2018 жылдың 27 қыркүйегінде университетте «Cisco» Желілік академиясы кеңсесінің қолдауымен Иорданияның Амман қ. Al-Balqa Қолданбалы Университетінің (Al-Balqa Applied University) профессоры PhD Riad Taha Al-Kasasbeh ұйымдастырған, халықаралық сарапшы Mahdi Salman Mohammad Alshamasin қатысуымен конференция өтті. Конференцияға оқытушылар, докторанттар мен магистранттар қатысты.

Конференцияның тақырыбы – лифт жабдықтарының электр жетегін дамытудың қазіргі заманғы үрдістері. Лифттерді заманауи конструкциялау схемалары, талдаулары және олардың даму үрдістері, автоматтандырылған электржетекті дамыту үрдістері қарастырылды. Барлық конференция ағылшын тілінде өтті.

Mahdi Alshamasin электротехника/автоматты басқару (мехатроника) саласында PhD ғылыми дәрежеге ие, импакт-факторы нөлге тең емес халықаралық журналдарда рецензияланатын көптеген мақалалардың авторы, мехатрониканың инженерлік бөлімінде жоғары білім беру жөніндегі комиссияның, ғылыми зерттеулер бойынша алқалы комитеттің мүшесі.

Оның ғылыми қызметі және ғылыми зерттеулер ауқымы кең және алуан түрлі. Mahdi Alshamasin ғылыми қызметінің негізгі бағыттарына: “Роботтар: модельдеу, модельдеу және басқару”; “Электр қозғалтқыштарының жетекті жүйесі”; “Түрлендіргіштер, өлшеу және сигналдарды өңдеу”; “Автоматты басқару” және “Биомедициналық инженерия” жатады.

Конференция барысында магистранттар, докторанттар мен оқытушылар үлкен қызығушылық танытты, пікірталасқа белсенді қатысты.

Конференция соңында қатысушылар шетелдік профессорлар мен іс-шараның ұйымдастырушыларына алғыстарын білдірді, сондай-ақ ғылыми ынтымақтастықты нығайту және дамыту жоспарларын, электротехника мен автоматты басқару саласындағы академиялық ұтқырлық және ғылыми зерттеулер бойынша ынтымақтастық жоспарларын айқындады.

27 қыркүйек 2018 ж. ҚИУ-да Теміртау қаласының ішкі істер Басқармасы қызметкерлерінің бірінші курс студенттерімен кездесуі өтті.

Кездесудің мақсаты – жастар ортасында девиантты мінез-құлықтың алдын алу.

Алдын алу кездесуі кәмелетке толмағандардың қылмыс пен құқық бұзушылық жасағаны үшін әкімшілік және қылмыстық жауапкершілік мәселелеріне арналды.

Теміртау қ. ІІБ ЖПҚ инспекторы Рахматулина Жания Төлеубекқызы жастар ортасындағы ең көп таралған құқық бұзушылықтар туралы және заң бұзғаны үшін жауапкершілік түрлері туралы толығырақ айтып берді, қиын өмір жағдайында өзін қалай ұстау және қайда жүгіну керектігін түсіндірді.

ТІжЖСД директоры Салпенова Мадина Мейрамқызы студенттерді ішкі тәртіп ережелері, тәртіп, жатақханадағы күн тәртібі және академиялық адалдық кодексі бұзылуына жол бермеу туралы хабардар етті.

Студенттер арасында құқық бұзушылықты болдырмауға бағытталған осындай алдын алу іс-шараларын өткізудің өзектілігі – бұл ҚИУ-да өткізілетін тәрбие жұмысының басты міндеті.

Қарағанды индустриялық университетінің 2018 – 2019 оқу жылына арналған тәрбие жұмысын жүргізу жоспарына сәйкес осындай кездесулер семестрде 2 рет тұрақты негізде өткізілетін болады.

Іс-шараға қатысқандардың саны – 200 адамды құрады.

26 қыркүйек 2018 ж. ҚМИУ платформасында «Қарағанды мемлекеттік индустриялық университетінде «Нұр Отан» «Сандық партия» әлеуметтік бастамаларын іске асыру» атты дөңгелек үстел өткізілді, оның құрметті қонақтары: Оспанова Қадиша Базарбайқызы – «Нұр Отан» партиясының Қарағанды облыстық филиалының төрағасының бірінші орынбасары; Есімханов Дәурен Жағыпарұлы – Теміртау қ. әкім орынбасары; Ломакин Алексей Борисович – қалалық мәслихат хатшысы; Есмұрзаев Алтынбек Атабекұлы – «Нұр Отан» партиясының Теміртау филиалы төрағасының бірінші орынбасары, сондай – ақ университеттің профессор-оқытушылар құрамы болды.

Іс-шара қатысушылары үшін 3Д баспасының сандық зертханасына экскурсия жүргізілді, оның барысында зертхананың функционалдық мүмкіндіктері мен бағыттары бойынша егжей-тегжейлі түсіндірмесі қаралды, бұл ретте қонақтардың назарына ұсынылғаны 3D басып шығару процесі – бұл қабаттарды қою жолы арқылы үш өлшемді модель үлгісі бойынша шынайы объект құру процесі, және бұл, үш өлшемді баспа зертханасы – ең батыл идеяларды өмірге айналдыру мүмкін!

Қонақтар Теміртау қ. «Мәдениет сарайы» бастауыш партия ұйымының Қоғамдық қабылдауына барып қайтты, онда АКҰ төрағасының орынбасары Кәріпбаева Айжан Рыскелдіқызы Қоғамдық қабылдаулар қызметі мен оның даму болашақ жоспарлары туралы айтты. Қабылдау осы жылдың тамыз айында Қарағанды қ. өткен АКҰ Форумынан кейін ашылды.

«Нұр Отан» партиясының Теміртау қалалық филиалы жанындағы «Теміртау мәдениет сарайы» Бастауыш партия ұйымы қатарында 981 партия мүшелері және ҚМИУ, Мәдениет сарайы, “Вершина” ӨК, “КазЭнергоМаш” ЖШС бар, ең көп мүшелер саны университетте (726 адам).

Дөңгелек үстел өткізу процесінде ҚМИУ ректоры Жәутіков Б.А. «Университетте «Сандық партия» «Нұр Отан» партиясының әлеуметтік бастамаларын іске асыру туралы» баяндамасымен сөз сөйледі. Бақыт Ахатұлы университеттің стратегиялық міндеттерінің бірі – бірыңғай ақпараттық-білім беру ортасын дамыту және «Сандық Қазақстан» бағдарламалары мен «Сандық партия» әлеуметтік бастамасын іске асыру шеңберінде қазіргі заманғы IT- технологияларды толық көлемде енгізу болып табылатындығын атап өтті. Университет базасында «IT мамандарын даярлау» бастамашылық жоба шеңберінде «Cisco» желілік академиясының аймақтық орталығы ашылды, онда облыстың орта мектептері мен колледждерінің 100-ден астам информатика пәнінің мұғалім-жаттықтырушылары «IT Essentials» курсы бойынша оқыды және сертификатталды, ал университеттің 4 оқытушысы «CCNA RoutingandSwitching» курсынан оқудан өтті және «Cisco» академиясының

жаттықтырушылары сертификаттарын алды. Жылдың соңына дейін 140 IT-мамандарын даярлауды жоспарлап отырмыз. «Нұр Отан» партиясының әлеуметтік бастамасы шеңберінде Қарағанды облысында ашылған барлық компьютерлік сыныптарда ҚМИУ базасында ашылған «CISCO» Желілік академиясының аймақтық орталығында оқудан өткен сауатты мамандар оқытады.

Ғылыми жұмыс және халықаралық ынтымақтастық жөніндегі проректор А.А. Айкеева «Инновациялық білім беру экожүйесін құрудағы аймақтық университеттің рөлі» атты баяндама жасады, ҚМИУ-дағы «CISCO» бағдарламасын іске асыру жөніндегі үйлестіруші Н.Б. Саидрахимов «CISCO» Желілік академиясы аймақтық кеңсесінің қызметі және ҚМИУ-да «ТЖСЖАБ» бағдарламасын жүзеге асыру туралы» тақырыбында сөз сөйледі.

Мәслихат хатшысы А.Б.Ломакин жастар бастамаларын қолдау мен іске асыруда ҚМИУ белсене қатысып отырғанын атап өтті, университет базасында “Жастар Отанға” жастар мәдени-сауық орталығы жұмыс істейді.

Қ.Б. Оспанова дөгелек үстел нәтижелерін қорытындылай келе, ол университетң ректоры Б.А.Жәутіковтың жетекшілігімен партияның әлеуметтік бастамаларын жүзеге асыру бойынша көп жұмыс жүргізілуде, заманауи оқыту технологиялары енгізілуде, халықаралық ынтымақтастық кеңеюде – деп атап көрсетті.

Іс-шара соңында Қадиша Базарбайқызы «Нұр Отан» партиясының жоғары марапаты «Белсенді қызмет үшін» медалін ҚМИУ ректоры Бақыт Ахатұлы Жәутіковке табыстады, жұмыстарды ұйымдастыруда негізгі рөл «бастауыш» төрағасымен бөлінетіндігін, сондықтан оқытудың түрлі әдістерін пайдалана отырып АКҰ жетекшілерін үздіксіз оқытуға партия ерекше назар аударатындығын атап өтті және «Нұр Отан» партиясының қатарында болуға өз еңбегімен, өз ұмтылысымен ҚР Президенті Н.Ә.Назарбаевтың саясатын, елдің әлеуметтік-экономикалық дамуында және «Сандық партия» әлеуметтік бастамаларын іске асыруда партияның белсенді рөлін қолдайтын дөңгелек үстелдің барлық қатысушыларына шын жүректен өз алғысын білдірді.

2014 жылдан бастап Қазақстан Республикасында «Мәңгілік ел жастары – индустрияға»– «Серпін – 2050» мемлекеттік бағдарлама жүзеге асырылып жатыр.

Бағдарлама мақсаты – еліміздің еңбек ресурстары мол оңтүстік өңірінің жастарын оқытумен (Алматы, Түрікстан, Жамбыл, Қызылорда, Маңғыстау облыстары) кадрлар жетіспейтін шығыс, солтүстік және батыс өңірлерінде жұмыспен қамтамасыздандыру.

2015 жылдан бастап Мәңгілік ел жастары – индустрияға»– «Серпін – 2050» мемлекеттік бағдарламасына техникалық мамандықтар бойынша біздің Қарағанды мемлекеттік инлдустриялық университетті де қатысады.

2015 жылы ҚМИУ 8 мамандық бойынша 300 грант бөлінді. Оның 01.09.2015 жылы 294 гранты игерілді, 6 грант 2016 жылдың қаңтар айында қайта бөлінді.

2016 жылы ҚМИУ 11 мамандық бойынша 160 грант бөлінді. Оның 01.09.2016 жылы 157 гранты игерілді, 3 грант 2017 жылдың қаңтар айында қайта бөлінді.

2017-2018 оқу жылында «Мәңгілік ел жастары – индустрияға!» – Серпiн-2050» бағдарламасы бойынша 11 мамандықтар бойынша 161 талапкер оқуға қабылданды. 6 грант игерілмеді.

Ағымды 2018-2019 оқу жылында «Мәңгілік ел жастары – индустрияға!» – Серпiн-2050» бағдарламасы бойынша  90 талапкер, 9 мамандық бойынша оқуға қабылданды.

Қазіргі таңда барлығы 659 студент оқиды.

Осы бағдарлама бойынша ҚМИУ оқуға түскен талапкерлер жатақханамен қамтамасыз етілген, олар оқу аяқталғаннан кейін жұмысқа орналастырылады.

Қарағанды мемлекеттік индустриялық университетінде жақсы оқу үшін студенттеге қолайлы жағдай жасалған.

Университетте заманауи оқу дәрісханалары және ғылыми зертханалары орналасқан 6 оқу-зертханалық корпус, 260 мың кітап қоры бар кітапхана, екі заманауи акт залы, құрамында 6 ойын залы және ашық алаңды спорт кешені жұмыс жасайды.

Университетте 890 орынды 2 жайлы жатақхана бар. Студенттер үшін жатақхана тегін. Университетте қоғамдық тамақтану орындары (4 дәмхана, 80 орынды асхана), сонымен бірге медициналық бөлме  жұмыс жасайды.

Қарағанды мемлекеттік индустриялық университетін таңдаумен – болашаққа сенімді кепілдендірілген  жолдаманы таңдайсың!

«Рухани жаңғыру» бағдарламасын жүзеге асыру іс-шаралары жоспары шеңберінде Қазақстан халықтары Тілдер күні мерекесі қарсаңында 2018 жы-лы 24 қыркүйек күні Қарағанды мемлекеттік индустриялық университетінде «Брейн-ринг» зияткерлік ойны өткізілді, осы ойында студенттер және оқы-тушылар құрамасы кездесті. Әрбір қоманда құрамында 6 қатысушы болды.

Осы іс-шара біздің университетте дәстүрлі түрде өткізіледі. Ойын адам-ның аналитикалық ойлау қабілетін дамытады, жылдам дұрыс жауап беруін, дұрыс шешім қабылдау қасиеттерін қалыптастырады және жетілдіреді.

Ойын үш кезең бойынша өткізілді. 1 кезең – қазақ тіліндегі сұрақтар, 2 кезең – орыс тіліндегі сұрақтар, 3 кезең – ағылшын тіліндегі сұрақтарға жа-уап берілді.

Үш кезең нәтижесі бойынша студенттер командасы жеңіске жетті, олар жюри мүшелеріне өздерінің білімдерін, бір командада жұмыс жасай алатын қабілеттерін көрсетті.

Жеңілпаздар командасына грамота және естелік сыйлық, ал жеңілген командаға көтермелеу сыйлығы тапсырылды. Сонымен бірге екі командаға да ҚМИУ кәсіподақ ұйымының атынан тәтті сыйлық тапсырылды.

Брейн-ринг ойынын «Қазақ, орыс және шет тілдер» кафедрасы ұйым-дастырды.