2018 жылы 18 қазан күні ҚМИУ соңғы курс студенттері Nazarbayev University өкілдерімен кездесті.

Nazarbayev University өкілдері студенттерді «Nazarbayev University» АҚ құрылымында жұмыс жасайтын инженерия, ғылым және технологиялар, гуманитарлы және әлеуметтік ғылымдар, жоғары білім мектебі және жоғары бизнес мектебінің магистратура, докторантурасының академиялық бағдарламаларымен таныстырды.

Nazarbayev University 2010 жылы құрылған және Қазақстан Республикасында әлемдік деңгейдегі зерттеу жоғары оқу орны ретінде қалыптасқан.

Nazarbayev University халықаралық академиялық стандарттарға сәйкес және академиялық еркіндік және инстутциялық автономия қағидалары бойынша жұмыс жасайды, 2018 жылы осы оқу орны төртінші түлектеріне өмірге жолдама берді.

Бүгінгі күні Nazarbayev University жеті мектеп жұмыс жасайды, олар халықаралық алдыңғы жоғары оқу орындарымен стратегиялық серіктестік аясында бакалавриат, магистратура және докторантура бағдарламалары бойынша білім алуды ұсынады.

Сонымен бірге университет құрамында National Laboratory Astana және Nazarbayev University Research and Innovation System басшылығымен ғылыми орталықтар, пилотты Технопарк және Nazarbayev University Инновациялық кластері құрамында басқа ұйымдар, сонымен бірге «University Medical Center» Корпоративті қордың төрт клиникасы жұмыс жасайды.

Nazarbayev University Қазақстанда зерттеу түріндегі жоғары білім беру ұйымдарының жаңа парадигмасын қалыптастыруға және халықаралық білімдік хаб, инновация және білім орталығы ретінде Астана қ. дамуына үлес қосуға ұмтылады.

Nazarbayev University қызметі алдыңғы зерттеу, инновациялы және технологиялық, индустриялық дайындыққа және жылдам өзгерістерге және интегрирленген жаһандық экономика талптарына жауап беретін өтпелі кезеңде қазақстандық білім жүйесін қолдауға бағытталған.

Кездесу барысында 4 курс студенттері тек ғана Nazarbayev University жүзеге асырылатын білімдік бағдарламалар жайлы ғана емес, сонымен бірге байқауға қатысуға арналған ережелер және қажетті құжаттар туралы мәліметтерді білді. Сонымен бірге студенттер өздерін қызықтырған сұрақтарға толық жауап алды.

ҚМИУ баспасөз қызметі

 

2018 жылы 17 қазан күні Қарағанды мемлекеттік индустриялық университетінің «Экономика және қаржы» кафедрасының оқытушысы Гүлнар Темірқызы Тұрғұмбаеваның ұйымдастыруымен “Атамекен” Ұлттық кәсіпкерлер палатасы және Теміртау қ. «Қазақстан Республиксында жеке кәсіпкерлікті дамытуға қолдау көрсету қауымдастығы» АҰ өкілдерінің қатысуымен кәсіпкерлік дағдыларды және кәсіпкерлік сананы дамытуға арналған оқыту семинары өткізілді.

Семинар шеңберінде Қазақстан Республиксындағы кәсіпкерлікті дамытудың жалпы мәселелері, оның ішінде, ЖК (жеке кәсіпкерлік) және ЖШС (Жауапкершілігі шектелген серіктестік) түріндегі кәсіпкерлерді тіркеу ерекшеліктері түсіндірілді, қазіргі кезде Қазақстанда өз ісін жаңадан бастап жатқан кәсіпкерлер алдында «Кәсіпкерліктің қандай түрін таңдаған тиімді: ЖК не ЖШС?» сұрағы туындайды.

Сонымен бірге жеңілдетілген тәртіптегі ЖК және ЖШС үшін салық төлемдерін төлеу ерекшеліктері де қарастырылды.

Кәсіпкердің жалдамалы еңбеккермен арақатынасы, еңбекақы, салық және басқада төлемдерге ерекше назар аударылды. Қазақстан Республикасындағы өз ісін жаңа бастап жатқан кәсіпкерлерге арналған мемлекеттік қолдау бойынша «Жалпы кәсіпкерлік» және «Бастау-бизнес» негізгі бағдарламалары жан-жақты талқыланды.

Семинар жұмысына университеттің оқытушылары және техникалық және экономикалық мамандықтардың соңғы курсының студенттері қатысты.

ҚМИУ баспасөз қызметі

 

 

 

 

 

Тәуелсіз Қазақстанның қалыптасуы 18 қазан күні атап өтілетін Рухани келісім күні мерекесімен тығыз байланысты.

Рухани келісім күні мерекесін атап өту аясында 2018 жылы 13 қазан күні ҚМИУ студенттері Айзат Жұмашев, Қонысбек Тажиков, Ақерке Нұрғалиева, Алихан Бедеров, Аружан Есболат, Мадина Есболова, Мадияр Сейлихан және Алнұра Нарбаева Қарағанды қ. «Болашақ» ЖМ Академиясында өткен Қарағанды облысының Діни істер жөніндегі басқармасы ұйымдастырған «Зайырлық – бейбітшілік іргетасы және қоғамдағы тұрақтылық» пікірталас сайысына қатысты.

Пікірталас сайысына 22 команда қатысты.

Осы пікірталас сайысының мақсаты қоғамдағы конфессиялық, этникааралықты келісім негізінде біздің мемлекетіміздің зайырлы қағидаларын нығайту тақырыбына қатысты қоғамдық пікірталасқа жастарды тарту және ақпараттандырумен қатар Қарағанды облысындағы терроризм және экстремизмге қарсы іс-қимылдармен таныстыру.

Сайыс ұйымдастырушылары пікірталас сайысына қатысушылардың алдына мемлекеттік зайырлы қағидаларды жүзеге асыру, белсенді азаматтық ұстанымдарды қалыптастыру және студент жастар арасында білім деңгейін арттыру міндеттерін қойды.

Сайыс үш таңдау раундарынан, жартылай финал және финал кезеңінен құралды.

Студенттер «Осы палата зайырлық терроризм және экстремизммен күресуге ықпал етеді деп санайды», «Бұл палата Отан алдындағы парыз – адам үшін ақтық парыз деп санайды» және т.б. тақырыптар бойынша пікір таластырды.

Қазылар рөлін студенттер орындады, ал Діни істер жөніндегі басқарма және «Зерттеу және конфессиялық арақатынастарды сараптау орталығы» КМБ мамандары бақылаушылар ретінде қатысты.

Раундтар жеңілпаздарын анықтау үшін шешім қабылдау кезінде мынадай: ұсынылған идеяны дәлелдеу, сенерлік, сөйлеу құрылымы, дәлелдеме, сөз сөйлеу тәсілі, ақиқаттылық, анықтылық, адалдық және құрмет межелері ескерілді.

Пікірталас сайысының соңында қатысушыларға диплом және сертификаттар тапсырылды, Рухани келісім мерекесі – бұл адамгершілікті пәктіктің және жаңа этикалық басымдылықтарды қалыптастыру күні, біздің айбынды және ақылды халқымыз қалыптастырған Отанымыздың жақсы дәстүрлерінің жалғасы.

Біздің ұлтымыздың рухани-мәдени дамуына ықпал ететін жаңа дәстүрлерді сақтаумен және қолдаумен, біз барлығымыз бірге жалпыазаматтық құндылықтарды қолдаймыз, сол арқылы бейбітшілік және қауіпсіздік территориясы ретінде жаңа мыңжылдықта Қазақстанның шексіз дамуына болашаққа жол ашамыз.

ҚМИУ баспасөз қызметі

2018 жылы 12 қазан күні Қарағанды мемлекеттік индустриялық университетінде «Теміртау мәдениет сарайы» бастауыш партия ұйымының есепті-сайлау жиналысы өткізілді.

«Нұр Отан» партиясының Теміртау қаласындағы филиалының «Теміртау мәдениет сарайы» бастауыш партия ұйымының қатарында 981 мүшесі бар және БПҰ құрамын: ҚМИУ, Мәдениет сарайы, «Вершина» ӨК, «ҚазЭнергоМаш» ЖШС, мүшелері көп (726 адам) ұйым университет ұжымы құрайды.

2017 жылы «Теміртау мәдениет сарайы» бастауыш партия ұйымы облыстық «Үздік БПҰ» байқауының жеңілпазы атанды, бұл күнделікті партиялық жұмыстың нәтижесі.

Жиналыс барысында келесі мәселелер талқыланды:

1. «Теміртау мәдениет сарайы» бастауыш партия ұйымының жұмысы жайлы.

2. Қазақстан Республикасының Президенті Н.Ә. Назарбаевтың “Қазақстандықтардың әл-ауқатын арттыру: кірістерді және өмір сүру сапасын жоғарлату” Қазақстан халқына арналған жолдауын талқылау.

3. «Теміртау мәдениет сарайы» бастауыш партия ұйымының бюросын сайлау.

4. «Нұр Отан» партиясының Теміртау қалалық филиалының қалалық есепті-сайлау конференциясына делегаттарды сайлау.

Жиналысты ҚМИУ ректоры Бахыт Ахатұлы Жаутіков ашты, барлық қатысушыларға бастауыш партия ұйымының 2018 жылы атқарылған жұмыстары жайлы, партия мүшелері қатысқан жобалар және акцияларға қатысуы және алдыңғы кезеңдегі негізгі міндеттер туралы баяндады.

Күн тәртібіндегі екінші мәселе бойынша Қазақстан Республикасының Президенті Н.Ә. Назарбаевтың “Қазақстандықтардың әл-ауқатын арттыру: кірістерді және өмір сүру сапасын жоғарлату” Қазақстан халқына арналған жолдауы талқыланды.

«Теміртау мәдениет сарайы» бастауыш партия ұйымының бюросын сайлау мәселесі бойынша ашық дауыс беру тәсілімен партия мүшелерімен келесі шешім қабылданды: «Теміртау мәдениет сарайы» бастауыш партия ұйымының төрағасы лауазымына қайтадан Б.А. Жаутіков, төраға орынбасары А.Р. Карипбаева және «Теміртау мәдениет сарайы» бастауыш партия ұйымының хатшысы болып Д.Ж. Ыбрай сайланды.

Төртінші мәселе бойынша БПҰ төрағасының орынбасары Айжан Рыскелдіқызы Карипбаева «Теміртау мәдениет сарайы» бастауыш партия ұйымының атынан «Нұр Отан» партиясының Теміртау қалалық филиалының қалалық есепті-сайлау конференциясына 30 делегатты сайлауды ұсынды.

Жалпы партиялық жиналыс мүшелері бір ауыздан «Теміртау мәдениет сарайы» бастауыш партия ұйымының жұмысына «қанағаттанарлық» деген баға берді. Партия мүшелерінің құрамының сапасын нығайтуға арналған

ұсыныстар, сонымен бірге өмірлік ұстанымы белсенді азаматтарды партия қатарына тартуға ерекше көңіл аударуға, қабылданған шешімдерді жұртшылықтың назарына жеткізуге шешім қабылданды.

Жиналыс соңында Бахыт Ахатұлы Жаутіков қатысушыларға белсенді және табысты жұмыстары үшін алғыс айтты және барлық партия мүшелеріне табыс тіледі.

ҚМИУ баспасөз қызметі