Студенттерді  мемлекеттік органдарға жұмысқа орналасуға тарту мақсатында 2019 жылдың 4 желтоқсанында Қарағанды мемлекеттік индустриялық университетінде Қазақстан Республикасының Мемлекеттік қызмет істері агенттігінің Қарағанды облысы бойынша департаментінің өкілдерімен магистранттардың іскерлік кездесуі өтті, кездесуді ұйымдастырушы «Мансап орталығының жетекшісі Лариса Витальевна Чепелян.

Бөлімнің  бас маманы Жанар Дайыпқызы Қайыр қабылдау тәртібі туралы презентациялық материал ұсынды

Әкімшілік  және құқық қорғау қызметіне жүгініп, жиналыс қатысушыларына департаменттің негізгі қызметі туралы, мемлекеттік қызметке қабылдау ережелері және тестілеу тәртібі туралы айтты.

Кездесу  барысында Жанар Дайыпқызы мемлекеттік қызметтің жаңа моделі ашық конкурс және іріктеудің ашықтығы негізінде мемлекеттік қызметке орналасу мүмкіндіктерін арттырғанына, сондай-ақ меритократия негізінде мансаптық перспективаларға ерекше назар аударды.

Біздің  мемлекет кездейсоқ адамдардың мемлекеттік органдарға жұмысқа алынбайды, арнайы дайындалған, сауатты, құзыретті, тек кәсіби білікті азаматтар мемлекеттік қызметке шақырылады. Сондықтан біздің университеттің түлектерінің мемлекеттік қызметке шақырылу мүмкіндіктері зор.

Іс -шараға 100-ден астам студенттер қатысты.

ҚМИУ баспасөз қызметі

Техникалық  түлектерді жұмысқа орналастыру бойынша іс-шараны жүзеге асыру аясында 2019 жылдың 4 желтоқсанында Қарағанды мемлекеттік индустриялық университетінде жоғары курс студенттері «kazprom engineering» ЖШС директоры Алексей Латухинмен кездесуі өткізілді. Кездесуді  «Мансап» орталығының жетекшісі Лариса Витальевна Чепелян ұйымдастырды.

Іс -шараның негізгі мақсаты студенттердің диплом алдындағы прктиканы өндірісте өту мүмкіндіктерін талқылау, сонымен қатар біздің университеттің талантты түлектерін жұмысқа орналастыру.

Қарағанды  мемлекеттік индустриялық университеті мен «Кazprom engineering» ЖШС арасында ұзақ мерзімді ынтымақтастық туралы меморандум жасалғанын және бұл кәсіпорын біздің университеттің техникалық мамандықтары бойынша студенттерінің практикалық базасы ретінде негізгі алаңдардың бірі болып табылатындығы атап өтілді.

Алексей  Латухин іс-шараға қатысушыларға «Кazprom engineering» ЖШС туралы презентация жасады, жұмыстың басым бағыттары, еңбек жағдайлары, әлеуметтік тұрғыда  қызметкерлерге төленетін жалақы деңгейі туралы әңгімелеп берді, кез-келген студенттерге жұмыс тәжірибесінен, тағылымдамадан немесе тәжірибеден өтуі үшін бос жұмыс орнында жұмыс істеу ұсынылады.

Кәсіпорынмен танысқаннан кейін компания өкілдері барлық қызығушылық білдірген студенттермен сұхбат жүргізді.

ҚМИУ баспасөз қызметі

«Үздік студент» республикалық жобасы аясында Қарағанды мемлекеттік индустриялық университетінің студенті Есболсын Алғабекұлы Алғабек «Үздік студент – 2019» атағына ие болды және «Үздік студент-2019» төсбелгісімен, ІІІ дәрежелі дипломмен марапатталды және «Жас қыран» жинағына кірді.

«Жас қыран» жинағына республиканың жоғары оқу орындары мен колледж студенттері, халықаралық, республикалық және аймақтық олимпиадалардың, конференциялардың, жобалардың және конкурстардың жүлдегерлері «Алтын белгі» белгісінің иегерлері; қоғамдық жастар қозғалысының жетекшілері мен белсенділері; Қазақстан Республикасының ұлттық құрамасының мүшелері, олимпиадалар, халықаралық спорт жарыстарының жеңімпаздары мен жүлдегерлері кіреді.

Жинаққа  кіру конкурстық негізде жүзеге асырылады. Жобаға  қатысушыларға «Жас қыран» жинағы, арнайы «Үздік студент-2019» төсбелгісі және І, ІІ, ІІІ дәрежелі дипломдар табыстады.

Жоба  аясында Қазақстан Республикасының Елтаңбасының авторы Ж.Мүлібекұлы және «Бөбек» жалпыұлттық қозғалыс қауымдастығының жетекшісі Е.М.Абиева жобаны жүзеге асырудағы көрсеткен көмегі үшін «Электрэнергетика, автоматтандыру және есептеу техникасы» кафедрасының оқытушысы  Тожан Серікқызына Кенжебаеваны да марапаттады.

ҚМИУ баспасөз қызметі.

2019 жылдың 30 қарашасы мен 2 желтоқсан аралығында ҚМИУ «Абадан» пікірсайыс клубының мүшелері республикалық пікірсайыс турниріне белсенді қатысып, тағы бір жарқын жеңіске жетті!

Балқаш қаласындағы «Қазақмыс» корпорациясының политехникалық колледжінде студенттер арасында республикалық пікірсайыс турнирі өтті.

Байқауда шешендік өнерін Қарағанды облысының жоғары оқу орындарының мықты дебатшылары  көрсетті.

Біздің  команданың құрамында мына студенттер қатысты:

1) Жұмәлі Нұрикамал – МЖ-18қ тобы

2) Әбдірах Әазерке – ФӨТ-19қ тобы

3) Бедеров Алихан – МҚӨТ-17қ тобы

4) Рахымжан Өміржол – М-16қ тобы

5) Тәжиков Қонысбек – Қ-17қ тобы

6) Абай Қаракөз – ФӨТ-19қ тобы

Қарағанды мемлекеттік индустриялық университетінің «Абадан» клубының өкілі, үшінші курс студенті Өміржол Рахымжан «Үздік спикер» атағына ие болды.

Бұл  біздің дебатшылардың  алдағы айдағы үшінші жеңісі!

Пікірсайыс  турнирінің жеңімпаздары мен жүлдегерлері дипломдар және бағалы сыйлықтармен марапатталды. Барлық   қатысушыларға Алғыс хат табысталды.

Біздің  студенттер атап өткендей, қатысушылар арасында мұндай сайыстың бұрынғы чемпиондары көп болған, сондықтан пікірсайыс жоғары деңгейде өтті.

ҚМИУ баспасөз қызметі

ҚМИУ студенттері Ширман Александр және Бобылев Артем Ресей Федерациясының Таулы Алтай қаласында өткен Шанхай ынтымақтастық ұйымы студенттетрінің көшбасшыларының ІІІ Саммитіне қатысты.

Шанхай  ынтымақтастық ұйымының ІІІ студенттер көшбасшыларының саммиті 2019 жылдың 27-30 қараша аралығында өтті. Саммитке  6 елдің 100 астам өкілі қатысты. Қазақстаннан  барлығы 10 студент қатысты, олардың ішінде Қарағанды облысының екі өкілі – Қарағанды мемлекеттік индустриялық университетінің студенттері.

ШЫҰ студенттерінің көшбасшыларының Саммиті жыл сайын дәстүрлі түрде Алтай қаласында өтетін Шанхай ынтымақтастық ұйымына мүше елдердің студенттерінің көшбасшылары, бақылаушылар мен диалог бойынша серіктестердің басын қосатын халықаралық іс-шара болып табылады.

Саммитке  қатысушылар портфолио байқау негізінде анықталды, оның аясында студенттердің тәжірибесі және саммиттің маңызды тақырыптары бойынша әлеуметтік маңызы бар жобаларды жүзеге асыру ескерілген.

Қатысушылар, қонақтар мен сарапшылар үшін білімдік, мәдени, шығармашылық және туристік бағдарламалар жүзеге асырылды. Саммит  бағдарламасының аясында бірқатар шебеолік сыныптары, дөңгелек үстелдер, және студенттік бірлестіктер қызметінің негізгі бағыттары бойынша дәрістер өткізілді.

Салтанатты  жабылу рәсімі Алтай мемлекеттік университетінің Ғылыми кеңес залында өтті. Үш  күндік жұмыстың нәтижесі студенттік өзін-өзі басқару жүйесін, жастардың жобалық әрекеті мен оқу процесін жақсарту бойынша ұсыныстардан тұратын қарар қабылданды. Дауыс  беру қорытындылары бойынша қарар жобасы бірауыздан қабылданды және оны қатысушылар мен ұйымдастырушылар әрі қарайғы жұмыс және байланыс барысында жүзеге асырады.

Халықаралық  деңгейде жастар ұйымдары арасындағы серіктестік пен достықты дамыту жолындағы маңызды қадам Бүкілресейлік студенттік одақтың төрағасы Олег Цапко мен БҰҰ Омбы халықаралық моделінің бас хатшысы Врежик Фаградянның ынтымақтастық жобаларына қол қою рәсімі болды.

Сертификаттар тапсырылғаннан кейін қатысушылар, ұйымдастырушылар мен сарапшылар бейресми жағдайда сөйлесуге және пікір алмасуға мүмкіндік алды.

ҚМИУ баспасөз қызметі