2 қыркүйекте «Бірінші курс апталығы» аясында Қарағанды индустриялық университетінде дәстүрлі «Денсаулық» фестивалі өткізілді. Іс -шара бірінші курс студенттері арасында спортты және салауатты өмір салтын насихаттауға бағытталған.

Фестиваль бағдарламасы өте қызықты болды, бірінші курс студенттері барлық эстафеталарға белсенді қатысты, командалық рух пен жеңіске деген ерік -жігер көрсетті.

Біздің университетте 4 жыл бойы «ҚарИУ – салауатты өмір салтының аумағы» жобасы жүзеге асырылуда, оның аясында спорттық жарыстар,  денсаулық фестивальдері мен көптеген қызықты шаралар өткізіледі.

Жобаның негізгі мақсаты – білім алушылардың ұйымшылдық деңгейін, спорттық дайындығын бағалау, сонымен қатар студенттер арасында салауатты өмір салтын қалыптастыру.

Бірінші курс студенттерінің айтуынша, «Мұндай шаралар қатысушылардың спорттық шеберлігін арттыруға және командалық рухты дамытуға ықпал етеді».

Барлық спорттық шаралар «Металлург» стадионында ашық ауада санитарлық -эпидемиологиялық талаптарды сақтаумен өткізілді.

Іс-шаралар «Біз_салауатты_өмір_салтын_қолдаймыз» ұранымен өткізілді.

Дәстүр бойынша, 1 қыркүйекте Білім күні Қарағанды индустриялық университетінде бірінші курс студенттерімен ұйымдастыру кездесуі өткізілді. Жаңа оқу жылы да дәстүрлі күн тәртібі бойынша басталды. Бүгін Қазақстан Республикасының Тұңғыш Президенті Нұрсұлтан Әбішұлы Назарбаев білім алған білім ордасы Қазақстанның барлық аймақтарынан келген 800 астам студенттерге қонақжайлылықпен есігін ашты.

Іс -шара барысында барлық санитарлық -эпидемиологиялық нормаларды сақтай отырып, біздің студенттер үшін «Танысайық» бірыңғай кураторлық сағаты өткізілді, онда бірінші курс студенттері университет басшылығымен, университетіміздің тарихы мен қызметімен, бейінімен. факультеттердің, кафедралар мен құрылымдық бөлімшелердің  даму болашағымен, ҚарИУ ақпаратты-техникалық базасымен, оқу аудиторияларымен, оқу корпустарымен, зертханаларымен, кітапхана мен оқу залымен, 2021-2022 оқу жылына арналған академиялық күнтізбемен таныстырылды. ҚарИУ студенттерінің Ішкі тәртіп ережелері, Студенттердің академиялық адалдық кодексі, студенттерге, қызметкерлерге және профессорлық-оқытушылық құрамға арналған Этика ережелерімен, COVID-19 вакцинациялау бағдарламасы мен вакциналардың қауіпсіздігі туралы ақпарат, өрт қауіпсіздігі бойынша нұсқаулар  өткізілді. Кураторлық сағаттың соңында барлық студенттер ҚарИУ тарихы мұражайына барды.

Сонымен қатар, Қарағанды индустриялық университетінде 1 қыркүйектен бастап «Бірінші курс» апталығы басталды, бұл оқуға түскен бірінші курс студенттеріне, араласуға, жаңа командаға қосылуға және студенттік өмірге бейімделуге мүмкіндік береді. Бейімделу апталығында бірінші курс студенттері үшін семинарлар-презентациялар, «Денсаулық» фестивалі және қаланың тарихы-өлкетану мұражайында, Қысқы бақ, Қазақстан Республикасы Тұңғыш Президентінің тарихи-мәдени орталығына экскурсиялар өткізіледі.

Біздің бірінші курс студенттері Түркістан, Қызылорда, Жамбыл, Алматы, Маңғыстау облыстары, Теміртау қалалары мен облысымыздың барлық аудандарындағы мектептердің үздік түлектері деп сеніммен айта аламыз.

Құрметті бірінші курс студенттері! Сіздерді біздің университетке оқуға түсулеріңізбен  құттықтаймыз және біздің университетті бітіргеннен кейін сіз өзіңіз таңдаған мамандықтың білікті маманы болатындарыңызға сенімдіміз. Студенттік жылдар – ең жарқын және есте қалатын кезең. Сіздерді төрт жылдық студенттік өмір күтіп тұр, онда дәрістер мен семинарлар, ғылыми конференциялар мен спорт, қызықты оқиғалар мен фестивальдар, конкурстар, пікірталастар және тағы басқалары болады.

Құрметті достар, бәріңізге оқуда табыс пен сәттілік тілейміз!

Құрметті профессорлар, оқытушылар, докторанттар, магистранттар мен студенттер! Сіздерді Білім күнімен құттықтаймыз!

Білім адам өмірінде үлкен рөл атқарады, ал жоғары білім жарқын, шығармашылық тұлға ретінде қалыптасуына көмектеседі.

Құрметті бірінші курс студенттері! Сіз еліміздің ең үздік ЖОО-ның, Қазақстан Республикасының Тұңғыш Президенті Нұрсұлтан Назарбаевтың Альма-матерінің студенттері болдыңыз. Алда қызықты және мазмұнды студенттік өмір! Жақсы оқу тілейміз, біздің университеттің дәстүрлерін жалғастырушы болыңыздар.

Баршаңызға зор денсаулық, амандық және оптимизм тілейміз. Келе жатқан оқу жылы біз үшін жетістіктер, кәсіби және шығармашылық жеңістер жылы болсын.

Құрметті 1 курс студенттері! Оқу процесі туралы барлық қажетті ақпаратпен (сабақ кестесі, емтихан кестесі, Академиялық күнтізбе және тағы басқа ақпарат) сіз «Студент» қосымша бетінен таныса аласыз.

ҚАРИУ БІРІНШІ КУРС СТУДЕНТТЕРІНЕ АРНАЛҒАН ҰЙЫМДАСТЫРУ ЖИЫНЫ

Құрметті бірінші курс студенттері! Ертең, 2021 жылдың 1 қыркүйек күні Қарағанды индустриялық университетінде жаңа 2021 – 2022 оқу жылының басталуына арналған дәстүрлі ұйымдастыру кездесулері өткізіледі.

Кездесулер келесі кесте бойынша өтеді:

1. «Экономика және құрылыс» факультеті

Сағат 10:00 жаңа ғимараттың 306 аудиториясында келесі дайындық бағыты/мамандықтар бойынша:

– Бизнес экономикасы;

– Кәсіпкерліктегі есеп және аудит;

– Қаржы ұйымының экономикасы;

– Кәсіпкерлік саласындағы менеджмент.

Сағат 11:00 жаңа ғимараттың 306 аудиториясында келесі дайындық бағыты/мамандықтар бойынша:

– Өнеркәсіптік және азаматтық құрылыс.

2. «Энергетика, көлік және басқару жүйелері» факультеті

Сағат 11:00 бас ғимараттың 301 аудиториясында келесі дайындық бағыты/мамандықтар бойынша:

– Бағдарламалық инженерия;

– Өнеркәсіпті кәсіпорындар және тұрғын-үй-коммуналдық нысандардың жылуэнергетикасы;

– Өнеркәсіпті нысандарды энергиямен қамтамасыздандыру;

– Өнеркәсіптік технологиялық жабдықтар;

– Көтеру-көлік, құрылыс және жол машиналары.

3. «Металлургия және машинажасау» факультеті

Сағат 10:00 жаңа ғимараттың 313 аудиториясында келесі дайындық бағыты/мамандықтар бойынша:

– Фармацевтикалық өндіріс технологиясы.

Сағат 11:00 жаңа ғимараттың 313 аудиториясында келесі дайындық бағыты/мамандықтар бойынша:

– Материалтану және жаңа материалдар технологиясы;

– Машинажасау саласындағы ұсталы-штамптау өнідірісі;

– Металдарды қысыммен өңдеу;

– Металлургия (Қара және түсті металдар металлургиясы және Түсті металдар металлургиясы);

– Стандартттау, метрология және сертификаттау;

– Өнеркәсіптік, экологиялық және өрт қауіпсіздігі;

– Органикалық заттардың химиялық технологиясы.

Ұйымдастыру жиыны барлық санитарлық -эпидемиологиялық нормаларды сақтаумен өткізіледі.

Өтінеміз, кеш қалмаңыздар!