2017 жылдың 15 қыркүйік күні Қарағанды мемлекеттік индустриялық университетінде құқық қорғау органдары және «Қайсар» қоғамдық қорының өкілдерінің қатысуымен университеттің және Техника-экономикалық колледждің бірінші курс студенттеріне арналған тұрмыстық зорлық-зомбылықтың алдын-алу және профилактикалық шаралар және адамды құлдыққа сату мәселелеріне арналған семинар өткізілді.

Қазақстан Республикасының Конституциясының 17 бабының 2 тармағына сәйкес: «Адамның қадiр-қасиетiне қол сұғылмайды. Ешкiмдi азаптауға, оған зорлық-зомбылық жасауға, басқадай қатыгездiк немесе адамдық қадiр-қасиетiн қорлайтындай жәбiр көрсетуге не жазалауға болмайды» (1995 жыл 30 тамыз).

Семинар шеңберінде «Қайсар» қоғамдық қорының төрайымы Оксана Тарабукина және әйелдерді қорғау тобының инспекторы, Теміртау қ. ІІБ полиция майоры Зарина Бейшебекова және сөз сөйледі.

Полиция  майоры Зарина Бейшебекова студенттерге семинарға қатысушыларға тұрмыстық зорлық-зомбылықтың алдын алу және субъектілер жүзеге асыратын отбасылық-тұрмыстық саладағы азамат және адам құқығын және бостандығын қорғайтын конституциялық құқықтарды қорғауға бағытталған профилактикалық шаралар кешені құқықты, экономикалық, әлеуметтік және ұйымдастыру шаралары, сонымен бірге осы жағдайдың қалыптасу себептері және оны жоюға бағытталған шаралар, егер осындай жағдай туындаған кезде не істеу керек және кімнен көмек сұрау қажет екендігі жайлы түсіндірді.

 «Қайсар» қоғамдық қорының төрайымы Оксана Тарабукина қыз балалардың жыныстық құлдыққа тартылуы жайлы жолдардан сақтану тәсілдерін түсіндірді.

Семинар барысында қатысушыларға тұрмыстық зорлық зомбылықтың алдын алуға және адамды құлдыққа сату жайлы ақпараттық білімдік материалдар, сонымен қатар семинарды ұйымдастырушылар жайлы ақпараттық кітапшалар таратылды.

Осындай бағыттағы іс-шаралар біздің университетімізде тұрақты негізде және біздің Теміртау қаласының ІІБ және «Қайсар» қоғамдық қорымен ынтымақтастығымыз жүйелі сипатта жүзеге асырылп келеді.

Қарағанды мемлекеттік индустриялық университетінің

Баспасөз қызметі

2017 жылдың 13 қыркүйік күні Қарағанды мемлекеттік индустриялық университетінде құқық қорғау органдары және «Қайсар» қоғамдық қорының өкілдерінің қатысуымен академиялық топтар кураторларына арналған тұрмыстық зорлық-зомбылықтың алдын-алу және профилактикалық шаралар және адамды құлдыққа сату мәселелеріне арналған семинар өткізілді.
Семинар шеңберінде Теміртау қ. ІІБ полиция майоры Зарина Бейшебекова және «Қайсар» қоғамдық қорының төрайымы Оксана Тарабукина сөз сөйледі.
Полиция  майоры Зарина Бейшебекова түсінікті тілде семинар қатысушыларына тұрмыстық зорлық-зомбылықтың алдын алу және субъектілер жүзеге асыратын отбасылық-тұрмыстық саладағы азамат және адам құқығын және бостандығын қорғайтын конституциялық құқықтарды қорғауға бағытталған профилактикалық шаралар кешені құқықты, экономикалық, әлеуметтік және ұйымдастыру шаралары, сонымен бірге осы жағдайдың қалыптасу себептері және оны жоюға бағытталған шаралар, егер осындай жағдай туындаған кезде не істеу керек және кімненн көмек сұрау қажет екендігі жайлы түсіндірді. Сонымен қатар жоғарыда айтылғандардан басқа қатысушылар отбасылық зорлық-зомбылық көрген әйелдерге арналған орталықтың жұмыс жасайтындығы, ол жерде келушілерге тегін психологиялық көмек көрсетілетіндігі және құқықтық мәселелер бойынша кеңес берілетіндігі жайлы білді.
Семинар барысында қатысушыларға тұрмыстық зорлық зомбылықтың алдын алуға және адамды құлдыққа сату жайлы ақпараттық білімдік материалдар, сонымен қатар семинарды ұйымдастырушылар жайлы ақпараттық кітапшалар таратылды.

Қарағанды мемлекеттік индустриялық университетінің
Баспасөз қызметі

Ағымды жылдың 8 қыркүйік күні Қарағанды мемлекеттік индустриялық университетінде өзара тиімді ашық халықаралық ынтымақтастықты ғылыми-зерттеу қызметінің «Күшті электроника» және «Энергияның альтернативті негізі» бағыттын дамыту мақсатында шетелдік «TWERD» электрэнергетикалық кәсіпорнының өкілі Михал Твердпен (Польша Республикасы) кездесу өтті.

Компанияның негізгі қызметі өнеркәсіптің әртүрлі салаларына (шахталар, тау-кен металлургиялық өндірісі, желдеткіштер, пайдалы кенді қазу, кемежасау және т.б.) арналған кез келген қуатты электрқозғалтқыштарға арналған жиілікті түрлендіргіштерді өндіру және тұтынушыларға ұсыну саналады. Сонымен бірге компания  альтернативті энергетика саласында қолданылатын инверторларды өндіреді.

«TWERD» кәсіпорны Украина, Белоруссия, Ресей, Қытай және Филиппин елдерімен тығыз байланыста жұмыс жасайды.

Іс-шара шеңберінде кездесуге ҚМИУ профессорлық-оқытушылар құрамы және Теміртау қаласының энергетикалық өнеркәсіпті кәсіпорындарының өкілдері: Кузнецов В.К. – «ТЭМ» ЖШС аға инженер-реттеушісі; Мескудин С.А. – «ТЭМ» ЖШС реттеуші- технигі;  Кузнецов В.А. – “АрселорМиттал Теміртау” АҚ ТПАБЖ электрмонтері;  Воробьев Д.И. – “АрселорМиттал Теміртау” АҚ ТПАБЖ электрмонтері;  Варзин Д.И. -“АрселорМиттал Теміртау” АҚ 1-ТТЦ ЖМЗ ЖЖКЦ электрмонтері;  Старцев М.Ю. – «АРТИС ТЭК» ЖШС директоры; Назаров А.Г. – АрселорМиттал Теміртау” АҚ 3-ТТЦ ТЦ ЖЖКЦ электрмонтері; Захаров С.П. – «РВСА» ЖШС инженер – электригі; Виноградов А.А. – «РВСА» ЖШС инженер –реттеушісі қатысты.

Қонақ ҚМИУ мұражайын аралады, 2017 жыл ҚМИУ үшін айтулы жыл саналады: Қазақстан Республикасының Бірінші Президенті Нұрсұлтан Әбішұлы Назарбаевтың және 1967 жылғы түлектердің жоғарғы оқу орнын бітірулеріне 50 жыл толған мерейтой қарсаңында ұйымдастырылған көрмемен танысты.

Сонымен бірге «TWERD» кәсіпорнының басшылары үшін университеттің материалды-техникалық базасы бойынша таныстыру саяхаты ұйымдастырылды. Танысу барысында автоматтандырылған электржетектер зертханасы, автоматтандырудың техникалы құралдар зертханасы, «Электронды микроскопия және нанотехнологиялар» инженерлік бейінді зертхана және металлургия орталығының тәжірибелі-өндірісті алаңының жұмысымен таныстырылды.

Қазіргі жағдайда қазақстандық қоғамның техника, ғылым және білім саласындағы және әлеуметтік-экономикалық салалардағы озық даму көп аспектілі интеграциялық үрдістердің және халықаралық ынтымақтастықтың тереңдеуі және кеңейуімен тығыз байланысты. Осы үрдістердің және халықаралық байланыстардың жемісті дамуына білім және ғылым, техниканың болашағының дамуы тәуелді, осы шаралар ғылыми зерттеулер, бәсекеге қабілетті мамандарды дайындауға, сонымен бірге халықаралық деңгейде бірлескен күшпен технологиялық мәселелерді шешуге бағытталған.

Кездесу нәтижесі бойынша ынтымақтастық жайлы меморандум бекітілді және  2018 – 2020 жылдарға арналған ҚР БҒМ Ғылым комитетінің грантты қаржыландыру бағдарламасына қатысты өтінімдерді дайындау жүзеге асырылды.

 Қарағанды мемлекеттік индустриялық университетінің

Баспасөз қызметі

«ЕЛБАСЫНЫҢ ТАРИХИ ЖОБАЛАРЫ МЕН БАСТАМАЛАРЫ» АТТЫ ОБЛЫСТЫҚ ҒЫЛЫМИ ЖОБАЛАР БАЙҚАУЫНЫҢ ЕРЕЖЕСІ

1. Жалпы ережелер

1.1.   «Елбасының тарихи жобалары мен бастамалары» атты ғылыми жобалар байқауының (әрі қарай «Байқау») ұйымдастырушылары Тұңғыш Президенттің тарихи-мәдени орталығы.

1.2.   Байқаудың негізгі мақсаттары мен міндеттері:

• Мемлекет басшысы Н.Ә. Назарбаевтың идеялары мен бастамаларын насихаттауға бағытталған студенттердің ғылыми-зерттеушілік қабілеттерінің деңгейін және даму үдерісінің басты бағыттарының ахуалын анықтау;
• оқушылардың жаңа заман мәселелеріне арналған ғылыми-зерттеу және оқу-танымдық жұмыстарын ынталандыру;
• талантты және дарынды зерттеушілерді іріктеу және оларға қолдау көрсету;
• Қазақстан Республикасы зияткерлік  әлеуетінің қалыптастырылуына үлес

қосу.

1. Байқаудың ұйымдастыру комитеті және әділқазылар алқасы

2.1. Тұңғыш Президенттің тарихи-мәдени орталығы Ұйымдастыру комитетін түзеді.

2.2. Ұйымдастыру комитеті Байқаудың дайындығы мен өткізілуіне   тікелей басшылық жасайды, әділқазылар алқасының құрамын және Байқауды өткізу бағдарламасын бекітеді,   Байқаудың қорытындысын шығарады.

2.3.  Әділқазылар алқасы қатысушылардың жұмыстарын тексеріп  бағалайды, жүлдегерлер мен жеңімпаздарды анықтайды.

2.4. Байқауға Қарағанды облысы жоғары оқу орындарының студенттері қатысады.

2.5.   Байқау үш кезеңнен тұрады:

• І кезең – 2017 жыл 19 қарашаға дейін Қарағанды облысының жоғары оқу орындарында өткізіледі;
• II кезеңге әрбір оқу орнынан 3   ғылыми жобаның  сұранысы 23 қарашаға дейін қабылданады. Сұраныста қорғалатын жұмыстың бағыты  мен тақырыбын көрсету керек. (Тел: (8-7213) 91-43-60 (ішкі 04) president-centre mail.ru). 25 қарашаға дейін сараптама комиссиясы сараптау жұмысын жүргізеді;
• ІІІ ақтық кезең – 30 қараша күні сағат 10-00-де Тұңғыш Президенттің тарихи-мәдени орталығында  іріктеу кезеңінен өткен студенттер жобаны қорғау үшін облыстық байқауға қатысады. (жұмыстың слайдтармен таныстырылымы)
• 6. Ғылыми жобаны қорғауға 7-10 минут уақыт беріледі, ал біріккен командалық жобаға 15 минут беріледі. Командалық ғылыми жобаны қорғауға тек екі студент  қатыса алады.

2.7. Ғылыми жоба мемлекеттік немесе ресми тілде қорғалады.

               III. Ғылыми жұмыстардың бағытары мен тақырыптары    

3.1.   Ғылыми жұмыстар  төмендегі бағыттар мен тақырыптар  бойынша өткізіледі: 

1-бағыт «Тәуелсіз Қазақстан»

1. Тәуелсіздік – ұлы құндылық
2. Астана – Елбасының тәуелсіздік дәуіріндегі қайталанбас жобасы
3. 1986 жылғы Желтоқсан көтерілісі – тәуелсіздік жаршысы
4. Қазақстан жолы. Тәуелсіз Қазақстанның тарихы;
5. Қазақстан беделді халықаралық ұйымдардың мүшесі. (Елбасының дана сыртқы саясатының жемісі).

     2-бағыт «Ұлы идея – игі мақсат бастауы»

1. Елбасының «Болашаққа бағдар: рухани жаңғыру» мақаласы – қоғам дамуының темірқазығы.
2. Н.Ә.Назарбаевтың «Ұлт жоспары – қазақстандық арманға бастайтын жол»          мақаласының басты идеясы
3. Елбасының «Мәңгілік Ел» идеясы – Қазақстанның даму бағдарламасы
4. «Ұлы дала елі» идеясы – Қазақстанның жарқын болашағы»
5. Елбасының Қазақстанды әлемнің ең дамыған 30 елінің қатарына қосу

идеясы – ел  мұраты.

       3-бағыт «Экономиканы жаңғырту – Қазақстанның гүлденуінің кепілі»

1. «100 нақты қадам» Ұлт жоспары – «Қазақстан 2050» Стратегиясының негізі
2.   ЭКСПО-2017 «Болашақ энергиясы» Халықаралық көрмесінің нәтижелері маңызы. Баламалы энергия – сарқылмас қуат көзі.
3.   Сыбайлас жемқорлықпен күрес – экономикалық дамудың кепілі.
4. Президенттің «Қазақстанның үшінші жаңғыруы: жаһандық бәсекеге қабілеттілік»  Жолдауы

5.Ауыл шаруашылығын дамыту – халықтың әл-ауқатын жақсартудың қайнар көзі.                                   

                        4-бағыт «Ғылым, білім және мәдениет»

1. Мәңгілік ел жастары индустрияға: Серпін 2050» Мемлекеттік бағдарламасының мақсаты
2. Елбасының «Болашаққа бағдар: рухани жаңғыру» мақаласындағы ұлттық сананы жаңғыртудың негізгі бағыттары
3. Ұлттық салт-дәстүрлер және жастар тәрбиесі
4. Мемлекеттік тіл – қазақстандық қоғамның ұйытқысы
5. «Болашаққа бағдар: рухани жаңғыру мақаласындағы Президент ұсынған жобалардың мәні

5-бағыт «Дінаралық келісім мен ұлтаралық татулық – Қазақстанның қарқынды дамуының кепілі»

1. Қазақстан халқы Ассамблеясы – қоғамдық келісім мен ұлттық бірліктің

қазақстандық үлгісі
2.  Қазақстандағы діни экстремизм және лаңкестік проблемалары: пайда болу себептері және  шешу жолдары

3. Әлемдік және дәстүрлі діндер көшбасшылары сьездерінің әлеуметік-саяси маңызы
   Алғыс айту күні мерекесінің Қазақстандағы ұлтаралық ынтымақты нығайтудағы

рөлі
5.  «Нұрлы көш» мемлекеттік бағдарламасы –Ұлттық мемлекет құрудың негізі: проблемалар және шешу жолдары

ІV.   Байқаудың ғылыми жұмыстарына қойылатын талаптар

Байқауға ұсынылған жұмыстар төмендегі талаптарға жауап беруі тиіс:

• жобада қоғамның осы саладағы бұрын ашылмаған тұстарын, деректерді, құбылыстар мен  жаңалықтарды  айқындайтын материалдар;
• тәжірибелік құндылығы зор, ЖОО эксперименттерін жетілдіруге, өндірістік үдерістің тиімділігін арттыруға ықпал ететін аппараттар, модельдер мен  құралдар конструкцияларын   ұсынатын  жұмыстар;
• әлеуметтік-экономикалық және саяси мәселелерді шешуге бағытталған құқықтық негізі бар жобалар болу керек;
• бұрын қаралған және қорғалған жобалар, реферат немесе сипаттау түріндегі жобалар, байқау талаптары сақталмаған жобалар ғылыми жарыстың келесі кезеңіне қатысуға жіберілмейді.

Ғылыми жобаларды рәсімдеуге қойылатын талаптар:

• жоба мәтіні компьютерде А4форматтағы қағазда және электронды нұсқада, 25 беттен аспайтын, 14 кегль TimesNewRoman    шрифтпен   1,0   интервал аралықта басылуы керек және:
• титул парағы;
• абстракт;
• мазмұны;
• кіріспе;
• зерттеу бөлімі;
• қорытынды;
• пайдаланылған әдебиеттер тізімінен құрылуы керек.

Титул парағында:

• білім беру мекемесінің  толық атауы;
• байқаудың бағыты мен тақырыбы;
• ғылыми жұмыстың атауы;
• автордың (біріккен автордың) тегі, аты, сыныбы;
• жетекшінің тегі, аты, әкесінің аты;
• қаласы (жарыстың өтетін жері), жылы көрсетілуі қажет.

Абстракт (200 сөзден аспауы керек) жобаның:

• қысқаша мазмұны;
• зерттеудің мақсаты;
• гипотезасы;
• кезеңдері, зерттеудің рәсімі;
• тәжірибе әдістемесі;
• зерттеудің жаңалығы және дербестік дәрежесі;
• жұмыстың нәтижесі мен қорытындысы;
• практикалық қолдану салаларын білдіреді.

Кіріспе (екі беттен аспауы керек):

• зерттеу тақырыбының өзектілігі, жұмыстың мақсаты (міндеті);
• алға қойылған міндеттерді шешу әдістері қысқаша көрсетіледі.

Жұмыстың зерттеу бөлімі жеке тараулармен (параграфтар) беріледі (15 беттен аспауы керек) және төмендегі құрылымды қамтуы қажет:

• жұмыстың практикалық құндылығына көз жеткізуге және оның мақсатын (міндетін) анықтауға мүмкіндік беретін тақырып бойынша белгілі нәтижелерге аналитикалық шолу жасау;
• алға қойылған міндеттерді шешу әдістерін сипаттау;
• жұмыстың нәтижесі және оны талқылау;
• көрнекілік материал (сызбалар, кестелер, фотосуреттер мен суреттер т.б.);
• пайдаланылған әдебиетке сілтемені төртбұрышты жақшада беру керек, мысалы [1]. Нөмірленуі мәтінде кездесетін сілтемелерге сәйкес жүйелі түрде жасалуы қажет.

Қорытынды (бір беттен аспауы керек) жұмыстың басты нәтижелері және олардың негізінде жасалған қорытындылар  мен ұсыныстарды қамтиды.

Пайдаланылған әдебиеттер жұмыс соңында жалпы тізіммен төмендегідей орындалады:

• автордың тегі және қысқартылған аты-жөні;
• мақаланың және журналдың аты (журналдық мақалалар үшін);
• журналдың, әдебиеттің атауы;
• басып шығарылған орны және баспасы (әдебиеттер үшін);
• басылып шыққан жылы, шығу нөмірі, беті.

Ғылыми байқаудың ІІ кезеңіне баяндамаға қосымша таныстыру материалдарын  (слайд) жасау ұсынылады.

Ғылыми жоба нәтижелерінің нақтылығы мен мүлтіксіздігіне, диплом жұмыстарынан, магистрлық және кандидаттық диссертациялардан, ғылыми ұжымдардың есептерінен көшірілген нәтижелер еместігіне жауапкершілік ғылыми жетекшілерге жүктеледі. Оқушы жаңа білім мен өз бетінше зерттеу қызмет дағдыларын ала отырып, өз қолынан келетін жұмысты орындауы керек.

1. Байқауды қорытындылау және жеңімпаздарды марапаттау

5.1.Ғылыми жұмысты бағалау келесі өлшемдер  бойынша жүргізіледі:

• жобаның жаңалығы және инновациялық құрылымы;
• өзектілігі және әлеуметтік маңызы;
• оқушының жеке үлесі.

5.2.   Байқаудың қорытындысы шешуші кезеңде шығарылады

5.3.   Жеңімпаздарды марапаттау рәсімі 2017 жылдың 1 желтоқсаны күні сағат 15-00-де Тұңғыш Президенттің  тарихи-мәдени орталығында  өтеді.

5.4.   Байқаудың ұйымдастыру комитеті қазылар алқасының шешімі негізінде жеңімпаздар мен жүлдегерлерді анықтайды:

І орын – 1, ІІ орын – 2, ІІІ орын – 2 орын.

5.5.  Қатысушылар мен олардың ғылыми жетекшілеріне Байқауға қатысқанын растайтын сертификат беріледі. Тұңғыш Президенттің тарихи-мәдени орталығы Байқаудың жеңімпаздары мен жүлдегерлерін Мақтау грамоталары және  бағалы сыйлықтармен марапаттайды.

Қарағанды мемлекеттік индустриялық университетінің ұжымы

«Құрылыс» кафедрасының аға оқытушысы

Балжан Оралқызы Калданованы

философия докторы (PhD) ғылыми дәрежесімен құттықтайды.