2020 жылдың 6 ақпанында дін мәселелері бойынша облыстық ақпараттық-түсіндіру тобының мүшелері «Деструктивті жалған діни ағымдардың пайда болуының негізгі шарттары мен факторлары» тақырыбында Қарағанды мемлекеттік индустриялық университетінің Техника-экономикалық колледжінің бірінші курс студенттерімен кездесу өткізді. Жастар арасындағы діни экстремизм мен терроризмнің алдын алу іс-шараларына қатысты мәселелер қарастырылды.

Кездесуге Жарқын Амантайұлы Түсіпбеков, мәдениеттанушы, Елдос Қуандыұлы Жұмаділда, «Нұрлы Білім» ҚҰ теологы, Теміртау мешітінің имамы, Мария Дмитриевна Фатеева, Қазақстан халқы Ассамблеясы Аналар кеңесінің мүшесі, Бітімгерлер одағының мүшесі, Қарағанды облысының Солдаттар аналары Кеңесінің мүшесі, Гүлнар Бакенқызы Далабаева – «Қазақстанның болашағы үшін жастар қозғалысы» ҚБ қызметкері, облыстық СӨЖ мүшесі, Нұржан Ерболатұлы Бектұров – «Қарағанды облысының конфессияаралық қатынастар проблемаларын зерттеу және талдау орталығы» КММ теолог маманы қатысты.

Кездесуде баяндамашылар Қазақстандағы қазіргі діни ахуал, дәстүрлі діндер, радикалды діни және террористік қауымдастықтардың пайда болуы, дәстүрлі емес діни сенімдердің қызметі, жаңа діни ағымдардың ерекшелігі, ізбасарларды жалдау тәсілдері және осы ағымдардың қоғам мен жеке тұлға үшін қауіптілігі туралы айтып берді. Сондай-ақ, олар әлеуметтік желілерде экстремистік және террористік актілерге шақыратын аудио, видео, мәтіндік материалдарды тарату үшін адамның жауапкершілігін және осы құқық бұзушылықтар үшін жазаларды, оның ішінде оларға салынатын айыппұлдар туралы түсіндірді.

Іс-шара барысында «Таза исламның» кері жағы» бейнебаяны көрсетіліп, студенттер біздің пікірталасқа белсенді қатысып, ескертулер мен күмән тудыратын хабарландырулар мен жарнамалық посттардың мысалдарын талдап, қызықты сұрақтар қойып, оларға толық, жан-жақты жауап алды. .

ҚМИУ баспасөз қызметі

5 ақпанда 2020 жылы Қарағанды мемлекеттік индустриялық университетінің «Рухани жаңғыру» кеңсесінде «ҚОжШт»I кафедрасының меңгерушісі Н.А. Абдикарим, «Адалдық» мектебінің деканы Ж.К. Капашева, оқытушылар М. Солтан, К.А. Аявхан, А. Б. Есболат, С.М.Хабидолла, К.Туысхан және Е.Тилеубай «Өрлеу» біліктілікті арттыру орталығы» АҚ фииалы «Қазақ тілі әліпбиін латын графикасына көшіру жағдайында оқу орындарының профессорлы-оқытушылар құрамының біліктілігін арттыру» курсы бойынша біліктіліктерін арттырды.

«Өрлеу» біліктілікті арттыру орталығы» АҚ фииалы аймақтағы оқытушылар мен мұғалімдердің білім саласындағы мемлекеттік саясаттың негізгі бағыттары туралы ақпараттық деңгейін арттыру бойынша жүйелі жұмыстар жүргізеді.

Біздің оқытушыларымыз атап өткендей, «Біз аяқтаған курс біздің біліктілік деңгейімізді арттыруға, латын графикасын енгізуді ұйымдастыруда және жүзеге асыруда өз тәжірибемізбен бөлісуге, оқу процесінің сапасын қамтамасыз ететін кәсіби қабілеттерімізді көрсетуге, кәсіби шеберлік деңгейімізді арттыруға жан-жақты мүмкіндік берді».

ҚМИУ баспасөз қызметі

 

Коронавирустар – бұл жануарлар, сонымен бірге адамдар арасында кездесетін вирустардың үлкен тобы.

2019жылдың жаңа вирусы (2019- nCoV) – бұл Қытайдың Ухань қаласында алғаш рет табылған тыныс алу жүйесінің ауруын тудыратын вирус. Ухань (Қытай) ауруының алғашқы кезеңінде ауру Қытай халықының көптеген бөлігіне таралды, осы вирустың таралуы ірі теңіз өнімдері мен теңіз жануарларымен қандай да бір байланыста болғандығы туралы хабарланды.

Қазақстан Республикасының Денсаулық сақтау министрлігі мен Дүниежүзілік денсаулық сақтау ұйымы Қазақстанда вирустың пайда болуы мен таралуын болдырмауға бағытталған жұмыстарды жүзеге асырып жатыр.

АУРУДЫҢ БЕЛГІЛЕРІ ҚАНДАЙ?

– жөтел

– температураның жоғарлауы / ыстықтың көтерілуі

– ентігу

– пневмония

– құсу

– диарея

Ауру күшейген жағдайында науқастың өлімге әкелетін өте ауыр асқынулар пайда болуы мүмкін:

– Өкпе жеткіліксіздігі

– Бүйрек жеткіліксіздігі

2019NCOV АДАМДАН АДАМҒА ҚАЛАЙ ЖҰҒАДЫ?

2019- nCoV бұрынғы коронавирустар мен тұмау сияқты адамнан адамға жұғады деп болжанады:

– науқас адаммен тікелей байланыс арқылы

– түшкіру және жөтел кезінде

– науқастың жеке заттарымен және ыдыс-аяғын пайдалану арқылы

2019 – NCOV ҮШІН ЕМ БАР МА?

Бүгінгі күні нақты емдеу жоқ. Расталған жағдайлар тіркелген елдерде симптоматикалық ем тағайындалады.

2019 NCOV ВИРУСЫНА ҚАРСЫ ВАКЦИНА БАР МА?

ВАКЦИНА ЖОҚ! (осы күнге дейін вакцина әзірленбеген.)

ҚР БҒМ Министрінің 2008 жылғы 19 қарашадағы № 613 бұйрығына сәйкес шетелде оқуға арналған конкурсқа қатысу үшін үміткерлер келесі құжаттарды ұсынады:

1. Қазақстан Республикасы азаматының паспорты (нотариалдық расталған түрлі-түсті көшірме);
2. Қазақстан Республикасы Денсаулық сақтау министрінің міндетін атқарушысының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде № 6697 тіркелген) бекітілген № 082/у нысанындағы медициналық анықтама;
3. Білім туралы құжаттар (нотариалды расталған түрлі-түсті көшірмелері): ағымдағы оқу үлгерімі туралы транскрипт;
4. Ағылшын тілін меңгеру денгейін растайтын құжат:

• ағылшын тілін меңгеру денгейін растайтын халықаралық тұрғыда танылған сертификат(IELTS, TOEFL);
• шетелдік университеттің ағылшын тілі деңгейі бар студентті қабылдауын растайтын келісім хат;
• Қазақстандық университеттің тестілеу нәтижесі (В2 деңгейінен кем емес);

5. Он сегіз жасқа толмаған өтініш берушінің ата-анасының (қамқоршыларының, заңды өкілдерінің) шетелге шығуға жазбаша келісімі;
6. Студенттің көп балалы отбасы екендігін растайтын құжат;
7. студенттің ата-анасының жоқтығын растайтын құжат (жетім балаларға немесе ата-анасының қамқорлығынсыз қалған студенттерге арналған санаттағы студенттер үшін);
8. Мүгедектік туралы анықтама, болған жағдайда.

 

Ағылшын тілінен тестілеу 14 ақпан күні өтеді

Тестілеуге 13 ақпанға дейін N-210 ауд. жазыла аласыз.

Іріктеуден өткен тұлғалар жіберілетін ЖОО нақтыланатын болады

Құжаттар 17 ақпанға дейін Халықаралық ынтымақтастық департаменті қабылданады

Барлық сұрақтар бойынша Н-210 ауд. хабарласуға болады

2020 жылдың 31 қаңтарында Қарағанды мемлекеттік индустриялық университетінің студенттері» «ZhasProject» жастар корпусын дамыту жобасына арналған ақпараттық кездесуге қатысты.

Іс-шара барысында кездесуге қатысушылар «ZhasProject»  жобасын іске асыру және оның негізгі бағыттары туралы егжей-тегжейлі ақпарат алды, оның мақсаты – жастарды қоғам өміріне тарту, сонымен қатар біздің қоғамның игілігі үшін әлеуметтік-пайдалы іс-әрекет дағдыларын оқыту бағдарламасы арқылы өмірлік дағдыларды дамыту.

Жоба 2017 жылы басталып, Қазақстанның он алты аймағынан 8500 жуық қатысушыны қамтиды. 2020 жылдан бастап ол Алматы және Қарағанды облыстарында жүзеге асырылады.

«ZhasProject» төрт құрамнан тұрады:

– әлеуметтік жобаларды жүзеге асыру үшін жастар топтарына 1 000 000 теңгеге дейінгі гранттар мен әлеуметтік стипендияларды ұсыну;

– жастарды өмірлік дағдылар мен жобаларды басқаруға үйрету;

– осал жастар топтарымен жұмыс;

– ақпараттандырудың тиімді науқанын және кері байланыс пен мәселерді шешу тетігін енгізу.

Жобаға қатысушылар өмірлік дағдылар мен жобаларды басқару бағдарламасында үш кезеңдік оқудан өтіп, бес ай ішінде әлеуметтік жобаларын жүзеге асырады, сонымен қатар ЖОО бітірушілері  – ай сайын 60000 теңге көлемінде стипендияны, 40,000 теңге стипендияны – қалған барлық қатысушылар алады. Сонымен қатар, барлық қатысушылар өздерінің жобаларын іске асыру барысында менторлардың қолдауына ие болады.

Сондай-ақ, жоба аясында менторларды іріктеу және жастар үшін гранттық конкурсы өткізіледі.

«ZhasProject» жобасын іске асыруғаын 14 пен 29 жас аралығындағы кез-келген (мектеп оқушыларынан басқа)  жас адам қатыса алады.

Жобаға қатысу үшін:

1. Құрамында 3 тен 5 адамға дейінгі топты (бастамашыл топ) жинау керек. Қатысушылардың саны көп болу ұсынылады, команда құрамы 3 адамнан кем болса жобаға қатыса алмайды. Егер қатысушылардың бірі жобадан дәлелді себептермен кетсе, жоба жабылады. Командаға басқа қатысушыларды алуға рұқсат етілмейді.
2. Жүзеге асырылатын әлеуметтік жоба идеясын ойлап табу – көптен бері шешімі табылмай келген мәселенің шешімін табу. Сіз өзіңіздің әлеуметтік жобаңыз үшін идеяны таңдаумен шектелмейсіз, бірақ кейбіреулерін жүзеге асыруда бірқатар қиындықтарға тап болуыңыз мүмкін.
3. Топтың әр мүшесі тіркеліп, барлық қажетті жолдарды толтыруы керек. Өтініш үлгісін алдын-ала оқып шығыңыз – толтыру кезінде сізге бірқатар құжаттарды тіркеу керек, оларды алдын-ала дайындау қажет. Қайсыңыздың бастамашыл топтың көшбасшысы болатындығын анықтаңыз. Назар аударыңыз: топ жетекшісі 18 жасқа толмаған қатысушы бола алмайды.
4. Өтінімді беру әдісін таңдаңыз – сіз жобаны өз бастамашыл тобыңыз арқылы немесе қабылдаушы ұйым арқылы жүзеге асыра аласыз, ол өтінішті жазуға, қаржылық операцияларды жүргізуге және Жобаны іске асыру кезінде есептерді ұсынуға көмектеседі.
5. Конкурстық өтінімдерді таңдау кезеңдерін қадағалаңыз.
6. Сіздің командаңыз конкурстық іріктеуден өткен жағдайда, жобаны сапалы орындау керек.

Іс-шара Теміртау қаласының Ішкі саясат бөлімі, Жастар саясаты департаменті, сондай-ақ «ZhasProject» үйлестіру агенттігі өкілдерінің қатысуымен ұйымдастырылды.

Әлеуметтік жобалардың гранттық байқауына өтінімдерді қабылдау zhasproject.kz  сайтында 2020 жылдың 1 ақпанынан бастап, 1 наурызға дейін жалғасады – 1 айға дейін өз идеяңызды ұсынуға уақыт бар!!!

 

ҚМИУ баспасөз қызметі