш берушілер санына байланысты топтардың жинақталуына қарай құрылады.

Желілік білім беруді барынша пайдалану, сондай-ақ Қазақстан тарихын және біздің елдің азаматтарының патриоттық санасының қалыптасуын зерттеу мақсатында 2020 жылдың 2-3 қарашасында ASTANA IT UNIVERSITY  мен Қарағанды индустриялық университетінің студенттері Елбасы кітапханасы ұйымдастырған кино дәріске  белсенді қатысты.

Кино дәрісті «Н.Ә. Назарбаевтың өмірі мен қызметі – тарихи дерек көзі ретінде» атты тақырыпта Интернеттегі әлеуметтік, гуманитарлық және білім беру жобалары қызметінің жетекші зерттеушісі Аслан Әзірбаев жүргізді.

Жаңа білім беру форматы Егемен Қазақстан тарихындағы маңызды оқиғаларға арналған деректі және көркем фильмдерді қарау арқылы заманауи тарихты зерттеуді кеңінен насихаттауға бағытталған. «Жұлдыздар осылай пайда болды» және «Көшбасшы жолы. Астана» «Көшбасшы жолы» эпопеясы жастарға жаңа жас мемлекеттің қалыптасуының маңызды кезеңдері туралы баяндайды.

– Республиканың жоғары оқу орындарында студенттер мамандықтарына қарамастан «Қазақстанның жаңа тарихы» курсын оқиды. Елбасының өмірі мен шығармашылығы туралы фильмдер – ХХ-ХХІ ғасырлардағы Қазақстан тарихы бойынша ең құнды «кино оқулық». Бұл фильмдер көрерменге қазақ халқының мемлекетінің тәуелсіздікке жету жолын бейнелейді. Фильмдер арқылы Н.Ә.Назарбаевтың өмірімен және жанқиярлық еңбегімен тәуелсіз Қазақстанның тарихының қаоыптасуы байқалады, – деді лектор.

Аслан Әзірбаевтың айтуынша, көрсетілген бейне тізбегі ел тарихы туралы білімді толықтыруға көмектеседі, көрілген фильмдерде туындаған проблемалар ойлануға мәжбүр етеді, фильм сюжетін ғылыми әдебиеттер мазмұнымен салыстыруға үйретеді.

Кино дәріске қатысушылар өз пікірлерімен бөлісті.

ASTANA IT UNIVERSITY Студенттермен жұмыс департаментінің директоры Сұлтан Рахымжанов: «Дәріс көңілді болды, баяндамашының баяндаманы монотонды түрде оқымай, үнемі аудиториямен тығыз байланыста болғаны өте қуантты. Мәніне келетін болсақ, мен үшін елдің және біздің Елбасымыздың даму тарихын білу қызықты болды. Ел өміріндегі тағдыршешті шешімдер фильмдерден үзінді түрінде көрсетілді, бұл мұндай кездесулерді одан әрі қызғылықты әрі айқын етеді, сонымен қатар  киноэпопеяның барлық фильмдерін көруге деген құштарлықты оятады».

ҚарИУ 2 курс студенті Илья Левченко: «Маған бұл дәріс форматы қатты ұнады. Енді мен кітаптардан алынған ақпаратты нығайту үшін кейде фильм көрудің пайдалы екеніне сенімдімін ».

Қазақстанның қазіргі жастары үшін – Тұңғыш Президент, Қазақстан Республикасының Елбасы, Нұрсұлтан Әбішұлы Назарбаевтың жеке тұлғасы лайықты үлгі.

ҚарИУ баспасөз қызметі