Қарағанды индустриялық университеті Қырғызстан университеттерімен: И.Арабаев атындағы Қырғыз мемлекеттік университетімен және И.Раззаков атындағы Қырғыз мемлекеттік техникалық университетімен ғылым және жоғары білім саласындағы ынтымақтастық меморандумдарына қол қойды.

И.Арабаев атындағы Қырғыз мемлекеттік университеті заңды тұлға мәртебесі бар және жоғары, орта кәсіптік және қосымша жалпы кәсіптік білім беру саласында білім беру бағдарламаларын іске асыратын мемлекеттік жоғары оқу орны болып табылады.

И.Раззаков (ҚМТУ) атындағы Қырғыз мемлекеттік техникалық университеті Қырғызстанның инженерлік-техникалық білімінің флагманы болып табылады. Университет Қырғызстан республикасына жақын және алыс шетелдерге түрлі бағыттар бойынша жоғары білікті мамандар даярлайды.

Қазақстан Республикасы Білім және ғылым министрлігінің тапсырмалары, сондай-ақ даму жоспарының мақсаттары мен міндеттерін іске асыру шеңберінде біздің университет халықаралық университеттермен серіктестік байланыстарды кеңейту бойынша белсенді жүйелі жұмыс жүргізуде.

Жасалған меморандумдар шеңберінде ынтымақтастықтың негізгі бағыттары ғылыми зерттеулер, тағылымдамалар өткізу, инновациялық технологиялар ғылымы саласындағы халықаралық ынтымақтастық бағдарламаларын әзірлеу, әлемдік ғылыми-білім беру және ақпараттық жүйелерге интеграциялау, халықаралық қорлар мен ұйымдар конкурстарына қатысу үшін бірлескен ғылыми халықаралық жобаларды әзірлеу болып табылады.

Біздің университет пен И.Арабаев атындағы Қырғыз Мемлекеттік Университеті, И.Раззаков атындағы Қырғыз мемлекеттік техникалық университеті арасында жасалған меморандумдар ҚарИУ халықаралық білім беру интеграциясы ісіндегі тағы бір маңызды қадам болды.

Металлургия және машина жасау факультетінің 2 курс студенті Акмалова Иляна ТМД жастары арасында ұйымдастырылған «Үздік студент» халықаралық байқауының жүлдегері атанды. Бұл байқау «Genius» халықаралық спорт, Білім және ғылым орталығымен өткізіліп, талантты жастарды қолдауға бағытталған.

Иляна 2 дәрежелі дипломмен және «Жылдың үздік студенті» төсбелгісімен марапатталды.
Илянаны лайықты жеңісімен құттықтаймыз және оған шын жүректен денсаулық, сәттілік және одан әрі биіктіктер тілейміз! Алда осындай көптеген марапаттар мен табысты жобалар көп болсын!

«Болашақ» халықаралық стипендиясы Қазақстан Республикасының — Тұңғыш Президенті – Елбасы Н.Ə.Назарбаевтың 1993 жылғы 5 қарашадағы Қаулысымен құрылған.
Бағдарламаның мақсаты – ел экономикасының басым секторлары үшін кадрлар мен мамандар даярлау.

Бағдарлама академиялық оқуды (магистратура, докторантура) және әлемнің жетекші компаниялары мен университеттерінде ғылыми-өндірістік тағылымдамадан өтуді қамтиды.
Біздің университеттен ТМжК кафедрасының меңгерушісі Ногаев Кайрош Абилович «Болашақ» Халықаралық стипендиясы иегері атанды.

Сізге шығармашылық шабыт, сарқылмас қуат, жаңа жетістіктер, табыстар мен жеңістер тілейміз!

Металдарды қысыммен өңдеу кафедрасының доценті, PhD докторы Панин Евгений Александровичті 05.16.00-Металлургия мамандығы бойынша қауымдастырылған профессор (доцент) ғылыми атағына ие болуымен құттықтаймыз.

Евгений Александровичке одан әрі кәсіби табыс, жаңа жетістіктерді іске асыру, сәттілік және шығармашылық шабыт тілейміз!

Дене тәрбиесі секциясы Қазақстан Тәуелсіздігінің 30 жылдығын тойлау құрметіне КарИУ студенттері арасында жарыстар өткізді.

Қыздар арасында ЖДШ бойынша жарыстар үш бағыттаөткізілді: секіртпемен секіруде 1 орынды Абсатар А., орнында секіруде 1 орынды Тәсібек М. және Жиенбек С., степте секіруден 1 орынды Күндебай Н. алды.

Волейболдан жасөспірімдер арасындағы жарыста бірінші орынды Алаш командасы (Капитан Рахымбек С.), екінші орынды Жуалы командасы (команда капитаны Абдрей Н.), үшінші орынды ТЭК командасы (команда капитаны Қайыпов М.) иеленді.

Футболдан жарысқа 40 адам қатысты. Жарыс олимпиадалық жүйе бойынша өтті. Турнир барысында командалар келесі орындарды иеленді : 1 орын-Әли және К-капитан А. Зайнаев, 2 орын – Аякс – капитан Серікбай О., 3 орын – Азамат 1629-капитан А. Төребаев.

Баскетбол жарыстарында студенттер стрит-бол бағыты бойынша сынға түсті. Ойындар барысында орындар келесідей бөлінді: 1 орын – ҚарИУ командасы – 1 ( капитан Курманбек Р.), 2 орын – ТЭК құрамасы ( капитан Грищенко Д.), 3 орын – ҚарИУ-2 (капитан Муродов М). Жарыстың жеңімпаздары ,жүлдегерлері мен қатысушылары мақтау қағаздарымен, медальдармен және тәтті сыйлықтармен марапатталды. Барлық қатысушыларды құттықтап, оларға спорттық табыстар тілейміз!