6 наурыз күні Қарағанды мемлекеттік индустриялық университетінде Халықаралық әйелдер күніне арналған сұлулық пен көктем мерекесі өтті. “ҚМИУ Аруы-2018” атағы үшін ЖОО, сондай-ақ ҚМИУ жанындағы техникалық-экономикалық колледжінің студенттері бақ сынасты.

Барлық студенттер сүйетін бұл байқау, бұрыннан дәстүрге айналды. Ол сұлулық пен шеберліктің байқауына қатысуға шешім қабылдаған сұлулардың жанкүйерлері мен жанкүйерлердің толық залын жинайды.

Байқауға күндізгі оқу бөлімінің бірінші-екінші курс студенттерінен отыздан астам өтінім қабылданды. ҚМИУ акт залының сахнасында өткен финалға жеті қатысушы өтті. Байқауды ұйымдастырушылар – ҚМИУ тәрбие ісі жөніндегі департаменті және ҚМИУ Жастар саясаты мен жастар ісі жөніндегі комитет атап өткендей, әрбір қатысушы университеттің бірінші сұлуы атағына лайықты.

Міне, енді өздерінің барлық таланттарын және өздерін ең тиімді жақтарынан үлкен аудиторияға көрсететін уақыт келді. Дәстүр бойынша қыздар үш конкурстық тапсырмадан өтті.

Байқауда сахнаға шыққан әр қатысушы өздерін слайд-презентациялармен немесе бейнероликтермен, хореография және шағын театрландырылған көрініс ұсынумен, ән орындаумен  таныстырды.

Ең қызықты шығармашылық байқау болды, онда студенттер өз өнерлерін көрсетті. Ал ең тамаша, әрине, кешкі көйлектерде шығу болды.

Бірінші курс студенті Земфира Атакулованың осындай іс-шараларға қатысу тәжірибесі бар – оның есебінде өзінің туған жері Өзбекстанда өткен сұлулық байқауы бар, ол сол жақтан Теміртауға оқуға келді.

– Маған бәсекелескен қатты ұнайды, мен жарқын байқауларды ұнатамын, – дейді Земфира. – ҚМИУ-ге түсерге дейін оқыған Академиялық лицейде, мен екінші орын алдым.

Ал байқаудың тағы бір қатысушысы – Алина Есхат – сұлулық байқауына алғаш рет қатысты.

– Менде бәрі қалыптасады деп және мен жеңемін деп үміттенемін. Дегенмен айта кету керек, барлық қарсыластар өте күшті. «ҚМИУ Аруы» қатысу – бұл керемет! Менің ойымша, студенттік өмірді- біздің өмірімізді жарқын ете түсетін дәл осындай оқиғаларымен қызықты! – дейді Алина.

«ҚМИУ аруы» байқауы ЖОО-да алғашқы жыл өткізіліп отырған жоқ. Ұйымдастырушылардың айтуы бойынша, қатысушыларда модельдік сыртқы келбет болуы міндетті емес.

– Бірінші орында – қыздардың эрудициясы, өздерін таныстыруы және өздерінің қабілеттерін аша білуі, – дейді Тәрбие ісі және жастар саясаты департаментінің директоры Мадина Салпенова.

ҚМИУ  әкімшілігі, профессор-оқытушылар құрамы мен іс-шараның серіктестерінің өкілдерінен тұратын қазылар алқасы әрбір конкурстық тапсырманы 10 баллдық жүйе бойынша бағалады. Барлығы ескерілді: сөйлеу мазмұны, сөйлеу мәдениеті, шешендік шеберлігі, сахна мәдениеті, өзіндік ерекшелігі мен орындау даралығы, шығармашылық қабілеттері, көркемдік мәнерлілігі, эмоционалдық көңіл-күйі.

Міне, көптен күткен және қызықты сәт – нәтижелерді хабарлау!

Байқаудың Бас жүлдесі және «ҚМИУ Аруы-2018» атағы ҚМИУ жанындағы техникалық-экономикалық колледжінің студенті Венера Базарбековаға берілді.

Бірінші вице-ару Земфира Атакулова

Шынайылық аруы – Мадина Есболова

Шығармашылық аруы – Айнагүл Ұзынбай

Наурыз аруы – Гүлжанар Орозхан

Дарын аруы – Еркежан Сарсенбай

Көктем аруы – Алина Есхат болды.

Барлық қатысушыларға университет басшылығынан және демеушілер атынан дипломдар мен естелік сыйлықтар табысталды.

«ҚМИУ Аруы-2018» Венера Базарбекова:

– ҚМИУ жанындағы техникалық-экономикалық колледжінде  экономист-бухгалтер мамандығы бойынша оқимын. Мен бұл мамандықты таңдадым, өйткені үнемі экономикаға қызығушылық таныттым. Болашақта «Қазақстан Халық банкі»  АҚ басқарма төрағасы Үміт Шаяхметова сияқты  және Қазақстан экономикасындағы өзгерістерге өз үлесімді қосып, ықпал еткім келеді. Байқауға дайындалу өте қиын болды, бірақ қызықты. Мұндай іс-шаралар көптеген қыздарға көпшілік алдында өздерінің қорқыныштарын жеңуге мүмкіндік береді. Бәсекелестік өте күшті болды, себебі барлық қатысушылар тыңғылықты дайындалды. Қарсыластарыммен жақсы қарым-қатынас қалыптасты, барлық қыздар өте мейірімді болды. Бірінші күні-ақ, біз достасып кеттік және бір-бірімізге көмек көрсеттік. «ҚМИУ Аруы-2018» байқауында мен өзімнің шығармашылық қабілеттерімді көрсете, өзімді сынап көргім келді. Бұл байқау мені мен сахнаға шыққан биді қалыптастыруға жетеледі. Бала кезімнен кәсіби биші болуды және үлкен сахнаға шығуды армандайтынмын. Бүгінгі таңда менің арманым белгілі бір деңгейде орындалды. Мүмкін, бәрі түсінбейді, бірақ мен үшін сахна – бұл жай ғана сөз емес, көп нәрсе.

ҚМИУ баспасөз қызметі

Төрт венгриялық жоғары оқу орындарымен ынтымақтастық туралы меморандумдарға қол қою – Қарағанды мемлекеттік индустриялық университетінің (Теміртау қ.) ректоры Б.А.Жәутіковтің Будапештте өткен венгер-қазақстандық ректорларының форумына белсенді қатысуының нәтижесі.

“Корвинус” университетінде өткен ректорлар форумын, білім беру технологиялары бойынша екі елдің диалог алаңы деп атауға болады. Бірлескен жобаларды әзірлеу саласындағы басым бағыттардың бірі сандық технологиялар, энергетика, көлік және логистика, спорт және туризм. Форумда жоғары оқу орындары арасындағы өзара түсіністік туралы, сондай-ақ Қазақстан Республикасы ЖОО ректорлары Кеңесі мен Венгрия ректорларының Қауымдастығы арасындағы меморандумдар мен келісімдерге қол қою рәсімі өтті.

Қарағанды мемлекеттік индустриялық университетінің ректоры Б.А.Жәутіков Венгрияның University of Pannonia ірі университетімен (Веспрем қ.), Будапешттің Eotvos Lorand University жетекші университетімен,  Еуропадағы ең ежелгі техникалық университеттердің бірі Budapest University of Technology and Economics университетімен,  сондай-ақ сол елдің жетекші жоғары оқу орындарының бірі –  University of Debrecen университетімен өзара түсіністік туралы меморандумдарға қол қойды.

– Паннония университеті өңірлік өндірістік серіктестермен және жергілікті билік органдарымен тығыз ынтымақтастықта жұмыс істейді. Аталған жоо Венгриядағы үздік оқу орындарының ондық қатарына тұрақты кіреді. Онда 14 мыңнан астам студенттер, оның ішінде жергілікті азаматтар да, шетелдіктер де оқытылады, олар кейіннен студенттер алмасу бойынша бағдарламаларына қатыса алады, – деді Бақыт Жәутіков. – Лоранд Этвеш атындағы университет тарихы төрт ғасырдан астам уақытқа созылған. Қазіргі заманауи атауы физикадан бүкіл әлемге белгілі – оның профессорлар бірінің атымен байланысты. Университет «Утрехтская сеть» Еуропалық университеттер Қауымдастығының құрамына кіреді және сегізінші жыл зерттеу мәртебесіне ие. Қазіргі уақытта университетте 1500-ден астам оқытушы жұмыс істейді және 30 мыңға жуық студенттер, соның ішінде шетелдік студенттер білім алуда. Лоранда Этвеш университеті жыл сайын шәкіртақы бағдарламаларының  бірнеше нұсқасын ұсынады,  онда шетелдік студенттерде қатыса алады.

Будапешт университетінде техникалық және экономикалық ғылымдарда мыңнан астам қызметкер жұмыс істейді және 24 мыңнан астам студенттер оқиды, оның үштен бір бөлігі Венгрияға шетелден келеді. Дебрецен университеті шамамен 32 мың студент қабылдайды, оның ішінде 2 мыңнан астам шетелден,  профессор-оқытушылар құрамы бір жарым мыңнан астам адамды құрайды.

Бақыт Жәутіков атап өткендей, екі елдің әртүрлі университеттерінің өкілдерімен қарым-қатынас жасау – ҚМИУ үшін өте маңызды. Венгриялық жоғары оқу орындарымен байланыс орнату білім беру үдерісіндегі барлық тараптар үшін жағымды өзгерістерге әкеледі.

Ынтымақтастықтың негізгі бағыттары мыналар болып табылады: оқыту үшін студенттермен, магистранттармен, PhD докторанттарымен алмасу, ғылыми зерттеулер, тағылымдамалар жүргізу; бірлескен курстар мен семинарлар өткізу, магистрлік, PhD-докторлық диссертацияларды  басқару; ЖОО жанынан профессорлық-оқытушылық құрамға, ғылыми қызметкерлерге, магистранттар мен PhD докторанттарға тағылымдама ұйымдастыру. Ғылыми-педагогикалық кадрларды даярлау мен біліктілігін арттыру сапасын жақсартуға; ғылыми зерттеулер негізінде жаңа оқулықтар әзірлеу мен жаңарту мақсатында оқу-әдістемелік әдебиеттерді бірлесіп дайындауға және шығаруға; ғылыми әдебиеттерді дайындау мен жариялауда  баспа қызметі бойынша бірлескен бағдарламаны әзірлеуге  назар аударылатын болады.

Магистранттар, PhD докторанттар даярлау деңгейін, сондай-ақ олардың диссертациялық жұмыстарын бағалау мәселелерінде сараптамалық, ғылыми – техникалық және диссертациялық кеңестердің өзара іс-қимылы қамтамасыз етілді және механизм әзірленетін болады; өзара қолайлы негізде тараптардың материалдық-техникалық базасын пайдалана отырып, басым бағыттар бойынша бірлескен ғылыми зерттеулерді жүзеге асыруға қатысу.

– Бұдан басқа, ынтымақтастықтың негізгі бағыттары – ғылыми зерттеулер нәтижелерін коммерцияландыру, білім және ғылым жүйесіндегі инновациялық белсенділікті арттыруды қамтамасыз ететін кадрларды даярлау мен қайта даярлау үшін жағдай жасау, – деді Б. А. Жәутіков, – ғылыми-тәжірибелік конференциялар мен семинарларды бірлесе ұйымдастыру, инновациялық технологиялар ғылым саласындағы халықаралық ынтымақтастық бағдарламаларын бірлесе әзірлеу мен қатысу, әлемдік ғылыми – білім беру және ақпараттық жүйелерге интеграциялау, халықаралық қорлар мен ұйымдардың конкурстарына қатысу үшін бірлескен ғылыми жобаларды әзірлеу, сондай-ақ қашықтықтан оқытуды ұйымдастыру және жүргізу.

ҚМИУ баспасөз қызметі

ҚМИУ оқытушылары мен студенттері, сондай-ақ бірнеше теміртаулық этномәдени бірлестіктердің өкілдері қуғын-сүргіннің ауыр жылдарында әртүрлі халықтарға қолдау көрсеткені үшін Қазақстан мен қазақ халқына алғыстарын білдірді.

2016 жылғы 14 қаңтарда ҚР Президенті Нұрсұлтан Назарбаев өз жарлығымен елімізде жаңа мейрам – Алғыс айту күнін бекітті, ол бұдан былай Қазақстан халқы Ассамблеясының құрылған күні 1 наурызда атап өтіледі. Алғыс айту күнін тойлау Мемлекет басшысымен Ассамблеяның құрылғанына 20 жыл толуына арналған оның мерейтойлық сессиясында ұсынылды. Алғыс айту күні – 130-дан астам ұлттар мен ұлыстар өмір сүретін елде бейбіт өмірге қажетті түсіністік пен келісім, достық мерекесі.

Өткен ғасырдың 30-шы жылдарында ұжымдастыру кезінде Қазақстанға 250 мыңға жуық жеке шаруа жер аударылған. Сталиндік режимде әр жылдарда бүтіндей бір халықтар жер аударылды: 800 мың немістер, 102 мың поляктар, 550 мың солтүстік Кавказдағы халық өкілдері және 100 мыңға жуық Қиыр Шығыстағы корей отбасылары.

Алғыс айту күні жалпы тарих, қазақтардың және барлық этникалық топтардың бір-біріне, қазақтарға қолдау көрсету арқылы бірлесе бастан кешкен қиындықтары туралы естелік негізінде, көпұлтты Қазақстанның бірлігін сақтау мен дамытуды бейнелейді. ҚМИУ-де өткен дөңгелек үстелдің басты идеясы – Қазақстанға жер аударылған  адамдардың тағдырын көрсету. Теміртау қ. әкімінің орынбасары Дәурен Есімхановтың құттықтау сөзі мен «ҚТ және ӘГП» кафедра меңгерушісі Оксана Гуменчуктың сөзінен кейін,  Қазақстанға көп жыл бұрын қоныстанған отбасы ҚМИУ студенттері Татьяна Силаева, Савелий Элефтериади, Ламара Султаева, Земфира Атакулова және Леонид Ким сөз сөйледі. Олар өз отбасыларының тарихын негізге ала отырып,  Қазақстанға әр түрлі халықтарды дүрбелеу туралы эмоцияларын жасырмастан, кейде тіпті көздеріне жас ала айтты.

– Алғыс айту күні– бұл, ең алдымен, Президенттің бейбітшілік пен келісім саясатының салтанат құрған күні, соның арқасында Қазақстанда бейбітшілік пен ынтымақ, біздің еліміздің халқымызға деген өзара сенім мен құрмет орнады, барлық қиын кезеңдерде бір-біріне арқа сүйе өмір сүрді», – дейді іс-шараның модераторы, «Қазақстан халқы Ассамблеясы» кафедрасының меңгерушісі, философия ғылымдарының кандидаты, профессор Татьяна Семенова. – Қысқа мерзім ішінде біздің Президентіміздің басшылығымен ортақ күш-жігерімізбен біз тәуелсіз, гүлденген Қазақстанды құрдық. Бұл – қуғын-сүргін мен дүрбелең жылдары біздің халқымыз жасаған сияқты, бір-біріне көмектесу, ашық жүрекпен бөлісуге дайын болу және рухани қайырымдылық дәстүрлері күні.

Іс-шараның соңында ҚМИУ фойесінде арнайы орнатылған ақ баннерге әр қатысушы алғыс сөздері мен туған Қазақстанына деген тілектерін жазды. Ал, содан кейін барлық қонақтар далаға шығып, көгілдір ашық аспанға сол түсті – бір шаңырақ астында тұратын халықтардың бейбітшілік пен өзара түсіністігінің символы әуе шарларын ұшырды.

ҚМИУ баспасөз қызметі

28 ақпанда бас ғимараттың бірінші қабатының дәлізінде көрме ұйымдастырған университет кітапханасының қызметкерлерінің күш-жігері бекер болған жоқ: оқу құралдарына қызығушылық танытқандар көп болды.

Жаңа оқулықтар көрмесінде 2017 жылы ҚМИУ баспаханасында шығарылған 50-ден астам әдебиет атаулары ұсынылды: оның ішінде 19 кітапшалар қазақ тілінде, 34 орыс тілінде жазылған.

Көрмеге келген көптеген оқытушылар мен студенттер жұмысқа қажетті кітапшалардың атауын жазып алды,  ал кейбіреулер қажетті әдебиеттерді кітапханадан бірден алды.

ҚМИУ баспасөз қызметі