Қарағанды мемлекеттік индустриялық университетінде 2019 жылдың 12-15 қараша аралығында жаратылыстану – математикалық цикл пәндері бойынша Қазақстан Республикасы Білім және ғылым министрлігі ұйымдастырған 11 сынып оқушылары арасында жыл сайынғы ХІІ  Президенттік олимпиада өтеді.

Соңғы 10 жыл бойы дәстүрлі түрде аталған олимпиада біздің ЖОО-да ҚР Тұңғыш Президенті Н. Ә. Назарбаевтың Альма-матерінде өтуде.

12 қарашада Олимпиаданың салтанатты ашылу рәсімі өтті, оған құрметті қонақтар – Қазақстан Республикасы Президентінің серіктестері қатысты.

Мемлекет басшысы Н. Ә. Назарбаевтың жеке тапсырмасы бойынша өткізілетін олимпиаданың басты идеясы-патриоттық рухты, мықты, интеллектуалды, жоғары білімді қазақстандық оқушыларды тәрбиелеу, жаратылыстану-математика ғылымдарын тереңдетіп оқыту болып табылады.

Жыл сайын олимпиада ұйымдастырушысы «Дарын» республикалық ғылыми-практикалық орталығы болып табылады (директоры Кирабаева Шолпан Акашқызы).

Президенттік олимпиаданың мақсаты мен міндеттері:

1) орта білім беру ұйымдарының оқушылары арасында математика, физика, химия және биология пәндері бойынша дарынды оқушыларды анықтау үшін оңтайлы жағдай жасау, олардың ары қарай зияткерлік дамуы мен кәсіби бағдарлануы;

2) оқушылардың жаратылыстану-математикалық бағыттағы пәндерді оқуға қызығушылығын арттыру, теориялық білім мен іскерлікті тереңдету;

3) тұлғаның өзін-өзі дамытуына жәрдемдесу.

Естеріңізге сала кетейік, Президенттік олимпиада жыл сайын үш кезеңде өткізіледі:

Бірінші кезең – өңірлік – 2019 жыл 25 қыркүйек;

Өңірлік кезеңге барлығы 1326 мектептен 2255 түлек қатысты (447 мамандандырылған, 879 ауылдық мектеп).

Оның ішінде қазақ тілінде – 1368.

Өңірлік кезеңнің қорытындысы бойынша екінші (іріктеу) кезеңге 267 жалпы білім беретін мектептен 399 оқушы жіберілді (168 мамандандырылған, 99 ауылдық мектеп).

Үшінші (қорытынды) кезең – 2019 жылғы 12 қарашадан бастап Республикалық кезең.

173 түлек ең көп балл жинап, Президенттік олимпиаданың қорытынды кезеңіне қатысуға жолдама алды.

Президенттік олимпиаданың әрбір қатысушысы барлық кезеңдерде төрт пән бойынша тапсырмаларды орындайды: математика, физика, химия және биология.

Президенттік олимпиаданың барлық финалистері қатысушы сертификатына ие болады, ал жеңімпаздар мен жүлдегерлер Қазақстан Республикасы Білім және ғылым министрлігінің дипломдарымен марапатталады.

Барлық қатысушыларға үлкен табыстар мен жеңістер тілейміз!

ҚМИУ баспасөз қызметі

2019 ж. 5 қарашасында ҚМИУ және Теміртау қаласының мектептерінің әдістемелік апталығы аясында «Металдарды қысыммен өңдеу» кафедрасының оқытушылары PhD, доцент Е. А. Панин, аға оқытушы А. Е. Ибраеваның және 3-4 курс студенттерінің қатысуымен «Үздік мамандық» тақырыбында ашық сабақ өткізілді.

Ашық сабақтың мақсаты-болашақ кәсіби қызмет саласын таңдау барысында білім алушыларға кәсіби бағдар беру жұмыстарын жүргізу.

Сабақ топтық ойын түрінде өтті, онда МҚӨТ-17 және МҚӨТ-16к топтарының студенттері екі топқа бөлінді.

Іс-шара барысында екі команда өздерінің визит карточкаларын ұсынды және «Металдарды қысыммен өңдеу технологиясы» мамандығы бойынша әртүрлі әр түрлі күрделіліктегі сұрақтарға жауап бере отырып, «Өз ойынында» жарысты.

Іс-шараны қорытындылай келе, ең үздік мамандық – бұл материалдық және моральдық жағынан қанағаттануды әкелетін мамандық деп атап кетті. Ең жақсысы сүйікті іспен айналысу, лайықты жалақы алып, ертеңгі күнге деген сенімділікті сезіну.

ҚМИУ баспасөз қызметі.

2019 жылдың 11 қарашасында ҚМИУ Қарағанды облысының тұтынушылар құқығын қорғау жөніндегі қоғам өкілдерінің қатысуымен «Қызметтер мен тауарларды алу кезіндегі тұтынушылардың құқықтарын білу тұрғысынан халықтың құқықтық сауатын арттыру» тақырыбында семинар ұйымдастырылды.

Кездесуге заңгер, Тұтынушылардың құқығын қорғау қоғамының төрағасы Жаслан Болатұлы Аймағамбетов қатысып, іс-шараға қатысушыларға сапасыз қызметтер мен тауарларды алу фактісі бойынша жағдайдан шығудың мүмкін жолдары, тұтынушылардың құқықтарын қорғауға қатысты Қазақстан Республикасының қолданыстағы заңнамасының нормалары, көптеген алаяқтық істер, тұтынушыларға қатысты сенімсіз ұйымдар мен кәсіпорындар жүзеге асыратын қызметтер туралы айтып берді, сонымен бірге тұтынушылардың құқықтарын бұзушылықтарға қатысты заңды құқықтық кеңес алуға арналған сенім байланыс телефондарымен хабарласуға болатындығы жайлы ақпарат берді.

Сонымен қатар, іс-шара барысында «Сенім» қоғамдық бірлестігінің маманы Айнур Манапқызы Нупинова кәмелетке толмағандар мен жастарды синтетикалық есірткі сатуға тарту фактілері туралы, сондай-ақ синтетикалық есірткіні сатушылардың жасөспірімдерді алдау жолдары туралы айтты. Айнур Манапқызы студенттерді Теміртау қаласындағы тұрғын үйлердің қабырғаларында жиі пайда бола бастаған синтетикалық есірткінің мекен-жайларына қатысты жазуларды жою бойынша акцияға белсенді қатысуға шақырды, өйткені біздің қалада есірткінің таралуы бойынша жағдай күрделірек. Ол балаларды қылмыстық қоғамдастыққа тартудың мүмкін тәсілдері туралы және есірткіні таратқаны үшін қылмыстық жаза қолданылатыны туралы ескертті, сонымен қатар студенттерді салауатты өмір салтын ұстануға шақырды.

Содан кейін Теміртау қаласындағы АИВ/ЖИТС алдын алу орталығының дәрігері Елена Борисовна Старожукова, АИВ жұқпасының берілу жолдары, сондай-ақ одан қорғанудың түрлері туралы айтты. Ол біздің қаладағы АИВ/ЖИТС статистикалық жағдайын жариялады, қалалық АИВ/ЖИТС орталығының ақпараттық парақшаларын таратты, осы парақшаларда көрсетілген телефондар арқылы  АИВ/ЖИТС инфекциясы туралы сараптамалық кеңестер алуға болады.

Жалпы, кездесу профилактикалық сипатта өтті, іс-шараға қатысушылар арасында үлкен оң пікірлер тудырды. Студенттер белсенді түрде сұрақтар қойып, оларға толық, жан-жақты жауаптар алды.

Біздің студенттердің пікірлері бойынша, кездесу ақпараттық және пайдалы болды, мұндай іс-шаралар оларға нақты мәселелері шешуге көмектеседі.

ҚМИУ баспасөз қызметі