25 қазан Теміртау қаласы «Жастар ресурстық орталығы» КММ-нің ұйымдастыруымен Қазақстан Республикасы күніне арналған эстафета өтті. Жарыстың мақсаты: Жастарды патриоттық тәрбиелеу, студенттерді салауатты өмір салтына баулу.
ҚарИУ-нің студенттері қала аралық колледждер мен ЖОО-ның оқушы жастары арасында өткен жарысқа белсенді қатысты. Жарыс қыздар мен ұлдар арасында өтті. Біздің студенттер ұлдар мен қыздар арасында жүлделі үшінші орынды иеленді.
Жарыс қорытындысы бойынша барлық жүлдегерлерге медальдар мен бағалы сыйлықтар табысталды. Баршаңызды жеңісіңізбен құттықтаймыз!
29-30 қараша күндері Қарағанды индустриялық университетінде «БІЛІМ БЕРУДЕГІ ИННОВАЦИЯЛЫҚ ТӘСІЛДЕР» атты РЕСПУБЛИКАЛЫҚ ҒЫЛЫМИ-ӘДІСТЕМЕЛІК КОНФЕРЕНЦИЯ өтеді.
Конференцияға қатысу үшін өтінімдер мен мақалаларды қабылдау 2022 жылдың 15 қарашасына дейін.
Конференция туралы толық ақпаратты университет сайтынан білуге болады https://old.tttu.edu.kz/ .
Бүгін Қарағанды индустриялық университетінде Республика күніне арналған салтанатты іс-шара өтті.
Іс-шараға университет оқытушылары, қызметкерлері мен студенттері қатысты. Қатысушылар алдында университет ректоры Болатбек Серікбайұлы Абдрасилов сөз сөйледі. Ол бұл күн Қазақстанның жаңа тарихындағы өте маңызды мереке екенін атап өтті, өйткені 1990 жылғы 25 қазанда Қазақстан Республикасының Егемендігі туралы Декларацияға қол қойылғаннан кейін еліміз тәуелсіздікке қол жеткізді.
Іс-шара барысында университеттің дамуына қосқан үлесі үшін және ұлттық мереке құрметіне Қарағанды индустриялық университеті ректорының Құрмет грамоталарымен және Алғыс хаттарымен 20-дан астам оқытушылар мен қызметкерлер марапатталды.
Сондай-ақ, ғылым және жоғары білім министрлігі ұйымдастырған «Менің арманымдағы Қазақстан» тақырыбындағы эссе байқауының және «Атамекен» диктант байқауының жеңімпаздары марапатталды. Байқау қорытындысы бойынша 1 орынды УиА-21 тобының студенті Сайева Медина, 2 орынды ПГС-22 тобының студенті Абдуали Рамазан және 3 орынды ТФП-21к тобының студенті Тілеубек Арайлым, ал «Атамекен» диктант байқауының жеңімпаздары 1 орынды ТФП-22к-6 тобының студенті Оразова Әсел, 2 орынды ПГС-22 тобының студенті Аскер Диас және 3 орынды ТФП-22к-5 тобының студенті Бекболат Айым иеленді.
Кәсіптік бағдар беру жұмыстарына белсенді көмек көрсеткені үшін ректордың Алғыс хаттарымен 27 студент марапатталды.
Іс-шара Қали Байжанов атындағы концерттік бірлестіктің шығармашылық ұжымының концерттік бағдарламасымен аяқталды.
21 қазанда Қарағанды индустриялық университетінде «Қызықты көңіл, студенттік өмір» атты студенттер қатарына қабылдау кеші өтті.
Кештің мақсаты: Студенттерді мереке тарихымен таныстыру. ізденгіштікке, ұтымды жауап айта білуге, тапқырлыққа баулу. Студенттік кезде терең білім алып, бәсекеге қабілетті маман болып шығуға жақсы көңіл күй сыйлау арқылы адамгершілік қасиеттерге тәрбиелеу үндеу.
Іс-шара басында университетіміздің ректоры Абдрасилов Болатбек Серикбаевич оқу-білім үздіксіз еңбектің арқасында ғана жақсы нәтижеге, жоғары жетістіктерге жеткізеді. Студент жастарымыздың жан-жақты, саналы, терең білімді, бәсекеге қабілетті болуы – қоғам сұранысы. Осы орайда білім берумен қатар көп қырлы тәрбие жұмыстарыныңда маңызы зор екенін айта кетті.
Мерекелік кеш аясында МжМФ, ЭКжБЖФ, ЭжҚФ және ТЭК студенттер өздерінің дайындаған тамаша өнерлерін көрсетті. Кеш соңында « Гаудеамус» ән ұранымен аяқталды.
Бүгін Қарағанды индустриялық университетіне Теміртау қаласының әкімі Таурбеков Ораз Қайсаұлы кездесу өтті. Қала әкімі университетің тыныс-тіршілігімен, оқу бағдарламасымен танысты.
Университет ректоры өз сөзінде университеттің жас, қарқынды даму үстінде екендігін айта келе, университеттің дамуында студенттердің үлесі зор екендігі атап өтті. Сонымен қатар студенттерден университетте алып жатқан білім сапасы жайлы сұрап, қанағаттанарлық жауап алды.
Кездесудің келесі кезеңі студенттердің қала әкіміне сұрақтарымен ұласты. Студентер өз кезегінде көкейлерінде жүрген сұрақтарын қойып, қанағаттанарлық жауаптар алды.
Екі жақты тиімділікке негізделген жиында қойылған сауалдарға Басқарма мүшелері жан-жақты жауап берді. Қала әкімі Ораз Қайсаұлы студенттерге кездесу барысында айтылған ұсыныстар назардан тыс қалмайтынын жеткізді.
Кездесу соңында университет ректоры студенттерді жан-жақты белсенділікке және үлкен ұжымның бір бөлшегі ретінде бірге жұмыс жасауға шақырды.
Жиында жоғары оқу орындары ректорларының ұсынысы бойынша Ораз Қайсаұлы жоғары оқу орындары тап болатын неғұрлым проблемалы мәселелердің тізбесін жасауды тапсырды.
Қарағанды индустриялық университеті – тау-кен және металлургия саласына арналған жоғары білікті кадрларды дайындау...
