Қарағанды мемлекеттік индустриялық университетінің студенттері Тұңғыш Президент күніне қалада Жастардың өзін-өзі басқару күніне қатысу конкурсы өткізіліп жатқандығы туралы бір ай бұрын білді. Олар басқа жас теміртаулықтармен бірге, әрине, өз күштерін сынап көргісі келді.

Бірінші іріктеу кезеңі “Неліктен дәл мен дублер болуым тиіс” тақырыбына эссе жазу ұсынылды.

– Әрқайсы жұмыс істеуді қалайтын лауазымды өзі таңдады, – деді ҚМИУ 3 курс студенті, болашақ экономист Татьяна Силаева. – Мен жеке өзім экономикалық мәселелер бойынша әкімнің орынбасары ретінде байқап көруді шештім.

Эссе байқауының қорытындысы бойынша 45 қатысушының отыз студенті ҚР заңдарын білу тестілеуге жіберілді. Бұл кезеңнен 10 адам өтті, олар белгілі бір уақытқа қала әкімінің, оның орынбасарларының және мемлекеттік мекеме басшыларының лауазымдарына тағайындалды. Алдымен жастар олар басшылық жасайтын бөлімдерінің жұмысымен танысты. Негізгі қиындық, ол көп жаңа ақпаратты меңгеру қажет болды, – дейді студенттер.

– 30 қарашада ең бірінші біз салтанатты түрде ант қабылдадық және мемлекеттік қызметкердің уақытша куәліктерін алдық, – деп жалғастырды Татьяна Силаева. Содан кейін, бір күн ішінде жиналыстар өткіздік, маңызды шешімдер қабылдадық, әр түрлі мекемелерге бардық. Бір қарағанда, мемлекеттік қызметкердің жұмысы қарапайым болып көрінеді, бірақ біз керісінше екеніне көз жеткіздік. Бұл қызмет саласы жақсы теориялық дайындықты, заңнамаларды білуді талап етеді және, әрине, туған қалаға пайдалы болғысы келу тілегі.

30 қараша Теміртау әкімі ҚМИУ екінші курс студенті Нұрислам Сәрсенов болды.

– Менің ойымша, өте күрделі іс – мемлекеттік қызметтегі жұмыс. Жастар өзін-өзі басқару күніне дайындық кезеңінде мен саясат, экономика, стратегиялық мәселелер туралы өте маңызды ақпарат алдым, – дейді Нұрислам. – Оқытушылар маған дайындық барысында көмектесті, тәжірибені әкімдікте өткіздім, онда жобаның басқа қатысушыларымен бірге бізді күтіп тұрған жұмыспен таныстым.

Әкім-дублер құрамасына Айгерім Чакенова (әлеуметтік мәселелер жөніндегі әкім орынбасары), Жәнібек Аменов (коммуналдық мәселелер жөніндегі әкім орынбасары), Татьяна Силаева (экономикалық мәселелер жөніндегі әкім орынбасары), Василий Ким (ішкі саясат басқармасының жетекшісі), Мария Николаева (білім беру бөлімінің жетекшісі), Руслан Кудайбергенов (кәсіпкерлік және ауыл шаруашылығы басқармасының жетекшісі), Алишер Иманбеков (мәдениет және тілдерді дамыту бөлімінің жетекшісі), Алексей Екель (ТКШ, ЖК және АЖТИ бөлім жетекшісі) және Карина Бетгер (әкімнің баспасөз хатшысы) енді.

Қала әкімі және оның орынбасарлары өз сыңарларына күні бойы қолдау көрсетіп, кеңес берді. Студенттер тәжірибелі тәлімгерлердің көмегімен мәселелерді көруге және оларды шешудің жылдам жолдарын табуға үйренді.

– Менің ойымша, осы күннен кейін әрқайсымыз нақты шешім қабылдадық. Татьяна Силаева университетті бітіргеннен кейін көпшілігі өз өмірін мемлекеттік қызметпен байланыстыратынына сенімді.

ҚМИУ баспасөз-қызметі

29 қарашада Қарағанды мемлекеттік индустриялық университетінде ҚР білім және ғылым министрі Ерлан Сағадиевтің қатысуымен «Қазақстанның үшінші жаңғыруы – жаңа тұжырымдамалар мен қазіргі заманғы шешімдер» атты ІХ Халықаралық ғылыми-практикалық конференциясының салтанатты ашылуы болды.

Үлкен міндеттер

Қазақстан Республикасының Бірінші Президенті, Ұлт Көшбасшысы Нұрсұлтан Әбішұлы Назарбаевтың және 1967 жылғы түлектердің 50 жылдық мерейтойына арналған конференцияның модераторы, Қарағанды облысының әкімі Ерлан Қошанов сөз сөйледі. Қатысушыларды құттықтай отырып, ол бұл конференция қазіргі уақытта ел алдында үшінші жаңғыру дәуірінде ашылатын жаңа мүмкіндіктер мен шешімдерге арналғанына назар аударды.

– Мемлекет басшысы алдымызға үлкен міндеттер қояды. Олар қоғамның барлық күштері біріктірілген жағдайда ғана мүмкін, – деді Ерлан Қошанов. – Және біз технологияларды жаңарту, сандық және адами капитал сапасы туралы айтқанымызбен не бизнес, не билік, не ғылым жалғыз өзі осыны орындап шыға алмайды. Сондықтан біз әлі де ғылыми қоғамдастыққа, іскерлік ортаға және азаматтық қоғам белсенділеріне балама шешімдерді іздестіруге белсене қатысудамыз.

Конференцияның құрметті қонағы – Мемлекет басшысы Н.Ә.Назарбаевтың маңызды күнге және конференцияға арналған құттықтауын Ерлан Сағадиев оқыды.

Қазақстан Республикасының Білім және ғылым министрі өз сөзінде, өкінішке орай, республиканың жоғары оқу орындарында академиялық еркіндік дәрежесі жеткіліксіз, сондықтан Парламенттің екінші оқылымында университеттердің академиялық еркіндігі туралы заң қаралу үстінде, оған сай, олар өздерінің білім беру бағдарламаларын дамытатын болады. ЖОО үшін типтік оқу бағдарламалары болмайды. Білім және ғылым министрлігі Ұлттық кәсіпкерлер палатасымен бірлесе отырып, білім беру бағдарламаларының рейтингісін өткізеді. Ерлан Сағадиев ғылыми-техникалық үдерісті жеделдету барысында көптеген мамандықтар жоғалып кететінін, сондықтан бүгінгі таңда оқушыларға жаңа білімге толығымен жаңа көзқарас қажет екендігін атап өтті.

Жылы естеліктер

Бұл күні сөз сөйлеушілер Мемлекет басшысы және Карметкомбинаттың жанындағы ЖОО-зауыт, Теміртау қаласы мен қала құрушы кәсіпорынның пайда болғаны туралы ұлы сөздер айтып, ұлттың болашақ көшбасшысының мінезі мен кен-тау мамандығының құпиясы болды.

Нұрсұлтан Назарбаев ЖОО бітіргеннен бері білінбей жарты ғасыр уақыт өтіпті, қазіргі уақытта Қарағанды мемлекеттік индустриялық университеті деп аталады. Бірақ кеше болған секілді. ҚР Тұңғыш Президентінің

үзеңгілестері Түлеутай Сүлейменов және Қабидолла Сарекенов оның белсенді азаматтығы мен жоғары және жоғары өсуге деген ұмтылысын еске алды. Курстастарының естеліктері бойынша Нұрсұлтан Әбішұлын өзінің студенттік жылдарында өзіндік құндылықтары, адалдығы, жолдастарға көмектесуге дайындығы, сендіру таланты және талқыға салу сияқты қасиеттері ерекшелендірді.

Осы күні құттықтау сөздерімен «АрселорМиттал Теміртау» АҚ атқарушы директоры Вадим Басин, Қазақ ақпараттық-коммуникация академиясының президенті Шахмаран Сейілов және Астрахань мемлекеттік университетінің (Ресей Федерациясы) «Ұлттық қауіпсіздік» кафедра меңгерушісі Равиль Арыкбаев сөз сөйледі.

Конференцияға Қарағанды облысының Қазақстан халқы Ассамблеясы хатшылығының өкілдері, еліміздің және шетелдің жоғары оқу орындарының ғалымдары, мемлекеттік органдардың, оқу орындары мен кәсіпорындардың басшылары, депутаттар, қоғам қайраткерлері, оқытушылар мен студенттер қатысты.

Осы күні университеттің бірнеше аудиторияларында «Инновациялық және білімге негізделген технологиялар Қазақстанның үшінші жаңғыруын жүзеге асыру құралы ретінде», «Жоғары және жоғары оқу орнынан кейінгі білімі бар кадрларды даярлау арқылы адами капиталдың сапасын арттыру», «Жоғары оқу орны – «Рухани жаңғыру» қоғамдық сананы жаңғырту бағдарламасын жүзеге асыру орталығы ретінде» және «”Туған жер” Президенттік бағдарламасы аясында қоршаған ортаны қорғау және пайдалану мәселелері» атты бөлімдер бойынша жұмыс жүргізілді.

Екінші күн

Халықаралық конференцияның екінші күнінде, 30 қарашада Қазақстан Республикасы Тұңғыш Президентінің тарихи-мәдени орталығында және жоғары оқу орнында қатысушылар мен қонақтарға экскурсиялар өткізілді.

30 қарашада Конференцияның жабылу рәсімінің модераторы ҚМИУ ректоры Бахыт Жаутиков болды. Ашық талқылауларда ғылыми-зерттеу институттарының, жоғары оқу орындарының, өнеркәсіптік кәсіпорындардың өкілдері белсенді қатысқанын атап өтті. Конференцияға Германия, Ресей, Моңғолия, Чехия, Жапония және басқа елдердің ғалымдары баяндамаларын ұсынды.

— Ғылыми-практикалық конференцияның жұмысына Қазақстан Республикасының Тұңғыш Президенті Н.Ә.Назарбаевтың және 1967 жылғытүлектердің оқу бітірулерінің 50 жылдық мерейтойына орайластырылғаны ерекше болды, – деді Бахыт Ахатұлы.– Баяндамаларда және Конференция қатысушыларының сөйлеген сөздерінде мерекелер және металлургия мен басқа да өнеркәсіп салаларындағы ғылыми-техникалық прогресске қатысты маңызды мәселелер талқыланды, қазіргі заманғы сын-қатерлерге жауап іздеу бағыттары берілді.

Конференцияның нәтижелерін жариялау үшін сахнаға шақырылған, бір күн бұрын жұмыс істейтін бөлімдердің төрағалары: Астрахань мемлекеттік университетінің агробизнес, ветеринария және технологиясы факультетінің

деканы Равиль Арыкбаев, «Мәскеу болат және қорытпалар институты» ҒЗИ Угаров ат. (филиалы) Ескі Оскол технологиялық институтының гуманитарлық ғылым кафедрасының меңгерушісі Зинара Мухина, «Тұран-Астана» университетінің профессоры Нұркен Мырзаханов пен Моңғолия ғылым және технология университетінің PhD докторы Erkhembayar Tseveen. Олар конференция қатысушыларына сертификаттар табыстады.

Қарар және меморандумдарға қол қойылды

Әрбір конференция дәстүр бойынша қарармен аяқталады. Ұйымдастырушылар ақпараттық және ғылыми сыйымдылықты технологиялардың бағыттарының қазіргі кездегі жағдайына жасалған сарапттамалардың, сонымен бірге жақын жылдарда олардың дамуына жасалған болжаулар ұсынылған баяндамалардың тереңдігін атап өтті.

Конференция қатысушылары адами капиталдың сапасын жоғарлатуға арналған білім саласының жағдайын әрі қарай жақсартудағы негізгі бағыттарды анықтаумен жеке тұлғаның толық даму тұрғысынан жоғарғы оқу орындарындағы оқыту жүйесінің қолданыстағы үлгісіне жан-жақты талдау жасау керектігін ұсынды. Сонымен бірге «Рухани жаңғыру» қоғамдық сананы жаңғырту бағдарламасын жүзеге асыру мақсатында жаңа әлемдік тәртіп жағдайында тарих, салт-дәстүр, құндылықтар және тідің синтетикалық бірлігінің тұтастығы арқылы Қазақстанның мәдени сәйкестілігінің кескінін тұжырымдамалау ұсынылды.

Республикалық «ҚМИУ Жаршысы» ғылыми журналында ұсынылған баяндамалар қортындысы бойынша Б.Б. Быхиннің («Экспериментальные методы определения опережения и уширения металла при прокатке с реализацией интенсивно пластической деформации», Н.М. Мырзаханованың («Табиғат заңы – шектеу»), А.А. Невзорованың («Влияние микролегирования комплексным сплавом Cа-Bа на микроструктуру конструкционной углеродистой стали»), Т.С. Байгабатовтың («Гуманизация и гуманитаризация высшего образования как фактор формирования общественного сознания студентов») және көптеген мақалаларды жариялау ұсынылды.

Конференция соңында ҚМИУ ректоры Бахыт Жаутиков Астрахань мемлекеттік университеті және Угаров атындағы Ескі Осколь техникалық институтымен («Мәскеу болат және қорытпалар институтының филиалы) ынтымақтастық келісім шартына қол қойды.

Өткізілген конференцияның Қазақстан Республикасынан тыс жерлерде де маңызы зор. Ғылым және өндіріс өкілдері арасында қызықты пікір-алмасу жүзеге асырылды. Сөзсіз, конференция көптеген елдердің металлургиялық кластерлерінің әрі қарай дамуына жаңа екпін береді.

Светлана ЕГОРОВА

ҚМИУ баспасөз қызметі

[Раздел или его перевод находятся на стадии разработки. Попробуйте варианты на других языках: Русский, English]

Қарағанды мемлекеттік индустриялық университетінде ҚР Білім және ғылым министрі Ерлан Сағадиевтің қатысуымен Қазақстан Республикасының Бірінші Президенті, Ұлт Көшбасшысы Нұрсұлтан Әбішұлы Назарбаевтың және 1967 жылғы түлектердің оқу бітірулеріне арналған 50 жылдық мерейтойына орай ІХ Халықаралық ғылыми-практикалық конференциясының салтанатты ашылуы болды.

Жиналғандар алдында Қарағанды облысының әкімі Ерлан Қошанов, ҚР Бірінші Президенті үзеңгілестері Төлеутай Сүлейменов пен Қабидолла Сарекенов және «АрселорМитал Теміртау» АҚ атқарушы директоры Вадим Басин сөз сөйледі. Қазақ ақпараттық-коммуникация академиясының президенті Шахмаран Сейілов; Астрахань мемлекеттік университетінің агробизнес, ветеринарлық медицина және технологиясы факультетінің деканы Равиль Арыкбаев; Қарағанды мемлекеттік индустриялық университетінің ректоры сөз сөйледі.

Конференцияға Қарағанды облысының Қазақстан халқы Ассамблеясы хатшылығының өкілдері, еліміздің және шетелдің жоғары оқу орындарының ғалымдары, мемлекеттік органдардың, оқу орындары мен кәсіпорындардың басшылары, депутаттар, қоғам қайраткерлері, оқытушылар мен студенттер қатысты.

ҚМИУ баспасөз қызметі