2019 жылы 9-10 наурыздың аралығында М.Х. Дулати атындағы Тараз мемлекеттік университетіне қарасты «Еркін Ойлар Алаңы» интеллектуалды пікірсайыс клубы ұйымдастыруымен «Жастар – болашаққа жол бастар» атты дәстүрлі «TarSU CUP VII» республикалық пікірсайыс турнирі өтті.

Турнирге республиканың жоғарғы оқу орындарынан барлығы 120 фракция қатысты. ҚМИУ-тен біздің белсенділер қатысты: Бедеров Алихан – ТОМД-17к-2, Есболова Мадина – МиТНМ-17к, Нұрғалиқызы Ақерке – ТОМД-18к, Жұмәлі Нұрикамал – МС-18к, Токторбаева Гулнур және Алтынбек Ақбота ТТТиТ-18к. Университет ректоры Махметғали Сарыбеков және Тараз қалалық мәслихатының депутаты, «SK Group» үкіметтік емес ұйымдар қауымдастығының басшысы Серікбол Берікқожаның қатысуымен пленарлық отырыс болды. Жиында сайыстың қарарлары мен екі күнге созылатын турнирдің бағдарламасы түсіндірілді.

Дебаттар – бұл жан-жақты даму, сөйлеудің көркемдік стилін қалыптастыру, маңызды мәселелерді талқылау, жеке қабілеттерін дамыту, ақпаратты жинау және талдау, уақытты тиімді пайдалану, достықты нығайту және коммуникация дағдыларын дамыту. Адам өз мақсатына өз даму арқылы жетеді. Пікірсайыс ойындары болашақ мамандар үшін өте пайдалы, жастардың дұрыс пайымдауына және олардың көпшілік алдына табысты сөйлеуіне ықпал етеді. Бұл дағдылар студенттерге болашақ мансабына көмектеседі.

М. Үркімбаев атындағы Жастар сарайының көк залында «Саналы TALKS» интеллектуалды ойыны өтті. Онда жастарға мардымды ой салған спикерлер «SANA» көшбасшылар мектебінің жетекшісі Данияр Өмірбеков, Һибатулла Тарази мешітінің имамы Ержан Аманбаев, «Жібек-жолы» бизнес ассоциациясының менеджері Бек Жолдыбай сөз сөйледі.

Турнирде бас төреші болып облыстық пікірсайыс одағы «Еркін Пікір» ЖҚБ-нің мектеп лигасының жетекшісі, гуманитарлық-әлеуметтік ғылымдар факультетінің 4 курс студенті Мағжан Өзбек басқарды.

Жарыс барысында біздің қатысушылар мінсіз білім көрсетті, командалық жұмыстың дұрыс стратегиясын таңдап алды, сол арқылы дайындығының жоғары деңгейін, эрудициясын, коммуникабельдігін көрсетті.

ҚМИУ баспасөз қызметі

«Bilim-orkeniety» ұлттық инновациялық ғылыми-зерттеу орталығының ұйымдастырумен еліміздің жастарын қолдау үшін қолға алынған Республикалық «Үздік студент» жобасы аясында шығарылатын «Жас қыран» атты талантты студенттердің кітап жинағының 2019 жылға арналған шығарылымына құжаттар қабылдау басталғанын хабарлаймыз!

Құжаттар:

• Ғылым саласында
• Өнер саласында
• Спорт саласында
• Ұйымдастырушылық қабілеті жоғары (Студенттік ұйымдар төрағалары мен белсенділері)

жетістікке жеткен студенттерден қабылданады.

Кітап жинаққа Республика көлеміндегі ЖОО және колледж студенттері арасынан «Алтын белгі» иегерлері, халықаралық, республикалық және аймақтық олимпиадалардың, конференциялардың, жобалардың, орындаушылық байқаулардың жүлдегерлері; қоғамдық жастар қозғалыстарының көшбасшылары мен белсенділері; ҚР ұлттық құрамасының мүшелері, олимпиадалардың, халықаралық спорт жарыстарының жеңімпаздары мен жүлдегерлері енгізіледі.

Жинаққа енгізу конкурстық негізде жүзеге асырылады. Жоба қатысушыларына «Жас Қыран» республикалық үздік жастардың түрлі-түсті кітап жинағы, арнайы тағайындалған «Үздік студент-2019» төс белгісі және І, ІІ, ІІІ дәрежелі диплом беріледі.

Байқау қатысушылары өзі жайлы жазылған 2 беттен (14 кегл, Times New Roman) артық емес автобиографиясы (3 жақта жазылған), 2 беттен артық емес өмірбаяны (растайтын құжат көшірмелері (мыс.: Алынған алғыс хат, диплом және т.б.) қоса тіркелуі тиіс), 4\5 форматтағы  сапалы суретін 2019 жылдың 15-ші ақпанына дейін uzdik2019@gmail.com электронды мекен-жайына жолдауы тиіс. Байқауға құжаттар 3 (қазақ, орыс, ағылшын) тілде қабылданады. Өмірбаянда міндетті түрде тұрғылықты мекен-жайы көрсетілуі тиіс (Астана қаласына қорытынды конференцияға келе алмай қалған жағдайда көрсетілген мекен-жайы бойынша жинақ, төс белгі, грамота жіберілетін болады).

Жіберілетін мәліметтерге университетте оқу барысында алынған алғыс хат, грамота, диплом және т.б. мараппаттары енгізіледі (9-11 сынып арасында алған марапаттарын да қосуға рұқсат етілген).

Кітап жинақтың таныстырылымы және марапаттау 2019 жылдың 30 наурызында Астана қаласында конференция түрінде өтеді. Кітап таныстырылымына барлық жинаққа енген «Үздік студенттер» шақырылады. Қорытынды конференция бағдарламасы 10-шы наурызға дейін іріктеліп алынған студенттерге жіберіледі.  Қорытынды конференция бағдарламасында елімізге белгілі тұлғалардың қолынан төсбелгі табысталады және Астана қаласына экскурсия жасау, кофе-брейк, Елордамыздың мәдени ошақтарын аралау (музей және т.б.) қарастырылған.

Ұйымдастыру алқасының сайты

https://biork.kz/   Инстаграм парақшасы: bilim_orkeniet

Ескерту!!!

Ұйымдастыру жарна ақысы қойылған. Жарна туралы ақпарат Сіздер жинаққа өз құжаттарыңызды жібергеннен соң 3 (үш) күн ішінде қаралып, жинаққа қабылдау туралы шешім шыққан жағдайда, Сіздердің электронды мекен-жайларыңызға қосымша ақпарат ретінде жіберіледі.  

Жоба туралы қосымша ақпаратты төменде көрсетілген телефондар арқылы ала аласыздар:

+7 708 723 15 05 Аяулым

+7707 142 74 40 Саят

Сочидегі КВН-ның көптен күткен дебюті өтті, онда біздің Квнщиктер тамаша нәтиже көрсетті: қазылар алқасы олардың өнерін бағалады және жоғары ұпай берді! Бұл мүмкіндік 600 команда арасында Орталық лиганың ойындарына қатысуға мүмкіншілік береді.

Өңірлік ешкімге белгісіз команда үшін – бұл өте жарқын нәтиже. Тәжірибелі жайдарманшылардың айтуынша, бұл орасан зор жетістік!

Сочи фестивалінің сахнасында өнер көрсетпес бұрын біздің студенттер атақты жайдарманшылардың мастер-класстарына қатысып, КВН тусовкаларының, репетициялардың, толқулардың ұмытылмас атмосферасына үңілді.

Төрешілер біздің жайдарманшылардың ерекше әзілдерін, ойыншылардың реңін және көпұлтты екенін атап өтті (біздің командада 3 корей, 3 қазақ, 1 орыс). Әсіресе біздің егіздеріміз: Дарина мен Мәдина Накуповалар есте қалды.

Алдағы уақытта біздің студеттенр Орталық лигада ойнайтын болады! Біз оларға жеңіс пен табыс тілейміз!

ҚМИУ баспасөз қызметі

2018 жылы 7 қазан күні Павлодар қ. Естай атын. Мәдениет сарайында КВН «Ертіс» өңірілік лига чемпионатының жартылай финалы өткізілді. ҚМИУ «Джанлуиджи Магнитоffon» құрама командасы 1 орынды жеңіп алып «Ертіс» лигасының финалына жолдама алды, «Ертіс» лигасы бес жыл бойы ресми халықаралық «АМИК» КВН одағының мүшесі.

КВН соншалықты қызықты, жарқын, әрбір миниатюрадағы әзіл-қалжыңға павлодарлық көрермендер ду қол шапалақпен қошемет көрсетті.

Жюри жастар шығармашылығына оң баға берді, Қарағанды қ. KIDSTV КВН «Такие разные» командасы 2 орынды, Астана қ. «Сафари» командасы 3 орынды жеңіп алды.

Біздің команда жақсы нәтиже көрсетті, біз шын жүректен команданы жеңістерімен құттықтаймыз, көп сергек және жақсы әзілдер, әрі қарай да табыс тілейміз, шығармашылық әлеуеттері сарқылмасын.

ҚМИУ баспасөз қызметі