ҚР Ғылым және жоғары білім министрлігі 12-15 қазан аралығында республика күніне арналған «Атамекен» тақырыбында патриоттық диктант байқауын және «Менің арманымдағы Қазақстан» тақырыбында эссе байқауын бастады.

Бұл іс-шараның негізгі мақсаты жастардың азаматтық сана-сезімін дамытуға, оның ел тағдырына қатыстылығы мен болашағы үшін жауапкершілігін тәрбиелеуге бағытталған. Ол екі кезеңде өтеді, жұмыстарды қабылдау 2022 жылдың 15 қазанына дейін жалғасады.

Конкурсқа қатысуға студенттер, магистранттар және жастар қоғамдық ұйымдары шақырылады.

Эссе байқауына автордың Қазақстанның болашағы мен оның осы болашақты қалыптастыруға қатысуы туралы көзқарасы мен үміттерін көрсететін өз бетінше орындалған шығармашылық жұмыстар жіберіледі.

Конкурстық жұмыс қазақ, орыс немесе ағылшын тілдерінде қабылданады.

Университет студенттері арасындағы байқаудың бірінші кезеңінің жеңімпаздарын марапаттау 19 қазанда өтеді. Байқау жеңімпаздарына ректор атынан атаулы дипломдар мен естелік сыйлықтар табыс етіледі.

Алматыда Әл-Фараби атындағы ҚазҰУ базасында аккредиттеу және рейтингтің тәуелсіз агенттігі ұйымдастырған «Жаһандық білім беру кеңістігіндегі трансұлттық өзара іс-қимыл» білім беру сапасын қамтамасыз ету жөніндегі VI Орталық Азия Халықаралық форумы өтті.Форум аясында университеттердің еуразиялық рейтинг қорытындысы бойынша үздік академиялық жетістіктері мен зерттеулерге бейілділігі үшін Қарағанды индустриялық университеті осы агенттіктің «Сапа жұлдызы» құрмет белгісімен марапатталды. Форумға Қазақстан, Германия, АҚШ, Үндістан, Түркия, Латвия, Әзірбайжан, Молдова, Өзбекстан, Қырғызстан, Тәжікстан және басқа да елдердің жоғары білім сапасын қамтамасыз ету желілері қатысты.

Қарағанды индустриялық университеті тау-кен, металлургия, химия, энергетика, машина жасау, көлік, құрылыс саласы және де, экономика саласы үшін инженерлік техникалық кадрларды дайындау бойынша Қазақстанның жетекші оқу орындарының бірі. Қазіргі таңда жиырма бес бакалавриат, жиырма үш магистратура, бес докторантура білім беру бағдарламасы бойынша мамандарды даярлаймыз. Университет металлургия саласы бойынша елдегі жалғыз өнеркәсіптік алаңды қамтитын заманауи оқу орны.

Ғылыми зертханалық базаға, 60 мамандандырылған зертханаға оның ішінде нанотехнологиялардың инженерлік бейіміндегі зертханаларға ие. Университет Германия, Чехия, Польша, Қытай, Ресей, Украина, Беларусь  және алыс жақан шетелдік елдермен тығыс байланыста. Жыл сайын біздің университетке түсуші түлектердің саны артып келеді.

Биыл бізге мыңға жуық студент оқуға түсті. «Серпін» бағдарламасы аясында оңтүстік, батыс өңірлерден оқуға түсуші түлектердің қарасы көп. Біздің университет ғылым мен техникалық базасы дамыған білім ордасы. Сан саланы қамтыған білім ордасына түсуші түлектер фармацевтикалық өндіріс технологиясы, құрлыс, экономика және ақпараттық қауіпсіздік мамандықтарына қызығушылық танытуда.

Біздің университет студентері үшін барлық жағдай жасалған. Университет жаңа техникалық құрылғылармен толықанды қамтамасыз етілген. Сонымен қатар, Теміртау қаласы үшін университет өндірістік білім ордасы ғана емес, заманауи жетекші университет. Теміртау қаласы мәслихат хатшысы Ломакин Алексей Барисович университет белсенділерімен тығыз баланыста.

Жиын соңында, Ломакин Алексей Барисович университет ректоры Абдрасилов Болатбек Серикбаевичке «Сапа жұлдызы» марапатымен құттықтап, ізі тілегін білдірді.