25 желтоқсанда «Жастар жылы» деп жарияланған 2019 жылдың қорытындысы шығарылып, қаламыздың қоғамдық өміріне белсенді қатысқан жастарға Теміртау қаласының әкіміннің «Жасstar» сыйлығы салтанатты түрде тапсырылды.

2019 жылы «Жастар» байқауына қатысуға 30 азамат өтінім берді, олардың ішінен комиссия үздік төрт үміткерді таңдады. «ЖасStar» сыйлығының жеңімпаздарының әрқайсысына 100 мың теңгеден сыйақы берілді.

Ғалым Әшімов іс-шараның барлық қатысушыларына Теміртау қаласының әлеуметтік-экономикалық дамуына қосқан үлестері және қоғамдық өмірге белсенді қатысқаны үшін Алғыс хаттарды жеке тапсырды.

Теміртау  қаласы әкімінің Алғыс хатымен «Жастар жылы» және қаланың қоғамдық-саяси өмірі аясында өткізілген іс-шараларға белсенді қатысқаны үшін ҚМИУ  экономика мамандығының магистранты Татьяна Подгурская марапатталды.

Сондай-ақ, жастарды тұрақты түрде тәрбиелеуге белсенді қатысатын Қарағанды мемлекеттік индустриялық университетіне бағалы сыйлық табысталды, өйткені жас ұрпақ – бұл біздің қоғамның болашағы және жастарға дұрыс адамгершілікті тәрбие беру тек мемлекеттік органдар үшін ғана емес, сонымен бірге біздің университет үшін де маңызды міндеттердің бірі саналады.

ҚМИУ баспасөз қызметі.

2019 жылғы 12 желтоқсанда жастар арасындағы дағдарысты және суицидке дейінгі жағдайларды, сондай-ақ мінез-құлқындағы өзгерістерді, суицидтік қауіп-қатер топтарын анықтау мақсатында студенттер арасында суицидтік мінез-құлықтың алдын-алу бойынша дөңгелек үстел ұйымдастырылды.

Іс-шара барысында психолог Н.Бинатова студенттер арасындағы дағдарыс жағдайлары, студенттік қоғамдағы суицидтік мінез-құлық және өзін-өзі өлтірудің мүмкін түрлері туралы сөз қозғады. Сонымен қатар, маман өз-өзіне қол жұмсаудың алдын-алу бойынша өзінің тәжірибесімен бөлісті, суицидтік мінез-құлықтың көрсеткіштері,  соған ықпал ететін жағдай қалыптасқан жағдайда жүзеге асырылатын қажетті іс-шаралар туралы және қайда бару керектігі туралы айтты.

Жастар ортасында суицидтің алдын алу қазіргі әлемнің өзекті және маңызды мәселесі болып табылады, өйткені статистикаға сәйкес соңғы жылдары жасөспірімдер арасында суицидтің саны айтарлықтай өсті.

Дөңгелек үстелді қорытындылай келе, модератор: «Адам – өте мықты тіршілік иесі! Адам өзінің мүмкіндіктерінің арқасында өмірдің барлық қиындықтарын жеңе алады! Ең бастысы – әрдайым жол табуға тырысу және бұл үшін және одан да көп мүмкіндікті жасау! Сондай-ақ, әлемде қиын кездерде көмектесуге дайын адамдар әлі де бар … »

ҚМИУ  баспасөз қызметі

11 желтоқсанда Қарағанды мемлекеттік индустриялық университетінде Қазақстан Республикасының Тәуелсіздік күніне арналған салтанатты іс-шара өткізілді.

Салтанатты жиналыстың құрметті қонақтары – Қазақ инфокоммуникациялар академиясының президенті, экономика ғылымдарының докторы, Халықаралық әулиелер академиясының академигі – Шахмаран Жүрсінбекұлы Сеилов, Қазақстан Республикасы Ұлттық инженерлік академиясының корреспондент-мүшесі, техника ғылымдарының докторы, профессор, ғылым және техника саласындағы Қазақстан Республикасы Мемлекеттік сыйлығының лауреаты, «Парасат», «Құрмет белгісі», «Құрмет» ордендерінің иегері – Ғабидолла Зұлғашұлы Сарекенов, «Парасат» және «Құрмет» ордендерінің, сонымен қатар  «ҚМИУ сіңірген ерекше еңбегі үшін» төсбелгі иегері – Қуаныш Омашұлы Омашев, зауыттың ардагері, Қазақстан Республикасының құрметті металлургі, «Еңбек Қызыл Ту» және «Құрмет» ордендерінің иегері, Қазақстан Республикасының «Ерен еңбегі үшін» медалінің иегері, «Еңбек Даңқы», «Астананың 10 жылдығына» арналған медаль және «ҚМИУ сіңірген ерекше еңбегі үшін» төсбелгісінің иегері – Тоқтархан Ыбрайұлы Ысқақов, зауыт ардагері, «Құрмет» және «Еңбек Даңқы» ордендерінің иегері, «ҚМИУ сіңірген ерекше еңбегі үшін» төсбелгісінің иегері – Ермек Ыбрайұлы Төлебаев және , «Құрмет» және ІІІ дәрежелі «Еңбек Данқы» ордендерінің иегері, «ҚМИУ алдындағы ерекше еңбегі үшін» төсбелгісінің иегері – ВикторАлексеевич Никонов қатысты.

ҚМИУ ректоры Бахыт Ахатұлы Жәутіков құттықтау сөз сөйлеп, «… Қазақстан Республикасының Тәуелсіздік күні – барлық қазақстандықтар үшін өз елінің тағдыры үшін жауапкершілік сезімін біріктіретін және біртұтас Қазақстан халқын құрайтын басты мереке …» деп атап өтті.

Кездесу барысында ҚМИУ Ғылыми кеңесінің шешімімен біздің университетіміздің дамуына қосқан көп жылдық үлесі үшін Қазақ инфокоммуникациялар академиясының президенті Шахмаран Жүрсінбекұлы Сейіловке «Қарағанды мемлекеттік индустриялық университетінің құрметті профессоры» атағы берілді.

«Химиялық технология және экология» кафедрасының меңгерушісі Сәуле Қазжанқызына Кабиева Білім және ғылым министрлігінің «Қазақстан Республикасының ғылымын дамытудағы сіңірген еңбегі үшін» медалімен марапатталды.

Жоғары білімнің дамуына және білікті мамандарды дайындауға қосқан үлесі үшін «Ахмет Байтұрсынов» атындағы күміс  медалімен Қарағанды мемлекеттік индустриялық университетінің оқу ісі жөніндегі проректоры, профессор Галина Александровна Сивякова, сонымен қатар «Ахмет Байтұрсынов» атындағы қола медалімен ҚМИУ кәсіподақ комитетінің төрайымы, «Жаратылысғылыми пәндер»  кафедрасының аға оқытушысы Айжан Рыскелдіқызы Карипбаева және «Құрылыс» кафедрасының меңгерушісі Бауыржан Ануарханұлы Базаров марапатталды.

Одан әрі мерекелік жағдайда университет студенттері, оқытушылары мен қызметкерлері ҚМИУ ректорының дипломдары мен Алғыс хаттарымен марапатталды.

Іс-шара соңында ҚМИУ ректоры тағы бір мәрте Қазақстан Республикасының Тәуелсіздік күні қарсаңында лайықты марапаттарға ие болған университеттің профессорлық-оқытушылық құрамы мен қызметкерлерін құттықтап, «… бүгін Қазақстан – бұл жетістіктері халықаралық қауымдастық мойындаған жас мемлекет. Ең бастысы, біздің еліміздің әлеуеті мен даму болашағы зор! Бірақ тұрақтылық, азаматтық татулық пен ұлтаралық келісім барлық қазақстандықтар үшін басты құндылық және байлық болып қала бермек! Біздің және жас ұрпақ алдында  тәуелсіз және гүлденген Қазақстанды құру міндеті тұр! … » деп  атап өтті.

Қазақстан Республикасының Тәуелсіздік күніне орай шақырылған қонақтар мен ҚМИУ қызметкерлері үшін Қали Байжанов атындағы концерттік бірлестік артистері үлкен мерекелік бағдарлама ұсынды.

Тәуелсіздік күні – бұл ерекше мереке, ол әр азаматтың жүрегінде. Біздің Отанымыз, Қазақстан Республикасы өмір сүріп, гүлдене берсін!

ҚМИУ баспасөз қызметі.