Металлургия және машина жасау факультетінің 2 курс студенті Акмалова Иляна ТМД жастары арасында ұйымдастырылған «Үздік студент» халықаралық байқауының жүлдегері атанды. Бұл байқау «Genius» халықаралық спорт, Білім және ғылым орталығымен өткізіліп, талантты жастарды қолдауға бағытталған.

Иляна 2 дәрежелі дипломмен және «Жылдың үздік студенті» төсбелгісімен марапатталды.
Илянаны лайықты жеңісімен құттықтаймыз және оған шын жүректен денсаулық, сәттілік және одан әрі биіктіктер тілейміз! Алда осындай көптеген марапаттар мен табысты жобалар көп болсын!

«Болашақ» халықаралық стипендиясы Қазақстан Республикасының — Тұңғыш Президенті – Елбасы Н.Ə.Назарбаевтың 1993 жылғы 5 қарашадағы Қаулысымен құрылған.
Бағдарламаның мақсаты – ел экономикасының басым секторлары үшін кадрлар мен мамандар даярлау.

Бағдарлама академиялық оқуды (магистратура, докторантура) және әлемнің жетекші компаниялары мен университеттерінде ғылыми-өндірістік тағылымдамадан өтуді қамтиды.
Біздің университеттен ТМжК кафедрасының меңгерушісі Ногаев Кайрош Абилович «Болашақ» Халықаралық стипендиясы иегері атанды.

Сізге шығармашылық шабыт, сарқылмас қуат, жаңа жетістіктер, табыстар мен жеңістер тілейміз!

Металдарды қысыммен өңдеу кафедрасының доценті, PhD докторы Панин Евгений Александровичті 05.16.00-Металлургия мамандығы бойынша қауымдастырылған профессор (доцент) ғылыми атағына ие болуымен құттықтаймыз.

Евгений Александровичке одан әрі кәсіби табыс, жаңа жетістіктерді іске асыру, сәттілік және шығармашылық шабыт тілейміз!

Дене тәрбиесі секциясы Қазақстан Тәуелсіздігінің 30 жылдығын тойлау құрметіне КарИУ студенттері арасында жарыстар өткізді.

Қыздар арасында ЖДШ бойынша жарыстар үш бағыттаөткізілді: секіртпемен секіруде 1 орынды Абсатар А., орнында секіруде 1 орынды Тәсібек М. және Жиенбек С., степте секіруден 1 орынды Күндебай Н. алды.

Волейболдан жасөспірімдер арасындағы жарыста бірінші орынды Алаш командасы (Капитан Рахымбек С.), екінші орынды Жуалы командасы (команда капитаны Абдрей Н.), үшінші орынды ТЭК командасы (команда капитаны Қайыпов М.) иеленді.

Футболдан жарысқа 40 адам қатысты. Жарыс олимпиадалық жүйе бойынша өтті. Турнир барысында командалар келесі орындарды иеленді : 1 орын-Әли және К-капитан А. Зайнаев, 2 орын – Аякс – капитан Серікбай О., 3 орын – Азамат 1629-капитан А. Төребаев.

Баскетбол жарыстарында студенттер стрит-бол бағыты бойынша сынға түсті. Ойындар барысында орындар келесідей бөлінді: 1 орын – ҚарИУ командасы – 1 ( капитан Курманбек Р.), 2 орын – ТЭК құрамасы ( капитан Грищенко Д.), 3 орын – ҚарИУ-2 (капитан Муродов М). Жарыстың жеңімпаздары ,жүлдегерлері мен қатысушылары мақтау қағаздарымен, медальдармен және тәтті сыйлықтармен марапатталды. Барлық қатысушыларды құттықтап, оларға спорттық табыстар тілейміз!

2021 жылғы 15 желтоқсанда Қарағанды индустриялық университетінде Қазақстан Республикасы Тәуелсіздігінің 30 жылдығына арналған салтанатты жиналыс өтті.

ҚарИУ ректоры Б.С.Әбдірәсілов құттықтау сөз сөйледі. Өз сөзінде ол тұрақтылық, азаматтық бейбітшілік және ұлтаралық келісім барлық қазақстандықтар үшін басты құндылық және байлық болып қала беретінін атап өтті.

Одан кейін университеттің дамуына үлес қосқан оқытушылар мен қызметкерлерді марапаттау рәсімі өтті.

Қазақстан Республикасының әлеуметтік-экономикалық дамуына қосқан үлесі, жоғары білім беруді дамытуға қосқан үлесі үшін «Қазақстан Республикасының Тәуелсіздігіне 30 жыл» медалімен «Құрылыс» кафедрасының меңгерушісі Базаров Бауыржан Ануарханұлы марапатталды.

Ахмет Байтұрсынов атындағы Алтын медальмен энергетика, көлік және басқару жүйелері факультетінің деканы, техника ғылымдарының докторы Үмбетов Өмірбек Үмбетұлы, «Құрылыс» кафедрасының меңгерушісі Базаров Бауыржан Ануарханұлы, техника-экономикалық колледжінің директоры Хамитов Сапар Бағдатұлы марапатталды.

Жоғары білім беруді дамытуға қосқан үлесі үшін Білім және ғылым министрлігінің Құрмет грамотасымен «Технологиялық машиналар және көлік» кафедрасының меңгерушісі Ноғаев Қайырош Әбілұлы, Қазақстан Республикасы Білім және ғылым Министрлігінің Алғыс хатымен «Технологиялық машиналар және көлік» кафедрасының доценті Романов Виктор Иванович марапатталды.

«ҚарИУ-ға сіңірген еңбегі үшін» төсбелгісімен біздің университеттің профессор-оқытушылар құрамының 27 өкілі және қызметкерлері марапатталды, ҚарИУ ректорының құрмет грамоталары мен алғыс хаттарымен 17 адам марапатталды.

Марапатталған оқытушылар мен қызметкерлердің құрметіне танымал әншілер Жанна Хасенова мен Мұқағали Нұрмаханов тамаша әндерді орындады.