Қарағанды индустриялық университетінде “Металлургия” оқу және ғылыми-зерттеу орталығының базасында “Tau-Ken Temir “ЖШС және “Silicon mining” ЖШС кәсіпорындарымен бірлесіп техникалық кремнийді балқыту кезінде пайда болатын микрокремнеземнің техногендік қалдықтарын кәдеге жарату мәселелері бойынша ғылыми-зерттеу жұмысы жүргізілді.

Оқу ордамыздағы “Металлургия” оқу және ғылыми-зерттеу орталығы оқу процесінің өндірістік алаңы болып табылады.
Бұл:
– бакалавриат студенттентерге жаңа қорытпалар мен лигатураларды алуға зертханалық сынақтар жүргізуге мүмкіндік береді.
– Ал магистранттар мен докторанттар ғылыми-зерттеу және диссертациялық жұмыстарды орындай алады, сондай-ақ жас ғалымдар ғылыми жобаларды орындай алады.

Айта кететіні, студенттеріміз Қарағанды өңірінің өндірістерімен бірлесіп шаруашылық келісімшарт жұмыстарын орындай алады.

Студент жастарымыздың жан-жақты білім алуы үшін мемлекеттік деңгейде қолдау жүзеге асып келеді. Соның бірі – жоғары оқу орындарының білімгерлеріне 1 академиялық кезеңде шетелде білім жетілдіруге мүмкіндік берілген. Қарағанды индустриялық университетінің студенттері академиялық ұтқырлық бағдарламасы негізінде 4 ай білім алып келді. Бағдарламаға студенттер конкурстық негізде қабылданып, 7 студент академиялық ұтқырлық бағдарламасы аясында бөлінген бюджеттік қаражат есебінен Ченстохов политехникалық университетінде (Польша Республикасы) білім алды.

Студенттеріміз шет елде білім алу үшін арнайы іріктеуден өткен. Іріктеу нәтижесінде академиялық оралымдылық шеңберінде білім алуға жіберуге мына студенттеріміз лайықты деп танылды: Батырбеков Рахат Сұлтанұлы, Жалгасбаев Нурислам Нурдуллаулы, Камаладинов Багдат Уринбосарович, Мамаев Бақдәулет Қайыржанұлы, Мухтаров Айбек Темирханович, Сарсенов Бексултан Жарболулы, Хайтметова Мукаддас Ункасовна.

Оқу ордамыздың студенттері өз оқуларының өте қызықты әрі пайдалы екендігін жеткізді. Және алдағы уақытта Европа елінен алған білімдерімен бөлісіп, өз тәжербиелерінде пайдаланады.

Оқу ордамызда “Дін және жастар” акциясы өтті.  Акция барысында студенттерге тың ақпараттар айтылды, сонымен қатар аймақтық “Дін және заман” журналының жаңа саны таратылды. Акцияға оқу ордамыздың барлық оқу топтары белсене қатысты.

Қайырлы күн, студенттер!

“Біз жемқорлыққа қарсымыз” тақырыбында әлеуметтік бейнероликтер БАЙҚАУЫН жариялаймыз!

Байқау шарттары:

• Kонкурсқа қатысу үшін ұзақтығы 1 минуттан аспайтын бейнебаян дайындау қажет.
• Байқауға кез келген адам шектеусіз қатыса алады.
• Жұмысты бейнебаянға түсірудің кез келген әдісімен түсіруге болады (бейнекамера, сандық камера, ұялы телефон және т.б.)

Анықтамаға арналған телефондар: 91-16-59, 8-775-989-45-43, +7 701 738 2785

“Жүлделі орын”

Академик Е.А.Бөкетов атындағы Қарағанды университетінің ұйымдастыруымен «Қазақстан – менің Отаным» атты VII Республикалық студенттік ғылыми- тәжірибелік конференциясында Қарағанды 

индустриялық университетінің 1 курс студенті Тілеубек Арайлым III орын иеленді.
Арайлым 450 студенттің арасынан жүлделі орынға ие болды. Республикалық конференцияның қазылар алқасының мүшелері студентіміздің жоғары әлеуетін атап өтті. Жас студенттің ғылыми жетекшісі – тарих ғылымдарының магистрі Мағира Солтанқызы Солтан.
Арайлым жастығына қарамастан ғылыми-зерттеу жұмыстарымен белсенді айналысады. Ол бірнеше рет қалалық және университеттік конференциялар мен форумдарда баяндама жасады. Арайлым университет пен қаланың қоғамдық өміріне белсене араласады, университетіміздің студенттік парламентін басқарады. Арайлымды жеңісімен шын жүректен құттықтап, жаңа табыстар тілейміз!