2018 жылдың 12-13 сәуір күндері Қарағанды индустриялық университеті және Михаил Остроградский атындағы Кременчуг ұлттық университетімен (Украина) бірге «Жастардың Төртінші өнеркәсіптік  революция әлемдегі ғылыми шығармашылығы» атты XLVIII республикалық ғылыми-практикалық конференциясын өткізді.

Конференция жұмысына Қазақстанның  жоғары оқу орындарының профессорлы-оқытушылар құрамы, қызметкерлері және шетелдік әріптестер, кәсіпорындар өкілдері және білім мекемелерінің докторлары, магистранттары және студенттері қатысты. Конференц-байланыс бойынша ұйымдастыру комитетінің төрағасы, Михаил Остроградский атындағы Кременчуг ұлттық университетінің Электрмеханика, электрүнемдеу және басқару институтының директоры профессор А. П. Черный қатысушыларды конференцияның ашылу салтанатымен құттықтады.

Пленарлық отырыста ҚМИУ ғылыми істер және халықаралық байланыстар жөніндегі проректоры А. А. Айкеева сөз алды. Ол өзінің сөзінде  Басшысының алға қойған мақсаттарына, оның ішінде әлемдік озық елдер қатарына ену үшін қазақстандық білімді жаңа деңгейге  көтеру мәселелері туралы айтты. Басшысының Қазақстан халқына арналған Жолдауында ғылыми әрекеттің және білімдік үрдістің интеграциялануының маңыздылығы атап өтілген. Н.Ә.Назарбаев жаңа «Төртінші өнеркәсіптік революция жағдайында жаңа даму мүмкіндіктері» Жолдауында жаңа міндеттер айқындалды, осы міндеттерді жүзеге асыру барысында еліміз жылдам өзгеретін жаңа әлемге жағдайына табысты икемделеді. Алтын Аманжолқызы ҚМИУ ғылыми-инновациялық және халықаралық қызметі, жақын жылдардағы университет жоспары туралы айтты және конференция қатысушыларына табысты жұмыс атқаруды тіледі.

«Cisco» желісті академияда оқыту және оның әрі қарай табысты жұмыс жасауы жайлы пленарлық отырыста ҚМИУ жас маманы Д. Токсеит хабарлама жасады. «Топырақтарды зертханалық сынау» атты баяндаманы Қ-16ғм тобының магистранты А. Касенова тыңдаушылар назарына ұсынды. Компанияны тиімді басқару инструменттері жайлы Э-15 тобының студенті Т.Силаева ойын ортаға салды. Осыдан кейін бас және жаңа коропус дәрісханаларында  әртүрлі бағыттар бойынша тоғыз секция өз жұмысын жалғастырды. Өздерінің баяндамаларын С.Тойайғыров атындағы Павлодар университеті, Е.Бөкетов атындағы Қарағанды университеті, Қ. Сатпаев атындағы ҚазҰТУ студенттері, магистранттары, колледж және жалпыбілімдік мектептердің оқушылары көпшілік назарына  ұсынды.

Конференцияда барлығы 360 баяндама, оның көпшілігі «Технология және машинажасау саласының өзекті мәселелері», «Металлургия және металтану саласын дамыту және инновациялар», «Архитектура және құрылыс», «Әлемдік экономиканы жаһандандыру жағдайында Қазақстандағы бизнесті дамыту» секциялары бойынша ұсынылды. Баяндамалар қазақ, орыс, ағылшын тілдерінде жасалды.

ҚМИУ студенттері И. Стамкулова (МжЖМТ-14 тобы, «Металлургия және металтану саласын дамыту және инновациялар» секциясы), Ю. Франц (МҚӨТ-15с тобы, «Технология және машинажасау саласының өзекті мәселелері» секциясы), А. Мусин (ОЗХТ-14 тобы, «Химия, химиялық технологиялар және экология» секциясы), А. Смайл және А. Батырбек ( ЭЭ-15қ тобы, “Жылуэнергетика, электрэнергетика және өндірісті автоматтандыру» секциясы), Д. Прохорович (ЕТжБҚ-15 тобы, секция «Заманауи физика-математикалық ғылымдар және ақпараттық технологиялар» секциясы), А. Сапар (Қ-15қ-2 «Архитектура және құрылыс» секциясы), Д. Сейдуллаев және А. Турсунов (Э-17 тобы, «Әлемдік экономиканы жаһандандыру жағдайында Қазақстандағы бизнесті дамыту» секциясы), С. Қуанышқызы (МҚӨТ-17қ-3 тобы, «Қоғамдық сананы жаңғыртудағы әлеуметтік-гуманитарлық пәндер рөлі» секциясы), С. Елефтериади (МҚӨТ-17тобы, секция «Филологиялық ғылымдар» секциясы) үздік нәтижелер көрсетті.

Табысты және қызықты жұмыс күнінің соңында комиссия жұмыс қорытындысын шығарды. Конференцияның салтанатты жабылу шарасында үш бірінші орын жеңілпаздарына грамоталар және сыйлықтар, жеңілпаздарды осы конференцияға дайындаған оқу орындарының жетекшілері және педагогтарына Алғыс хаттар тапсырылды.

ҚМИУ баспасөз қызметі

Металлургия саласы бойынша мамандарды дайындау саласындағы республикалық оқу орындарының ішінде базалық оқу орны саналатын Қарағанды мемлекеттік индустриялық университетінде 13 сәуір күні жыл сайынғы «Металлургия» және «Металдарды қысыммен өңдеу технологиясы» мамандықтары бойынша Республикалық пәндік олимпиаданың екінші туры өткізілді.

ҚМИУ оқу үрдісінің ерекшелігіне қолданыстағы заманауи оқу-ғылыми зертханалық базалары, оның ішінде еліміздегі жалғыз жартылай өндірісті агрегатты және қондырғылар орналасқан тәжірибелі-өнеркәсіпті жұмыс жасайтын алаң жатады. Университетте барлығы 59 мамандандырылған зертханалар орналасқан, бұл студенттерге ғылыми-зерттеу жұмыстарын орындауға мүмкіндік береді. Университет жанында Металлургиялық орталық құрамында 12 зертхана, оның ішінде «Электронды микроскопия және нанотехнологиялар» инженерлі бейінді зертхана жұмыс жасайды. Онда Қ. Сатпаев атындағы ҚазҒЗТУ, ҚарМТУ және басқада жоғары оқу орындарының магистранттары машықтанудан өтеді.

Практика базаларын дамыту және әрі қарай ҚМИУ студенттерін жұмысқа орналастыру мақсатында мынандай өнеркәсіпті кәсіпорындар және компаниялармен: «Арселор Миттал Теміртау» АҚ, «Қазақмыс Корпорациясы» ЖШС, «ТНК «Қазхром ТҒК» АҚ, «Жезқазған мыс байыту зауыты» «Central Asia Cement» АҚ, Соколов-Сарбай КБӨБ, «Силициум Қазақстан» ЖШС, «Ақтөбе рельсті арқалық зауыты» және көптеген т.б. тығыз байланыстар орнатылған.

Жыл  сайын «Металлургия» және «Металдарды қысыммен өңдеу технологиясы» мамандықтары бойынша Республикалық пәндік олимпиада республикалық студенттік олимпиадалар шеңберінде және талантты жастарға қолдау көрсету мақсатында өткізіледі. Осы олимпиада қортындысы бойынша халықаралық олимпиадаға қатысатын команда құрылады.

Олимпиаданың бірінші кезеңі жоғары оқу орындарында өтеді. Оның қортындысы бойынша ректор бұйрығымен бекітілген жоғары оқу орнының конкурстық комиссиясы  үздік студенттерді таңдайды және базалық оқу орына екінші кезеңге қатысу үшін жібереді.

Олимпиаданың екінші кезеңіне барлығы 17 команда қатысты. Олардың ішінде ҚМИУ, К.Жұбанов атындағы Ақтөбе өңірлік мемлекеттік университеті, Д.Серікбаев атындағы Шығыс-Қазақстан мемлекеттік техникалық университеті, ҚарМТУ, С.Торайғыров атындағы Павлодар мемлекеттік университеті, М. Әуезов атындағы Оңтүстік-Қазақстан мемлекеттік университеті, Қ. Сатпаев атындағы Екібастұз инженерлі-техникалық институты, Байқоңыров атындағы Жезқазған университеттерінің өкілдері қатысты.

Қатысушылар теориялық сұраққа жауап бергеннен кейін күрделі есептерді шешті, бұл бірнеше сағатқа созылды, конкурстық комиссия қортынды шығарды.

«Металлургия» мамандығы бойынша бірінші орын – ҚМИУ, екінші орын – Жұбанов атындағы Ақтөбе өңірлік мемлекеттік университетіне, үшінші орын – Серікбаев атындағы Шығыс-Қазақстан мемлекеттік техникалық университетінің командаларына берілді.

«Металдарды қысыммен өңдеу технологиясы» мамандықтары бойынша бірінші және екінші орынды ҚМИУ және үшінші орынды ҚарМТУ командалары иеленді.

Қортындыларды талқылау нәтижелері бойынша «Металлургия» мамандығы бойынша конкурстық комиссия келесі студенттерді: I дәрежелі дипломмен – Д. Сайлауов (КМИУ); IІ дәрежелі дипломмен – М. Кулмурза (К. Жұбанов атындағы АӨМУ) және А. Малыбаева (Д. Серікбаев атындағы ШҚМТУ), IІІ дәрежелі дипломмен – Д. Арыстанова (ҚарМТУ), З. Абдрахманова (Д. Серікбаев атындағы ШҚМТУ), және А. Болусбекова (С.Торайғыров атындағы ПМУ) марапаттады.

«Металдарды қысыммен өңдеу технологиясы» мамандықтары бойынша: I дәрежелі дипломмен – А. Каныбек (КМИУ), IІ– Г. Заит (КМИУ) и М. Камбар (КГИУ); III дәрежелі дипломмен – Д. Дюсембаев (ҚарМТУ), А. Тымченко (КМИУ) және М. Орынбасаров (ҚарМТУ) марапатталды.

Олимпиада қатысушылары іс-шараның маңыздылығын, оның кәсіби деңгейді және шекті ойлау қабілетін қалыптастыруға үлкен әсер ететінін ерекше атап өтті.

ҚМИУ баспасөз қызметі

Астанада ҚР Президенті Н.Ә.Назарбаевтың «Болашаққа көзқарас: қоғамдық сананы жаңғырту» атты бағдарламалық мақаласының шығарылу жылдығына арналған көрме өтті.

Көрмеде «Туған жер», «Қазақстанның қасиетті географиясы» және «100 жаңа есім» сияқты негізгі арнайы жобалар бойынша материалдар ұсынылды. Бұдан басқа, Қазақстан мен оның халқы үшін маңызы бар 250-ден астам мәдени нысандардың, табиғи және археологиялық ескерткіштердің сипаттамасымен «Қазақстанның қасиетті географиясы» кітабының таныстырылымы өтті. Кітаппен Қазақстан бойынша 45 археологиялық топ және 150-ден астам адам жұмыс істеді, олар он мың шақырымдай жол жүріп, шатқалдарды, көне қалаларды және автотұрақтарды тексерді. Кітап қазақ және орыс тілдерінде басып шығарылды және баспа түрінде ғана емес, сонымен қатар электронды түрде де қол жетімді.

ҚМИУ баспасөз қызметі

ҚИУ-да «Адал жол – Чистый путь» республикалық марафоны шеңберінде сыбайлас жемқорлыққа қарсы квест өтті. 11 сәуірде Теміртаудың әртүрлі колледждерінің жеті командасы жемқорлықпен қалай күресу екендігін айтты және көрсетті.

Теміртау қ. ішкі саясат бөлімімен бірге ҚИУ ұйымдастырған квестке Сауда және тамақтану колледжі, Медициналық колледж, «Мирас» көпсалалы колледжі, Кәсіби-техникалық колледж, Өндірістік-технологиялық колледж, Техникалық колледж және Жоғары политехникалық колледж студенттері қатысты.

Қазылар алқасының құрамына: Теміртау қ. ішкі саясат бөлімінің басшысы Д.Н.Жүнісова, Теміртау қ. әкім аппаратының мемлекеттік-құқықтық бөлімінің басшысы Е.Ж.Гомаров, Қазақстан журналистер Одағының мүшесі Т.С.Войтенко, ҚИУ “Қазақстан тарихы және әлеуметтік-гуманитарлық пәндер” кафедрасының оқытушысы Д.К.Жанабергенова мен ҚИУ заңгері О.М. Шалбарбаев кірді.

Квесттің негізгі мақсаттары мен міндеттері – жастар бойында сыбайлас жемқорлыққа қарсы мінез-құлық дағдыларын, күнделікті өмірде жемқорлық көріністеріне төзбеушілік қалыптастыру, сыбайлас жемқорлыққа қарсы дағдыларды енгізу, адалдық пен парасаттылыққа тәрбиелеу.

Бірінші кезеңде командалар сыбайлас жемқорлыққа қарсы тақырыптар бойынша сұрақтарға дұрыс жауап беруі қажет болды. Мысалы, «Жемқорлықпен күрес туралы» ҚР Заңы қашан қабылданды, кім жемқорлыққа қарсы іс-қимыл субъектісі болып табылады, кім табысы мен мүлкі туралы декларацияны беруге міндетті?

Екінші кезеңде қатысушылар «сыбайлас жемқорлыққа қарсы басқатырғыштар» жинады. Үшінші кезеңде қатысушылардың бірі бірдей түбірлік сөздерді айтпай түсіндірген сөздерді шешті. Бұдан әрі колледж студенттерін “Сот әділдігі” тақырыбында филворд күтті, онда олар қандай қадағалау органы азаматтар мен лауазымды тұлғалардың іс-әрекеттер заңдылығына бақылау жүргізеді,  лауазымды тұлғалармен қабылданатын іс-әрекет немесе әрекетсіздіктер материалдық құндылықтары, істеген әрекеті үшін жасалатын төлемдер қалай аталады және т.б. әрі қарай жауап беруі керек болатын.

“Пара беру” көрермендермен ойын шулы және қызықты болды. Біреу ақшаларын жасырды, ал біреу – оларды іздеді. Қатысушылар пара беру немесе пара іздеу – оңай міндет емес екендігін өздері сезініп көрді.

Келесі кезең кезінде экранда әртүрлі заңсыз жағдайлар көрсетілді, ал қатысушылар жемқорлықтың түрін анықтады. Енді колледж студенттері, егер қалалық әкімшілігі кәсіпкердің өтініші бойынша жер учаскесі жөнінде мәселені шешуді ұзақ уақыт мерзімде кешіктірсе, онда ол әуре-сарсаңға салушылық, ал егер тегін ұсынылатын дәрі-дәрмектерді таратуға жауапты қандай да бір мемлекеттік қызметкер дәрі-дәрмектердің бір бөлігін жеке дәріханаларға  жоғары бағамен әрі қарай іске асыру үшін жіберсе – бұл ысырап екендігін нақты біледі.

Соңғы кезеңі сыбайлас жемқорлыққа қарсы тақырып бойынша 7 минуттық плакаттың құрастырылуы, оған қоса ширек жазуы және таныстырылымы болды.

Қазылар алқасының жиынынан кейін қорытынды жарияланды:

1-ші орынды Теміртау жоғары политехникалық колледжінің “Құқық қорғаушылары” командасы иеленді;

2 орын – Теміртау индустриалды-технологиялық колледжінің “Неспор” командасында;

3-орынды Теміртау “Мирас” көпсалалы колледжінің “Операция Ы в Темиртау” командасы алды.

Жеңімпаздарға естелік сыйлықтар мен грамоталар, барлық қатысушыларға  – дипломдар, ал командаларды дайындаған басшыларына алғыс хаттар табысталды.

Іс-шара соңында жүргізушілер қатысушыларға жемқорлық – екі жақты қозғалысы бар көшелер екенін есіне салды: егер алатын адам бар болса, онда міндетті түрде беретін адамда бар. Барлық бағыттарда күресу қажет. Жемқорлықпен күресу – әркімнің ісі.

ҚИУ баспасөз қызметі

Іс-шарада Мемлекет басшысына рухани жаңғыру бағдарламасын іске асыру аясында аударылып, басып шығарылған 18 оқулық таныстырылды.

Елбасы «Болашаққа бағдар: рухани жаңғыру» атты бағдарламалық мақала қазақстандықтар тарапынан кең қолдауға ие болғанын айтып, оның жекелеген бағыттары бойынша атқарылған жұмыстардың нәтижелеріне тоқталды.

– Барлық өңір «Туған жер», «Киелі жерлердің географиясы» және «100 жаңа есім» жобаларына атсалысып жатыр. Бір жыл ішінде меценаттар қаражаты есебінен әлеуметтік инфрақұрылымды дамытуға ондаған миллиард теңге бөлінді. 700-ден астам мәдениет ескерткіштері жөнделіп, қайта қалпына келтірілді. Жүздеген ғылыми экспедициялар ұйымдастырылды, – деді Қазақстан Президенті.

Нұрсұлтан Назарбаев қазақ тілінің жаңа әліпбиін талқылау үдерісі біртұтас қоғамымыздың кемелденгенін танытатын тарихи қадамға айналғанын атап өтті.

Мемлекет басшысы рухани жаңғыру аясындағы жұмыстардың маңыздылығына тоқталып, «100 жаңа оқулық» жобасының жас ұрпаққа білім беру ісіндегі рөлі зор екенін айтты.

– Жастарымыз жоғары ғылыми стандарттарға сәйкес білім алуға тиіс. Сондықтан біз 800 кітаптан тұратын үздік оқулықтардың ауқымды тізімін әзірледік. Ұлттық аударма бюросы құрылып, жұмысына кірісті. Біз бүгін алғашқы 18 кітаптың таныстырылымына жиналып отырмыз, – деді Елбасы.

Қазақстан Президенті бұл шараның бүкіл әлеуметтік-гуманитарлық сала үшін маңызды екенін айтып, оның бірқатар ерекшеліктерін атап өтті.

– Бүгінгі алғашқы зияткерлік транш АҚШ, Ресей, Ұлыбритания, Франция және Швейцария сияқты алдыңғы қатарлы елдердің ең үздік ғылыми еңбектерін қамтиды. Бұл кітаптармен танысуға мүмкіндік алған жастарымыз көп емес, – деді Нұрсұлтан Назарбаев.

Мемлекет басшысы ұсынылған кітаптар қазақ тіліне түпнұсқадан аударылғанын айтты.

Елбасы бүгінгі іс-шара рухани жаңғыру бағдарламасының жаңа кезеңін бастайтынын атап өтті.

– Бұл – ауқымды энциклопедиялық ізденіс арқылы адамзат дамуының көкжиегіне жол ашатын кезең. Бүгінде зияткерлік даму үдерісінен туындаған тың серпіннің арқасында рухани революция бастау алып келеді, – деді Қазақстан Президенті.

Нұрсұлтан Назарбаев қазіргі жағдайда әлемнің дамуы көбіне инженерлік ғылымның әлеуетімен анықталатынына назар аударып, озық технологияларды пайдаланудың мақсаттарын ұғыну маңызды екенін айтты.

– Ғылыми таным – заманауи ұлттың бәсекеге қабілетті болуының басты шарты. Жаңа оқулықтар білімнің нағыз энциклопедиясы болып саналады. Бүгінде оқу әдісі ғана емес, сондай-ақ оның мазмұны да маңызды. Осыған орай «Рухани жаңғыру» бағдарламасы бес жылға арналған жалпыұлттық білім беру ісін жүзеге асыруға мүмкіндік береді, – деді Мемлекет басшысы.

Елбасы әлемдік тәжірибеде мұндай кешенді бағдарламаның іске асырылуы сирек кездесетінін атап өтті.

– Жаңа оқулықтар – эксклюзивті гуманитарлық кітапхана. Бұл оқулықтар көпшілік үшін кітап түрінде, электрондық онлайн нұсқасында және үздік лекторлардың ашық дәрістерінің видеотекасы сияқты үш форматта қол жетімді болмақ. Кітаптар латын қарпінде басып шығарылғаннан кейін, оларды шетелде тұратын жастарымыз да оқи алатын болады, – деді Қазақстан Президенті.

Нұрсұлтан Назарбаев жобаны іске асырудың арқасында Қазақстанда аударма ісінің жаңа мәдениеті қалыптасқанын атап өтті. Бұдан бөлек, Қазақстан Президенті еліміз бен қоғамымыздың бәсекеге қабілеттілігін арттыру факторының маңыздылығы жөнінде айтты.

– «Рухани жаңғыру» бағдарламасы жастарымыздың болашағы үшін іске асырылуда. Осы орайда, өскелең ұрпақтың оны жүзеге асыруға белсенді түрде атсалысқаны аса маңызды. Біз бүгін тәуелсіздік жылдары қалыптасқан ғылыми-кадрлық әлеуметіміздің зор екеніне тағы да көз жеткіздік, – деді Мемлекет басшысы.

Елбасы үштілділік қағидатын сақтаудың маңыздылығына тоқталып, биыл бірнеше шетелдік оқулықты орыс тіліне де аудару мәселесін қарастыруды тапсырды.

Кездесу соңында Нұрсұлтан Назарбаев Қазақстан Үкіметі мен Ұлттық аударма бюросына бірқатар нақты тапсырма берді.

– Біріншіден, 2018 жылға жоспарланған 30 кітаптың әрі қарай сапалы аударылуын және басылып шығуын қамтамасыз ету керек. Қаржыландыру уақтылы әрі толық бөлінуге тиіс. Келесі жылы аударылады деп жоспарланған оқулықтар өз уақытында іріктеліп, талдаудан өткізілуі керек. Екіншіден, бұл оқулықтарды білім беру үдерісіне тиімді түрде енгізу – маңызды міндеттердің бірі. Осы оқулықтар бойынша оқытылатын пәндер жаңа оқу жылының білім беру бағдарламаларына енгізілуі қажет. Үшіншіден, ғылыми тәжірибеде қолданылатын барлық терминдерді жүйелендіріп, гуманитарлық және экономикалық лексиканың жаңа түсіндірме сөздігін шығаруды тапсырамын, – деді Нұрсұлтан Назарбаев.

Сонымен қатар, Қазақстан Президенті уәкілетті мемлекеттік орган мен Қазақстан Үкіметі тарапынан жобаның сапалы жүзеге асырылуына тиісті бақылау жасауды тапсырды.

– Төртіншіден, оқулықтар кәдімгі кітаптар сияқты басылып шығуы керек. Сонымен қатар онлайн білім беру ісін дамыту қажет. Қазір дамыған елдерде виртуалды университеттер бар. «Қазақстанның ашық университеті» жан-жақты қолдау табуы керек. Ашық лекциялар видеотекаларының және солардың негізінде дайындалатын оқулықтардың сапасын қадағалауға ерекше назар аудару қажет. Бесіншіден, «100 жаңа оқулық» жобасы ғылыми аударма мектептерін дамыту ісінде маңызды рөл атқарады. Сондықтан аударма саласында тәжірибенің, білімнің және кәсіби дағдының жүйелі дамуын қамтамасыз ету керек, – деді Мемлекет басшысы.

Аударылған оқулықтардың толық тізімін мына жерден көруге болады.

Ақорда сайтының материалдарына негізделген

Хабар арнасының сюжеті