«ҚМИУ құрамасы» командасы КВН ең беделді – Ақмола лигасының финалына қатысты. Ойын 20 желтоқсанда Көкшетау қаласында өтті.

Команда беделін Сергей Хегай (ТМЖ-16 тобы), Марат Семенец (АжБ-16 тобы), Дарина Накупова (МҚӨТ-16к-1 тобы), Вячеслав Ким (МЖ-15с тобы), Айдын Жумагельдинов және Дмитрий Горбачев (МЖ-14 тобы) қорғады.

Команда күшті қарсыластармен ойнады, осы ойын нәтижесінде келесі жылы біздің команда Ресейде КВН Омск лигасында ойын көрсету мүмкіндігіне ие болады.

ҚМИУ Баспасөз қызметі

2017 жылдың 14 желтоқсан күні Астана қаласында жыл сайын өткізілетін «Туған жер! Туған тіл! Туған ел!» атты Қазақстан париоттарының форумы өткізілді, форум жұмысына Қазақстан Республикасының Мәжіліс депутаттары, Мәдениет және спорт министрлігінің өкілдері және еліміздің барлық өңірлерінен екі жүзден астам делегаттар қатысты.

Қазақстан Республикасының Мәдениет және спорт министрлігінің ақпараты бойынша форумға қатысушылар – біздің қоғамыздың үздік өкілдері, еліміздің мүддесі үшін қызмет ететін: дәрігерлер, әскери мамандар, педагогтар, спортшылар, мәдениет қызметкерлері, бизнес және қоғамдық ұйымдар өкілдері.

Форум жұмысы Мемлекет Басшымыздың «Болашаққа бағдар: қоғамдық сананы жаңғырту» бағдарламалық мақаласында айқындалған міндеттерді талқылаумен басталды. Осы форум шеңберінде «Еліміздің Құрметті патриоты» атағы отыз қазақстандыққа берілді.

Қарағанды облысының делегациясының құрамында Қарағанды мемлекеттік индустриялық университетінің «Металды қысыммен өңдеу» кафедрасының аға оқытушысы Алмас Ержанов осы іс-шараға қатысты.

– Форум жоғары деңгейде өтті. Мен біздің мемлекетіміздің саясаты Қазақстан Республикасының азаматтарын патриоттық тәрбиелеу бағытында атқарылып жатқан істері өте дұрыс деп санаймын, сонымен қатар ел ішіндегі ұлтаралық және діни ағымдар өкілдері арасындағы келісім және төзімділікке бағытталған жұмыстар әрі қарай жалғасын табады. Бұл өте маңызды, – деп атап өтті университет өкілі.

ҚМИУ баспасөз қызметі

ҚМИУ жанындағы жұмысшы мамандықтарды дайындауға арналған оқу орталығында жақында он үш адам “Бақылау-өлшеу аспаптары және автоматика слесары” бойынша жұмыс біліктілігін беру туралы куәліктерін алды.

 Оқу орталығы Қарағанды мемлекеттік индустриялық университет жанында екінші жыл жұмыс істейді. Осы уақыт ішінде бірнеше ондаған теміртаулықтар еңбек нарығында сұранысқа ие кәсіптік мамандығын алды.

Қысқа мерзімді курстар барлық қалаушылар үшін Қазақстан Республикасы Президенті, Ұлт көшбасшысы Н.Ә.Назарбаевтың «Қазақстанның әлеуметтік жаңғыруы: Жалпыға Ортақ Еңбек Қоғамына қарай жиырма қадам» атты Бағдарламалық мақаласын іске асыру шеңберінде өткізіледі. Сабақ ұзақтығы бір ай, содан кейін тыңдаушылар біліктілік емтиханын тапсырады.

БӨАжА слесарьдан басқа мұнда хатшы-референт, электронды-есептеу машиналарының операторы, сылақшы-маляр, бақылаушы-кассир, электртехникалық қызмет көрсету және электр жабдықтарын жөндеу бойынша электромонтер және т.б. ретінде оқуға болады. Оқу орталығы қазіргі заманғы материалдық-техникалық базамен жабдықталған. Өнеркәсіптік тәжірибе қаланың ірі өнеркәсіптік кәсіпорындар базасында өтеді.

Толық ақпаратты мына мекенжай бойынша алуға болады: Теміртау қ., Республика даңғ., 30, А корпусы, 207 каб. Анықтама телефондары: 8 (7213) 41-13-55, 8-701-254-77-37.

ҚМИУ баспасөз қызметі

Теміртау қаласының әкімі Ғ.А.Әшімов Қазақстан Республикасының Тәуелсіздік күніне арналған салтанатты жиында Қарағанды мемлекеттік индустриялық университетінің ректоры, техника ғылымдарының докторы, профессор Б.Жәутіковке Қазақстан Республикасы энергетика Министрлігінің «Еңбек сіңірген энергетик» төсбелгісін табыс етті.

ҚМИУ ұжымы шын жүректен Бахыт Ахатұлын құттықтайды, осы төсбелгі оған ерекше еңбегі үшін және елдің электрэнергетика саласын дамытуға қосқан жеке үлесі үшін табыс етілді.

ҚМИУ баспасөз-қызметі

Мерекенің қатысушылары Қарағанды мемлекеттік индустриялық университетінің  оқытушылары мен студенттері, ал Құрметті қонақтары – ҚР Тұңғыш Президент серіктестері және басқа да құрметті теміртаулықтар болды.

 Осы күні қаланың әлеуметтік-экономикалық дамуына қосқан үлесі үшін, қоғамдық-саяси өмірге белсене араласқаны үшін Теміртау қаласының әкімінің Құрмет грамоталарымен ҚМИУ-дің оқытушылары: «Металлургия және материалтану» кафедрасының профессоры, техника ғылымдарының кандидаты Өтепберген Артықбайұлы Артыкбаев; «Металлургия және материалтану» кафедрасының профессоры, техника ғылымдарының кандидаты Юрий Иванович Шишкин; «Металлургия және материалтану» кафедрасының профессоры, техника ғылымдарының кандидаты Анатолий Корнеевич Торговец; «Химиялық технологиялар және экология» кафедрасының профессоры, химия ғылымдарының кандидаты Нина Федосеевна Гавва марапатталды.

Қазақстан Республикасының жоғары білім беру жүйесін дамытуға қосқан үлесі үшін және Тәуелсіздік күніне орай Қазақстан Республикасы Білім және ғылым министрлігінің Құрмет грамотасымен марапатталғандар: оқу ісі жөніндегі проректор, профессор Сивякова Галина Александровна; «Металдарды қысыммен өңдеу» кафедрасының меңгерушісі, профессор Ольга Николаевна Кривцова; «Қазақстан тарихы және әлеуметтік-гуманитарлық пәндер» кафедрасының меңгерушісі, профессор Оксана Николаевна Гуменчук; «Қазақ, орыс және шет тілдері» кафедрасының аға оқытушысы Алтынай Қасымқызы Жүнісова; ҚМИУ жанындағы техникалық-экономикалық колледжінің директоры Сапар Бағдатұлы Хамитов; «Энергетика, автоматтандыру және есептеу техникасы» кафедрасының доценті Артем Владимирович Гурушкин; инфрақұрылымды пайдалану және дамыту департаментінің директоры Ердос Сағатұлы Айтбаев.

Адал білікті қызметі үшін және Қазақстан Республикасының Тәуелсіздік күніне орай, ҚМИУ ректорының алғыс хаттарымен инфрақұрылымды пайдалану және дамыту департаментінің қызметкерлері: Мейрамбек Нұрғалиұлы Қосаев, Айбек Шакизатович Ильясов, Аяужан Аубакировна Мажкенова, Николай Николаевич Гасилов, Сания Султановна Карабаева, Венера Анваровна Хасанова, Айнур Алимхановна Шушибаева марапатталды.

Биылғы жыл ҚМИУ үшін ерекше: 1967 жылы ЖТОО-зауытын Қазақстан Республикасының Тұңғыш Президенті Нұрсұлтан Әбішұлы бітіргеннен бері 50 жыл өтті. 1 желтоқсан қарсаңында университетімізде ауқымды халықаралық ғылыми-практикалық конференция өтті, оның қонақтары мен қатысушылары Мемлекет басшысының серіктестері, Қарағанды облысының әкімі Қошанов Ерлан Жақанұлы, Қазақстан Республикасының Білім және ғылым министрі Ерлан Кенжеғалиұлы Сағадиев, шет елдердің жетекші профессорлары, Қарағанды облысы мен Теміртау қаласының еңбек ардагерлері, мәслихат депутаттары және қоғам қайраткерлері болды. ЖТОО-зауытының 1967 жылғы түлектерінің «алтын» мерейтой құрметіне Қазақстанның тәуелсіздігі мен әлеуметтік-экономикалық дамуына үлес қосқан түлектер туралы ҚМИУ-да кітап шығарылды. 13 желтоқсанда салтанатты жиында кітаптың тұсаукесері өтті. Сахнаға құрметті қонақтар, Мемлекет басшысының әріптестері Қуаныш Омашұлы Омашев, Ермек Ыбраилұлы Тулеубаев, Тоқтархан Ыбрайұлы Искаков және Никонов Виктор Алексеевич, сондай-ақ кітапты жасауға белсене қатысқан – профессор Оксана Николаевна Гуменчук шақырылды.

ҚР Тәуелсіздігінің 26-жылдығы қарсаңында ҚМИУ студенттері республикалық және облыстық жарыстарда керемет нәтижелер көрсетті. Белсенді азаматтық ұстанымы, қаланың қоғамдық-саяси өміріне қатысқаны, жастар саясатын іске асыруға қосқан үлесі үшін Теміртау қалалық мәслихатының Құрмет грамоталарымен Еламан Қайым, Айбибі Ақберген, Нұрхан Талғат, Сабит Райымбеков, Вячеслав Ким, Айгерим Абилхасымова, Василий Ким, Сұңқар Авижат, Талант Биғалиұлы марапатталды.

ҚМИУ баспасөз қызметі