Жұмыс берушілердің біздің университетіміздің түлектерімен қарым-қатынас жасауына жағдай жасау мақсатында 11 ақпан күні ҚМИУ жұмыспен қамту мәселелері бойынша бірнеше кездесулер өткізілді.
ҚМИУ «Мансап» орталығының жетекшісі Лариса Виталиқызы Чепелян төртінші курс студенттерінің «Қазақстан Халық Банкі» АҚ Теміртау филиалының өкілдерімен кездесуін ұйымдастырды: директор Дәурен Маратұлы Шешембеков және бөлшек сауда жөніндегі директордың орынбасары Гүлмира Нағашбекқызы Алимбаева.

«Қазақстан Халық Банкі» – бұл Қазақстанның 24 аймағында 90 жылдан астам уақыт бойы өз тұтынушыларының мүддесі үшін жемісті жұмыс істейтін Қазақстан Республикасының ірі әмбебапты коммерциялық банкілерінің бірі.

Өз сөзінде филиал директоры өзінің кәсіби өсу тәжірибесімен бөлісіп, Халық банкінің негізгі бағыттары, оның даму стратегиясы, сондай-ақ қаржы саласындағы мансаптық болашақ туралы айтты.
Бүгінгі күні банкте бірнеше бос орындар бар: зал бойынша кеңесші, бөлім меңгерушісі, кассир, ақпараттық технологиялар бөлімінің жетекші және бас инженер және басқалар.

Г.Н. Алимбаева банктің қызметі ауқымды екенін атап өтті. Халық банкі халықты несиелеу және жеке тұлғаларға, заңды тұлғаларға банктік қызмет көрсету саласында ғана емес (тұтынушылық несиелер, депозиттер, аударымдар, ипотекалық несиелер, зейнетақы қорлары қызметтері), сонымен қатар сақтандыру, лизинг, инкассо, IT-технологиялар сияқты салаларда қызмет көрсетеді.

Жұмысқа орналасуға ниет білдірген үміткерлер үшін Банктің персоналды басқару қызметі сұхбаттасу арқылы үміткерлерді мүмкіндігінше іріктейді, бұл үтіктердің қаншалықты жұмыс істегісі келетіндігін бірден анықтауға мүмкіндік береді.

Бүгінгі күннің басты талабы – жұмыс істеуге деген талпыныс, өзіңіздің шығармашылық қасиеттерін, өзінің басқалардан артықшылқтарын, өзгешелерін көрсету. Ал содан кейін үміткерге мансап сатысында жетістіктерге жеткуге кепілдік беріледі.

Даурен Маратұлы Шешембеков аталған лауазымға үміткерлерге қойылатын талаптар, тағылымдамадан өту және тағылымдамадан өту тәртібі, банк қызметкерлерінің еңбек жағдайлары туралы айтты. Студенттер өздерін толғандырған сұрақтарға жан-жақты толық жауап алды.

Сонымен қатар, бүгін ҚМИУ түлектері үшін SGS компаниясының әкімшілік үйлестірушісі Жандос Төлегенұлы Смаиловмен кездесу ұйымдастырылды.

SGS – тау-кен саласындағы сараптама, тестілеу және сертификаттау қызметтерін ұсынатын көшбасшы кәсіпорын. Бүгінгі таңда SGS сапа мен іскерлік этиканың жаһандық эталоны ретінде танылған. Қызметкерлер саны бүкіл әлем бойынша 2000 астам, кеңселер мен зертханаларда 90 000 астам адам жұмыс жасайды.

Қазақстанда компания 20 жылдан астам тұрақтылықтықта жұмыс жасайды. Компанияның кеңселері Қазақстанның 10 астам қаласында орналасқан және көптеген тұтынушыларға мұнай-газ және химия, пайдалы қазбалар, тұтыну тауарлары, ауылшаруашылық өнімдері, жүйелер мен қызметтерді сертификаттау, экологиялық және өнеркәсіптік салалардағы қызметтерді ұсынады.

Бұл компанияның кеңселерінің бірі Теміртау қаласында орналасқан, ол Қазақстандағы ең ірі металлургия кәсіпорны «ArcelorMittal Temirtau» АҚ металл құю цехтарында жұмыс істейді. Бүгінгі таңда «АрселорМиттал Теміртау» АҚ құю зауытында инспекциялық қызметтерде бос жұмыс орындары бар.

Ж.Т. Смайылов атап өткендей: «Біздің бәсекелестік артықшылықтарымыз – бұл нарықтағы жетістік, жаһандық желі, қызметкерлерді дамыту, ашықтық, сенім мәдениеті, кәсіпкерлік рух пен ынта. Біз 100% нәтижеге кепілдік беретін жобаларды ғана орындаймыз. Біздің кампания – бұл, ең алдымен, сіздерді жұмысқа шақыратын кәсіби мамандар тобы! »

Екі кездесу де достық жағдайда өтті. Іс-шара соңында барлығына қазіргі жұмыс берушілердің қызмет саласы туралы көбірек білуге арналған буклеттер таратырылды.

Осындай іс-шараларды өткізу біздің түлектеріміз үшін өте маңызды. Өйткені, бұл жұмыс берушілермен кездесу және сөйлесу, жұмыс мазмұны жағынан да, оның шарттары бойынша да жұмыс берушілердің барлық ықтимал ұсыныстары туралы, сонымен қатар олардың болашақ мамандықтарының ерекшеліктері туралы тікелей білу, болашақта жұмысқа орналасу мәселесін шешуге сенімді болуға қатысты тамаша мүмкіндіктерді қалыптастырады.

ҚМИУ «Мансап» орталығы жұмыс берушілерге ынтымақтастығы үшін алғыс білдіреді және болашақ бірлескен жобаларға қатысуға шақырады.

Осы кәсіпорындарда, сондай-ақ қала мен облыстың басқа кәсіпорындарында жұмыспен қамтуға қатысты барлық сұрақтар бойынша ҚМИУ жаңа ғимараты, 207 бөлмеде орналасқан «Мансап» орталығында толық ақпаратты білуге болады. 

ҚМИУ баспасөз қызметі

 

«Жастардың міндеті – жемқорлыққа қарсы күрес»
Курт Кобейн

Бүгін, 11 ақпан күні Қарағанды

индустриялық университетінің екінші курс студенттеріне «Сыбайлас жемқорлық әлеуметтік құбылыс» тақырыбында пікірталас ұйымдастырылды. Адалдық мектебінің жұмыс жоспары аясында «ҚТ,ӘГПжДТ» кафедрасының аға оқытушысы Владимир Геннадьевич Черкашин дәріс оқыды.

Іс-шара мақсаты – сыбайлас жемқорлықтың әртүрлі формалары, оның әлеуметтік құбылыс ретінде көрінісіне жалпы түсінік беру; оның өмірдің түрлі салаларында көріну ерекшеліктері, себептері, осы құбылыстың зиянды әсерлері; белгілі бір әлеуметтік құбылысты талдау және жеке бағалау дағдыларын қалыптастыру; сыбайлас жемқорлық жағдайындағы мінез-құлықты құқықтық, моральдық және этикалық нормаларға сәйкес қамтамасыз ететін білім кешенін қалыптастыру; студенттер арасындағы сыбайлас жемқорлыққа қарсы мінез-құлықты ынталандыру.

Іс-шара барысында лектор тыңдаушыларға сыбайлас жемқорлықтың тарихы, орта ғасырлар мен қайта өрлеу дәуіріндегі сыбайлас жемқорлыққа қарсы шенеуніктердің жазалары, сондай-ақ қазіргі заманғы тарих сахнасындағы осы қылмысқа қарсы күрес әдістері туралы айтып берді. Қазіргі қоғамдағы сыбайлас жемқорлықтың себептері мен салдарына ерекше назар аударылды. Негізгі себептер экономикалық, институционалдық және әлеуметтік-мәдени сипаттағы себептер анықталды. Сондай-ақ сыбайлас жемқорлықтың қоғамның экономикалық, саяси, әлеуметтік және рухани салаларында пайда болатын жағымсыз жақтары да атап өтілді.

Қорытындылай келе, сыбайлас жемқорлыққа қарсы күрес біздің ортақ міндетіміз екендігі айтылды. Мемлекеттік және қоғамдық органдардың бірлескен күшімен ғана кез-келген маңызды нәтижеге қол жеткізуге болады. Егер бүгінгі жастар жемқор шенеуніктердің қатарына қосылмаса, онда жемқорлықтың ізі қалмайды.

ҚИУ баспасөз қызметі

7 ақпанда ҚМИУ және Техника-экономикалық колледж студенттері жыл сайынғы «Миттал» спорт кешенінде өтетін шаңғы жарысына белсенді қатысты. Биылғы жарыс Қазақстан жастары күні мерекесіне орай ұйымдастырылды, оған 6 қалалық колледж студенттері қатысты. Олардың ішінен 6 жастар және 4 әйелдер командасы қатысты.

Қашықтық оңай емес: қыздар үшін – 3 шақырым, ұлдар үшін – 5. Шаңғы бағыты ленталармен қоршалған, ал бұрылыста бақылаушылар кезекшілікте болды. Бұл сақтық шаралары қажет, өйткені жарысқа қатысушылар – Теміртау колледждері мен университет студенттері.

Шараны Жастар ресурстық орталығы және Теміртау қаласының Денешынықтыру және спорт бөлімі ұйымдастырды. Алғашқы үш орын иелері үшін олар мақтау қағаздары, медальдар мен бағалы сыйлықтар дайындады.

Жарыс нәтижелері бойынша Қарағанды мемлекеттік индустриялық университетінің Техника-экономикалық колледжінің қыздар командасы шаңғы жарысында үшінші орынды жеңіп алды, Олар Жастар ресурстық орталығының дипломымен және Теміртау қаласының денешынықтыру және спорт бөлімінің грамотасымен марапатталды. Қазақстан жастары күніне арналған шаңғы жарысын ұйымдастыруға және дайындауға белсенді қатысқаны үшін Теміртау қаласының Жастар ресурстық орталығының алғыс хатымен «Қазақстан тарихы, әлеуметтік-гуманитарлық пәндер және дене тәрбиесі» кафедрасының аға оқытушысы Евгения Варфаламеевна Пальцева марапатталды.

Жарыстың қатысушылары атап өткендей: «Мұндай шараларды өткізу біздің студенттерге қажет. «Бұл жастарды спортқа, салауатты өмір салтын ұстануға, әрине, командалық рухты дамытуға мүмкіндік береді».

Техника- экономикалық колледж командасын жеңістерімен құттықтаймыз!

ҚМИУ баспасөз қызметі

 

 

2020 жылғы 7 ақпанда Теміртау қаласының Тұңғыш Президентінің Тарихи-мәдени орталығында Қарағанды мемлекеттік индустриялық университетінің «Қазақстан тарихы, әлеуметтік-гуманитарлық пәндер, дене тәрбиесі» кафедрасының тарих ғылымдарының кандидаты, доценті, Құрметті профессоры Төлеутай Смақұлы Байғабатовтың өнегелі өмір жолдарына арналған кездесу өткізілді.

Бұл кездесудің мақсаты – жастарға үлгі ретінде аға ұрпақтың өмірін жоғары білікті және құзыретті мамандардың даму жолын және жоғары қабілетті мамандарды даярлауға барлық ғұмырын арнаған білікті ұстаздың, профессордың жеткен жеістіктерін көрсету.

Төкен Смақұлы Байғабатов, Қарағанды металлургия зауытының ардагері және көрнекті ғалым, ұйымдастырушылық қабілеті жоғары ұстаз, ғылыми еңбектері тек біздің елімізде ғана емес, сонымен қатар жақын және алыс шетелдерде жарияланған, оның шәкірттері халықшаруашылығының әртүрлі саласында еңбек етеді, әріптестері, магистранттар мен студенттер арасында лайықты беделге ие.

Төкен Смақұлының тұлғасы сан қырлы еңбек жолы жас ұрпаққа үлгі. Оның еңбек мансабы таусылмайтын қуаты мен зор еңбексүйгіштігі, таңдаған мамандығына деген жанқиярлық қызметінің куәсі. Ол ҚМИУ 50 жыл үздіксіз еңбек етті, әйгілі түлектердің бірнеше ұрпағына білім, тәрбие берді.

Әріптестері мен студенттер оны мейірімді, объективті ұстаз ретінде біледі және оның жоғары кәсіпті, талапшылық пен еңбексүйгіштік қасиеттерін атап өтеді.

Төкен Смақұлы оқу процесін жетілдіруге қажетті ғылыми-әдістемелік жұмыстармен тамаша үйлестіреді, өзінің білімімен және мол тәржирбесін мен дағдысын жас әріптестерімен бөліседі.

Кездесу барысында еңбек сіңірген еңбек ардагерінің өмірі мен шығармашылығы туралы тұсаукесер ұсынылды, сонымен қатар Төлеутай Байғабатовтың әріптестері мен студенттері өз ойларын ортаға салды.
Шара соңында Тұңғыш Президенттің тарихи-мәдени орталығының жетекшісі Р.Е. Мұстафин қонақтарға естелік сыйлықтарды тарту етті.

Айта кету керек, біздің университетімізде өмірлік тәжіирбесі мол, көргені мен білгені мол еңбек ардагерлері жас ұрпаққа білім тәрбие беру ісімен айналысады.

ҚМИУ баспасөз қызметі

 

Денсаулық – адамның бойындағы ең маңызды нәрсе. Адамның жұмыс қабілеті, физикалық және психикалық ахуалы денсаулығына байланысты. Спортпен айналасу жақсы көңіл-күйді сақтауға көмектеседі.

2020 жылдың ақпан айының басынан бастап Қарағанды мемлекеттік индустриялық университетінде дәстүрлі студенттер спартакиадасы басталды, оның мақсаты мен міндеттері: студенттер арасында салауатты өмір салтын насихаттау, студенттерді спортпен шұғылдануға тарту, сонымен қатар университет құрамын толықтыру үшін мықты спортшыларды анықтау.

Студенттік командалар 8 спорт түрінен үздік деген атаққа таласады: мини-футбол, үстел теннисі, волейбол, баскетбол, тоғызқұмалақ, дойбы, шахматшылар және асықтар сайысы. Ойындарға біздің университеттің күндізгі оқу бөлімінде оқитын білімгерлер факультеттердің командалары қатысады.

Спартакиаданы футболшылар ашты, баскетбол командасы одан әрі жалғастырды.

Студенттік спартакиада қорытындысы бойынша жеңімпаз команда диплом және кубокпен марапатталады. Жеке спорт түрлері бойынша жеке біріншіліктердің жеңімпаздары да дипломдармен марапатталады.
Спартакиада аясында футбол, баскетбол және басқа спорт түрлерінен облыстық жарыстар да өткізіледі.

Спартакиаданың бас төрешісі – «ҚТ,ӘГП,ДТ» кафедрасының аға оқытушысы, Алла Борисовна Трус.

Жарыстар университеттің спорт ғимаратында өтеді.

Біз барлық спортты жақсы көретін қауымды өз спортшыларын қолдауға және әдемі ойынды тамашалауға шақырамыз.

Барлық студенттер мен магистранттар спартакиадаға белсенді қатыса алады!

ҚМИУ баспасөз қызметі