ҚМИУ-да 16 шілде  «Сәкен оқулары» конкурсы өтті. Оның қатысушылары көрнекті қазақ жазушысы, ақын және қоғам қайраткері Сәкен Сейфуллиннің шығармаларын оқыды, сондай-ақ домбыраның сүйемелдеуімен орындады.

Сәкен Сейфуллиннің шығармашылық мұрасын зерттеуге бағытталған конкурстың ұйымдастырушылары Теміртау қ. мәдениет және тілдерді дамыту бөлімі мен тілдерді үйрену орталығы болды. Іс-араға 60-тан астам адам қатысты, олардың арасында Теміртау қ. ақсақалдар кеңесінің өкілдері, соғыс және еңбек ардагерлері кеңесінің мүшелері, студенттік жастар болды, олар үшін Сәкен Сейфуллиннің бейнесі – бұл Қазақстан поэзиясының жарқын беттерінің бірі.

Қатысушылар заманауи қазақ әдебиетінің негізін қалаушы, ақын және жазушы шығармаларын орындаумен қатар, оның жарқын, бірақ өте қысқа өмірінің санаулы белгілі сәттері туралы да айтты. Өкінішке орай, Сәкен Сейфуллин 1938 жылдың сәуірінде Алматыдағы ІІХК түрмелерінің бірінде «халық жауы» ретінде атылған. 1957 жылы КСРО Жоғарғы Сотының Әскери Алқасымен қылмыс құрамының болмауына байланысты ақталды.

Ақсақалдар Ілияс Баймырзаев пен Қасым Ботанов Сәкен Сейфуллиннің ұлы шығармашылық мұрасын және Қазақстан Республикасының ағарту ісіне қосқан зор үлесін атап өтті. Іс-шара қорытындысы бойынша белсенді қатысушылар ұйымдастырушылар атынан естелік сыйлықтармен және грамоталармен марапатталды.

ҚМИУ баспасөз қызметі

Қарағанды мемлекеттік индустриялық университетінің

ұжымы атынан теміртаулықтарды

металлург күнімен – біздің қаламыздың

мерекесімен құттықтаймын!

Металлургия отандық экономика көшбасшыларының бірі болып табылады және Қазақстан Республикасының өнеркәсіптік әлеуетін орнықты дамуын қамтамасыз ететін сала болып қала береді. Елдің экономикалық әл-ауқаты, барлық өнеркәсіптік кәсіпорындардың тұрақты жұмыс істеуі, мемлекеттің қорғаныс күші металлургия саласына тікелей тәуелді.

Қымбатты теміртаулықтар! Құрметті металлургтер! Шынайы тілектерді қабыл алыңыздар, мықты денсаулық, сәттілік, жаңа кәсіби жетістіктер тілеймін!

Қарағанды мемлекеттік

индустриялық университетінің

ректоры                                                                                                                         Б. Жәутіков

2018 жылдың 15-16 шілдесінде Қарағанды мемлекеттік индустриялық университет базасында кешенді тестілеу (КТ) өтеді. Қабылдау комиссиясына 348 адам өтініш берді, оның ішінде 268 – ТжКБ базасында, 80 – жалпы орта білім беру базасында. КТ мемлекеттік тілде – 113 адам, орыс тілінде – 235 адам тапсыратын болады.

Тестілеу желдету (желдеткіштер), өртке қарсы қорғаныс (өрт сөндіргіштер), тікелей күн сәулесінен қорғау (жалюзи) құралдарымен және қабырға сағаттарымен қамтамасыз етілген бес аудиторияда өтеді. Ауыз су режимін қамтамасыз ету үшін екінші қабатта (әр жағынан) сумен және бір мәртелік стақанмен диспенсерлер орнатылады.

Қауіпсіздік үшін, сондай-ақ КT ережелерін сақтау үшін 14 бейнебақылау камералары, ұялы телефон сигналдарын өшіруге арналған 8 құрылғы, бір аркалы және төрт қолмен жұмыс істейтін металл іздегіш тартылатын болады.

Университеттің білікті оқытушыларынан  тұратын апелляциялық комиссияның құрамы, сондай-ақ КТ өткізу кезіндегі аудиториялар мен дәліздер бойынша кезекшілер тізімі ректордың бұйрығымен бекітілді.

ҚР БҒМ өкілдерімен ақпараттық-коммуникациялық техникалардың (компьютерлер, принтерлер, сканерлер, көшірме аппаратуралары, спутниктік байланыс аппаратуралары  және т. б.)  техникалық жай-күйі тексерілді.

Тестілеу күні университеттің медпунктінде медициналық қызметкерлердің, сондай-ақ ҚМИУ аумағында ІІБ, ТЖБ және Теміртау қ. жедел медициналық көмек қызметкерлерінің кезекшілігі ұйымдастырылады.

ҚМИУ баспасөз қызметі

5 шілде ҚР Тұңғыш Президентінің тарихи-мәдени орталығында еліміз үшін маңызды мемлекеттік мереке – Астананың 20 жылдық мерейтойы қарсаңында –Қарағанды мемлекеттік индустриялық университетінде 2018 жылы оқу бітірген бакалаврлар мен магистранттарға, сондай-ақ ҚМИУ жанындағы техникалық-экономикалық колледж түлектеріне дипломдар салтанатты түрде табысталды.

Біздің университет металлургия, машина жасау, энергетика, құрылыс және Қазақстанның өнеркәсіптік кешендерінің басқа да салаларының білікті мамандарын үлкен өмірге мақтанышпен шығарады. Кешегі студенттің – дәрістері, емтихандары, сынақтары, ұйқысыз түндері, кітапханада және интернетте өткізілген уақыттары артта қалды. Көптен күткен сәтте туды, олар ЖОО бітіргені туралы құттықтаулар қабылдайтын кез келді. ҚМИУ ректоры Б.А.Жәутіков сахнадан жиналғандарға сөз сөйледі. Ол жарты ғасыр бұрын ҚР Тұңғыш Президенті Н.Ә.Назарбаев бітірген ЖОО-да оқудың үлкен жауапкершілік екенін атап өтті. ҚМИУ түлектері тек біздің елде ғана емес, сонымен қатар оның шегінен тыс жерлерде өнеркәсіп және экономиканың барлық салаларында іс жүзінде жұмыс істей отырып, өндірістік және қоғамдық қызметте жақсы нәтижелерге қол жеткізе бұл өмірлік сынақты абыроймен көтеруде.

Қарағанды облысының көптеген танымал адамдары ҚМИУ-ға екінші, тіпті үшінші рет жоғары білім алу үшін келеді. Соның ішінде, 5 шілдеде диплом табысталғандар арасындағы металлургиялық әулетінің өкілі, мемлекет Басшысы үзеңгілесінің ұлы Т.Ж. Арысов және Теміртау қалалық мәслихаттың хатшысы А.Б. Ломакин.

Бұл күні ҚМИУ ректоры барлық оқу жылдары үздік нәтижелер көрсеткен ЖОО үш факультетінің бакалавриаттарына және ҚМИУ жанындағы колледж түлектеріне қызыл диплом табыстады. ҚМИУ мақтанышы: А. Абилхасымова, А. Мусин, Ж. Аменов, Р. Романов, А. Талгатова, М. Аубакирова, В. Рахимов, А. Рахимбекова и С. Сайфуллин (Металлургия және машинажасау факультеті); Д. Корепанова, Р. Кудайбергенов и А. Базаров (Экономика және құрылыс факультеті); В. Ким и С. Попов (Энергетика, көлік және басқару жүйелері факультеті); В. Курлаев, Е. Богданова, Н. Болюх и М. Скрынникова (техникалық-экономикалық колледжі).

Биылғы жылы ұзақ үзілістен кейін ҚМИУ жанындағы техникалық-экономикалық колледжінің алғашқы түлектері бітірді. Колледж директоры С.Б.Хамитов құттықтау сөз  және диплом табыстау рәсімі үшін сахнаға шақырылды. Құрметті ақсақал, соғыс және еңбек ардагерлер қалалық кеңесінің төрағасы Б.К. Ордабаев өзінің эмоционалдық сөзінен кейін ҚМИУ түлектеріне магистрлер дипломдарын табыстады. Содан кейін сахнаға ЖОО үш факультетінің декандары кезек-кезек көтеріліп әркім өз түлектеріне дипломдар табыстады, оларға жарқын жол, сәттілік, кәсіби қызметте табыс тіледі.

Сәт сапар, қымбатты түлектер!

ҚМИУ баспасөз қызметі