ҚМИУ жанындағы техникалық-экономикалық колледжінің студенті Базарбекова Венера «Көктем аруы-2018» облыстық байқауында 1 орын алды, ОЗХТ-17 тобының студенті Атакулова Земфира арнайы жүлде мен қатысушы дипломына ие болды.

14 наурызда Кеншілер Мәдениет Сарайының сахнасында Қарағанды облысының  ең әдемі қыз тәжі үшін 12 финалға шыққан қыздар күресті, бұл байқауға біздің университет атынан 2 қыз қатысты: Базарбекова Венера – ҚМИУ жанындағы техникалық-экономикалық колледжінің студенті және Атакулова Земфира –ОЗХТ-17 тобының студенті. 5 наурызда бұл қыздар «ҚМИУ Аруы» атты университеттік байқауда жеңіске жетті.

Конкурс 4 кезеңнен тұрды: визит карточкасы, кешкі көйлектердегі дефиле, «Дарын минуты» шығармашылық сайыс және «Астанаға тарту» үй тапсырмасы, бұл кезеңде қатысушылар әртүрлі техникада орындалған жұмыстарын ұсынды.

Базарбекова Венера қазылар алқасына ерекше сыйлық ұсынды: үкі, ол біздің университеттің 3Д инженерия зертханасында 3Д принтерде өзі орындаған. Барлық дайындау процесі камераға түсірілді, ол кез-келген жалғандыққа жол бермеді. Неліктен үкі? Венера жауап бергендей, дәл үкі даналық пен білімнің символы болып табылады және ол үкіні Қазақстан Республикасының Тұңғыш Президентінің Альма-матеріне мыңдаған студенттер ұжымының атынан сыйлауды шешті. Көрермендер мен қазылар алқасын Венераның 3Д принтерде басып шығару техникасын шеберлікпен меңгергені таң қалдырды және оның сыйлығы шапалақ тудырды. Сонымен қатар, ол қазылар алқасына өзінің шығармашылық нөмірін – шеберлікпен орындалған биін ұсынды. Шын мәнінде дарынды адам барлық істе дарынды, сондықтан байқаудағы 1 орынды күтерліктей болды.

Біздің университетіміздің екінші өкілі Атакулова Земфира шығармашылық нөмірімен көрермендер мен жанкүйерлерді керемет таң қалдырды, ол йога ғажайыптары мен ерекше пластиканы көрсетті. Сондай-ақ, оның тірі жыланмен биі, оның өткір пышаққа төтеп берген мықты пресс іші, және сынған әйнекте жатуы қошеметке ие болды. Ол Астананың 20 жылдығына халықтық үлгіде – киізден жасалған аппликацияда біздің Астана  көрінісіндегі суретті сыйлады, сондай-ақ өз қолымен орындалған. Земфираның айтуынша, біздің әжелеріміз осы өнерді сонау өткен заманда игерген, осы халық өнерінің таңғажайып үлгісі ескерусіз ұмытылған.

Біздің студенттердің сөйлеген сөздері жарқын, шығармашылық қасиеттерімен ерекшеленді. Қыздар байқауға дайындық кезінде көмектескен барлық адамдарға: топтастарына, бей-жай қарамайтын достарына, ата-аналарына алғыс айтады, ерекше ризашылықты – қажетті демеушілік қолдау көрсеткен ҚМИУ кәсіподақ студенттеріне алғыс білдіреді.

Біздің сұлуларымызға жанкүйерлер тобы өз үлестерін қосты, оның рөлінде ЭКжБЖ факультет деканының орынбасары Жанабергенова Динара Кеңесқызы басқарған МҚӨТ17қ-4 тобының 1 курс студенттері.

ҚМИУ баспасөз қызметі

Ертеден келе жатқан дәстүр-ҚМИУ оқытушылары мен қызметкерлері арасында Спартакиаданы өткізу біраз үзілістен кейін қайта бастауын тапты. 13 наурыз кешке университеттің спорт ғимаратында спорттың төрт түрі – асық,  дартс, үстел теннисі және гир көтеру бойынша жарыстар басталды.   

Төрелікті ҚМИУ-дің дене тәрбиесі секциясының оқытушылары қамтамасыз етеді. 14 наурызда қатысушылар дойбы мен шахматтан жарыс кезінде өз шеберліктерін көрсетеді. Сол күні футбол командалары да алаңда кездеседі. 15 наурыз – Спартакиада бағдарламасында – волейбол және тоғызқұмалақ.

– Жарыс 16 ақпанда аяқталады – қатысушыларды эстафета және арқан тарту күтуде, – дейді жарыстың бас төрешісі Раиса Колесникова. – Сол күні барлық спорт түрлері бойынша жалпы командалық және жеке ұпайларын қорытындылау және жеңімпаздарды марапаттау өтеді.

ҚМИУ баспасөз қызметі

Қарағанды мемлекеттік индустриялық университетінде Теміртау қ. ІІБ кадрлар бөлімінің бастығы, полиция капитаны Берік Бектасов болып қайтты. Ол студенттерге тәртіп сақшыларының күрделі және жауапты жұмысында сөзсіз кездесетін қиындықтар мен қуаныштар туралы айтып берді.

Нақты тарих негізінде түсірілген полиция қызметкерлерінің күнделікті тыныс-тіршілігі туралы фильм ешкімді бей-жай қалдырған жоқ. Тәртіп сақшылары көрсетілген сюжет көмегімен жастарды қиын, бірақ абыройлы, біздің күнделікті өмірімізді қауіпсіз ететін, жиі болмаса да полиция қызметкерлерінің өміріне қауіп төндіретін жұмыспен жақын танысады деп үміттенеді.

Сонымен қатар, Берік Бектасов студенттерге ведомстволық жоғары оқу орындарына – ҚР ІІМ-нің Алматы және Қарағанды Академияларына, сондай-ақ Қарағанды, Қостанай және Ақтөбе Заң институттарына қабылдау шарттары туралы айтып берді, онда екінші жоғары білім алуға болады.

ҚМИУ баспасөз қызметі

6 наурыз күні Қарағанды мемлекеттік индустриялық университетінде Халықаралық әйелдер күніне арналған сұлулық пен көктем мерекесі өтті. “ҚМИУ Аруы-2018” атағы үшін ЖОО, сондай-ақ ҚМИУ жанындағы техникалық-экономикалық колледжінің студенттері бақ сынасты.

Барлық студенттер сүйетін бұл байқау, бұрыннан дәстүрге айналды. Ол сұлулық пен шеберліктің байқауына қатысуға шешім қабылдаған сұлулардың жанкүйерлері мен жанкүйерлердің толық залын жинайды.

Байқауға күндізгі оқу бөлімінің бірінші-екінші курс студенттерінен отыздан астам өтінім қабылданды. ҚМИУ акт залының сахнасында өткен финалға жеті қатысушы өтті. Байқауды ұйымдастырушылар – ҚМИУ тәрбие ісі жөніндегі департаменті және ҚМИУ Жастар саясаты мен жастар ісі жөніндегі комитет атап өткендей, әрбір қатысушы университеттің бірінші сұлуы атағына лайықты.

Міне, енді өздерінің барлық таланттарын және өздерін ең тиімді жақтарынан үлкен аудиторияға көрсететін уақыт келді. Дәстүр бойынша қыздар үш конкурстық тапсырмадан өтті.

Байқауда сахнаға шыққан әр қатысушы өздерін слайд-презентациялармен немесе бейнероликтермен, хореография және шағын театрландырылған көрініс ұсынумен, ән орындаумен  таныстырды.

Ең қызықты шығармашылық байқау болды, онда студенттер өз өнерлерін көрсетті. Ал ең тамаша, әрине, кешкі көйлектерде шығу болды.

Бірінші курс студенті Земфира Атакулованың осындай іс-шараларға қатысу тәжірибесі бар – оның есебінде өзінің туған жері Өзбекстанда өткен сұлулық байқауы бар, ол сол жақтан Теміртауға оқуға келді.

– Маған бәсекелескен қатты ұнайды, мен жарқын байқауларды ұнатамын, – дейді Земфира. – ҚМИУ-ге түсерге дейін оқыған Академиялық лицейде, мен екінші орын алдым.

Ал байқаудың тағы бір қатысушысы – Алина Есхат – сұлулық байқауына алғаш рет қатысты.

– Менде бәрі қалыптасады деп және мен жеңемін деп үміттенемін. Дегенмен айта кету керек, барлық қарсыластар өте күшті. «ҚМИУ Аруы» қатысу – бұл керемет! Менің ойымша, студенттік өмірді- біздің өмірімізді жарқын ете түсетін дәл осындай оқиғаларымен қызықты! – дейді Алина.

«ҚМИУ аруы» байқауы ЖОО-да алғашқы жыл өткізіліп отырған жоқ. Ұйымдастырушылардың айтуы бойынша, қатысушыларда модельдік сыртқы келбет болуы міндетті емес.

– Бірінші орында – қыздардың эрудициясы, өздерін таныстыруы және өздерінің қабілеттерін аша білуі, – дейді Тәрбие ісі және жастар саясаты департаментінің директоры Мадина Салпенова.

ҚМИУ  әкімшілігі, профессор-оқытушылар құрамы мен іс-шараның серіктестерінің өкілдерінен тұратын қазылар алқасы әрбір конкурстық тапсырманы 10 баллдық жүйе бойынша бағалады. Барлығы ескерілді: сөйлеу мазмұны, сөйлеу мәдениеті, шешендік шеберлігі, сахна мәдениеті, өзіндік ерекшелігі мен орындау даралығы, шығармашылық қабілеттері, көркемдік мәнерлілігі, эмоционалдық көңіл-күйі.

Міне, көптен күткен және қызықты сәт – нәтижелерді хабарлау!

Байқаудың Бас жүлдесі және «ҚМИУ Аруы-2018» атағы ҚМИУ жанындағы техникалық-экономикалық колледжінің студенті Венера Базарбековаға берілді.

Бірінші вице-ару Земфира Атакулова

Шынайылық аруы – Мадина Есболова

Шығармашылық аруы – Айнагүл Ұзынбай

Наурыз аруы – Гүлжанар Орозхан

Дарын аруы – Еркежан Сарсенбай

Көктем аруы – Алина Есхат болды.

Барлық қатысушыларға университет басшылығынан және демеушілер атынан дипломдар мен естелік сыйлықтар табысталды.

«ҚМИУ Аруы-2018» Венера Базарбекова:

– ҚМИУ жанындағы техникалық-экономикалық колледжінде  экономист-бухгалтер мамандығы бойынша оқимын. Мен бұл мамандықты таңдадым, өйткені үнемі экономикаға қызығушылық таныттым. Болашақта «Қазақстан Халық банкі»  АҚ басқарма төрағасы Үміт Шаяхметова сияқты  және Қазақстан экономикасындағы өзгерістерге өз үлесімді қосып, ықпал еткім келеді. Байқауға дайындалу өте қиын болды, бірақ қызықты. Мұндай іс-шаралар көптеген қыздарға көпшілік алдында өздерінің қорқыныштарын жеңуге мүмкіндік береді. Бәсекелестік өте күшті болды, себебі барлық қатысушылар тыңғылықты дайындалды. Қарсыластарыммен жақсы қарым-қатынас қалыптасты, барлық қыздар өте мейірімді болды. Бірінші күні-ақ, біз достасып кеттік және бір-бірімізге көмек көрсеттік. «ҚМИУ Аруы-2018» байқауында мен өзімнің шығармашылық қабілеттерімді көрсете, өзімді сынап көргім келді. Бұл байқау мені мен сахнаға шыққан биді қалыптастыруға жетеледі. Бала кезімнен кәсіби биші болуды және үлкен сахнаға шығуды армандайтынмын. Бүгінгі таңда менің арманым белгілі бір деңгейде орындалды. Мүмкін, бәрі түсінбейді, бірақ мен үшін сахна – бұл жай ғана сөз емес, көп нәрсе.

ҚМИУ баспасөз қызметі

5 наурыз күні ТМЖ-15қ тобының студенттері Теміртау балалар үйінің тәрбиеленушілері үшін қайырымдылық акциясын өткізді.

TMЖ-15Қ тобы студенттерінің балалармен достығы жақында басталды: бірнеше апта бұрын балалардың өз бастамасымен балалар үйіне қоңырау шалды және жақынырақ танысу мен достасуды шешіп, кездесу туралы келісті. Қонаққа келіп не жетіспейтінін және сыйлыққа не алғысы келетіні туралы білді.

Ал содан кейін ақша жинап, жуғыш зат, сусабын, дезодоранттар, шұлықтар және басқа да көптеген заттар сатып алды. 5 наурызда студенттер тек осы сыйлықтармен ғана келген жоқ – олар өздерімен бірге тағы өз қолдарымен пісірген бәліштерді ала келді. Сонымен қатар, ҚМИУ өкілдері концерттік нөмірлер мен спорттық ойындар дайындады.

ТМЖ-15Қ тобының студенттері айтқандай, бұл олардың балалар үйіне бірінші баруы, бірақ соңғы емес. Достық жалғасуда, жоспарлар аз емес. Балалар олардың көмекке мұқтаж жандарға көмектесу акциясына  қосылуға басқа топтарды шақырады.

ҚМИУ баспасөз қызметі