• Академиялық ұтқырлық туралы жалпы ақпарат
• Фото Мұрағат
• Приказ по мобильности 2021-2022

«Bilim-orkeniety» ұлттық инновациялық ғылыми-зерттеу орталығының ұйымдастырумен еліміздің жастарын қолдау үшін қолға алынған Республикалық «Үздік студент» жобасы аясында шығарылатын «Жас қыран» атты талантты студенттердің кітап жинағының 2019 жылға арналған шығарылымына құжаттар қабылдау басталғанын хабарлаймыз!

Құжаттар:

• Ғылым саласында
• Өнер саласында
• Спорт саласында
• Ұйымдастырушылық қабілеті жоғары (Студенттік ұйымдар төрағалары мен белсенділері)

жетістікке жеткен студенттерден қабылданады.

Кітап жинаққа Республика көлеміндегі ЖОО және колледж студенттері арасынан «Алтын белгі» иегерлері, халықаралық, республикалық және аймақтық олимпиадалардың, конференциялардың, жобалардың, орындаушылық байқаулардың жүлдегерлері; қоғамдық жастар қозғалыстарының көшбасшылары мен белсенділері; ҚР ұлттық құрамасының мүшелері, олимпиадалардың, халықаралық спорт жарыстарының жеңімпаздары мен жүлдегерлері енгізіледі.

Жинаққа енгізу конкурстық негізде жүзеге асырылады. Жоба қатысушыларына «Жас Қыран» республикалық үздік жастардың түрлі-түсті кітап жинағы, арнайы тағайындалған «Үздік студент-2019» төс белгісі және І, ІІ, ІІІ дәрежелі диплом беріледі.

Байқау қатысушылары өзі жайлы жазылған 2 беттен (14 кегл, Times New Roman) артық емес автобиографиясы (3 жақта жазылған), 2 беттен артық емес өмірбаяны (растайтын құжат көшірмелері (мыс.: Алынған алғыс хат, диплом және т.б.) қоса тіркелуі тиіс), 4\5 форматтағы  сапалы суретін 2019 жылдың 15-ші ақпанына дейін uzdik2019@gmail.com электронды мекен-жайына жолдауы тиіс. Байқауға құжаттар 3 (қазақ, орыс, ағылшын) тілде қабылданады. Өмірбаянда міндетті түрде тұрғылықты мекен-жайы көрсетілуі тиіс (Астана қаласына қорытынды конференцияға келе алмай қалған жағдайда көрсетілген мекен-жайы бойынша жинақ, төс белгі, грамота жіберілетін болады).

Жіберілетін мәліметтерге университетте оқу барысында алынған алғыс хат, грамота, диплом және т.б. мараппаттары енгізіледі (9-11 сынып арасында алған марапаттарын да қосуға рұқсат етілген).

Кітап жинақтың таныстырылымы және марапаттау 2019 жылдың 30 наурызында Астана қаласында конференция түрінде өтеді. Кітап таныстырылымына барлық жинаққа енген «Үздік студенттер» шақырылады. Қорытынды конференция бағдарламасы 10-шы наурызға дейін іріктеліп алынған студенттерге жіберіледі.  Қорытынды конференция бағдарламасында елімізге белгілі тұлғалардың қолынан төсбелгі табысталады және Астана қаласына экскурсия жасау, кофе-брейк, Елордамыздың мәдени ошақтарын аралау (музей және т.б.) қарастырылған.

Ұйымдастыру алқасының сайты

https://biork.kz/   Инстаграм парақшасы: bilim_orkeniet

Ескерту!!!

Ұйымдастыру жарна ақысы қойылған. Жарна туралы ақпарат Сіздер жинаққа өз құжаттарыңызды жібергеннен соң 3 (үш) күн ішінде қаралып, жинаққа қабылдау туралы шешім шыққан жағдайда, Сіздердің электронды мекен-жайларыңызға қосымша ақпарат ретінде жіберіледі.  

Жоба туралы қосымша ақпаратты төменде көрсетілген телефондар арқылы ала аласыздар:

+7 708 723 15 05 Аяулым

+7707 142 74 40 Саят

Сочидегі КВН-ның көптен күткен дебюті өтті, онда біздің Квнщиктер тамаша нәтиже көрсетті: қазылар алқасы олардың өнерін бағалады және жоғары ұпай берді! Бұл мүмкіндік 600 команда арасында Орталық лиганың ойындарына қатысуға мүмкіншілік береді.

Өңірлік ешкімге белгісіз команда үшін – бұл өте жарқын нәтиже. Тәжірибелі жайдарманшылардың айтуынша, бұл орасан зор жетістік!

Сочи фестивалінің сахнасында өнер көрсетпес бұрын біздің студенттер атақты жайдарманшылардың мастер-класстарына қатысып, КВН тусовкаларының, репетициялардың, толқулардың ұмытылмас атмосферасына үңілді.

Төрешілер біздің жайдарманшылардың ерекше әзілдерін, ойыншылардың реңін және көпұлтты екенін атап өтті (біздің командада 3 корей, 3 қазақ, 1 орыс). Әсіресе біздің егіздеріміз: Дарина мен Мәдина Накуповалар есте қалды.

Алдағы уақытта біздің студеттенр Орталық лигада ойнайтын болады! Біз оларға жеңіс пен табыс тілейміз!

ҚМИУ баспасөз қызметі

3 қазан 2018 ж. Теміртау қаласы бойынша құқықтық статистика және арнайы есепке алу Комитетінің прокуроры Батталова Гүлмира Серікқызы тәрбие ісі және жастар саясаты Департаментінің директоры Салпенова Мадина Мейрамқызымен бірлесіп ҚМИУ-дың күндізгі бөлім студенттері үшін «Қылмыстық құқық бұзушылықтар картасы», «Кәмелетке толмағандар жасаған қылмыстық құқық бұзушылықтар картасы», «Кәмелетке толмағандарға қатысты сексуалдық сипаттағы зорлық-зомбылық әрекеттерін жасаған адамдардың карталары» және «Апаттылық картасы» деректер базасы жұмысы бойынша таныстыру семинар өткізді.

Семинар барысында Г.С. Батталованың сөзінен студенттер Қазақстан Республикасы Президенті Н.Ә. Назарбаевтың «Ұлт жоспары – 100 нақты қадам» бағдарламасының 32-ші қадамы «Қылмыстық құқық бұзушылықтар картасы» ұлттық ақпараттық жүйесінің негізінде «Қылмыстық құқық бұзушылықтар картасы» интернет-порталын құру болып табылатыны туралы білді. Картада елде жасалатын барлық қылмыстық құқық бұзушылықтар, олардың жасалған орындары мен жағдайлары көрсетіледі. Карта «online» режимінде жұмыс істейді.

Картаның бірегейлігі – бұл сотқа дейінгі тергеудің Бірыңғай тізілім базасымен ықпалдастырылған және соның арқасында қылмыстық құқық бұзушылық туралы ақпарат полицияда арызы тіркелгеннен кейін автоматты түрде Карточкада дереу пайда болады.

«Орнын, уақытын және қылмыс түрін, сондай-ақ қылмыс жасаған адамдар туралы барлық ақпаратты көруге болады. Сондай-ақ, аймақтағы қылмыс динамикасы көрсетіледі. Адамдар ауданның қаншалықты қылмысты екенін біле алады, аудандарды, көшелерді немесе үйлерді бір-бірімен салыстыра ала алады. Карталарда Қазақстанның кез келген нүктесінде жасалған қылмыстар көрсетіледі», – деді прокурор Г.С. Батталова.

«Кәмелетке толмағандар жасаған қылмыстар картасы», «Кәмелетке толмағандарға қатысты сексуалдық сипаттағы зорлық-зомбылық әрекеттерін жасаған адамдардың карталары» және «Апаттылық картасы» үйлестік тәсілі бойынша жұмыс істейді.

Семинар жұмысын қорытындылай келе, ТІ ж ЖС директоры М.М. Салпенова дұрыс өмір салтын жүргізу, заң бұзбау маңызды екенін атап өтті, себебі кез келген бұзушылық, тіпті ұсақ бұзақылық ҚР құқықтық статистика Комитетінің деректер базасында тіркеледі және болашақта құқық қорғау органдарына, сондай-ақ мемлекеттік қызметке жұмысқа кіруге елеулі кедергі болуы мүмкін.

ҚМИУ баспасөз қызметі

3 қазан 2018 жылы ҚМИУ «Рухани Жаңғыру» жобалық кеңсесінде ардагерлерге құрмет көрсету өтті.

Бұл кездесудің құрметті қонақтары біздің университеттің еңбегі сіңген оқытушылары Шаргородская Нина Фёдоровна, Семкин Константин Федорович, Ормышева Мейрамгүл Иманқұлқызы, Смағұлов Байболат Төлегенұлы, Молчанова Елена Сергеевна, Байғабатов Төлеутай Смақұлы, Филатов Анатолий Васильевич, Свищев Александр Иванович, Игнатова Ольга Ивановна, Кукало Людмила Ивановна, Гавва Нина Федосеевна болды.

Оқу ісі жөніндегі проректор Сивякова Галина Александровна және кәсіподақ комитетінің төрайымы Кәріпбаева Айжан Рыскелдінқызы ардагерлер мен зейнеткерлерге алғыс сөздерін айтты.

Кездесу қатысушылары жоғары оқу орнының қабырғасындағы жұмыс уақыты, өз әріптестері мен студенттері, университеттің жылдан-жылға қалай өзгергені туралы қуанышпен және ерекше жылылықпен естеліктерімен бөлісті. Олар өздерінің университеттеріндегі оң өзгерістерді атап өтті. Қазақстан Республикасының құрметті құрылысшысы, профессор Филатов Анатолий Васильевич университет ректоры Жәутіков Бахыт Ахатұлына еңбек ардагерлеріне үнемі қамқорлық жасағаны үшін алғысын білдірді. Осы адамдардың әрқайсысы үшін біздің университет мәңгі туған үйі болып қалады, өйткені кездесудің әрбір қатысушысы біздің университетімізде 30 жылдан астам жұмыс істеді.

Университет студенттерімен әзірленген концерттік бағдарлама іс-шараның ерекше музыкалық безендіруімен болды. Еңбек ардагерлері 4-ші курс студенті Балқыбеков Алиханмен бірге «Смуглянка» атақты әнін шырқады. Республикалық вокалистер конкурсының жеңімпазы Нұрмаханов Мұқағали өзінің вокалдық қабілеттерімен барлығын таң қалдырды.

Іс-шараның соңында еңбек ардагерлеріне мереке құрметіне ҚМИУ қызметкерлерінің кәсіподақ комитетінен кәдесыйлар табыс етілді.

ҚМИУ баспасөз қызметі