Облыстық «Абай оқулары» байқауына қатысқан «ТМжЖ-15қ» тобының студенті Бейбіт Түлкібаев екінші орынды жеңіп алды.

Конкурсты ұйымдастырушылар – Қарағанды облысының тілдерді дамыту жөніндегі басқармасы. Осы іс-шара 17-29 жас арасындағы талантты жастарға қолдау көрсету, мемлекеттік тілді қолдану аумағын кеңейту және тіл мәдениетін арттыру мақсатында ұйымдастырылған.

Конкурстың бірінші кезеңінде Қазақстан жазушыларының прозалық шығармалары, екінші кезеңде – Мағжан Жұмабаевтің өлеңі оқылды. Бейбіт Түлкібаев отыздан астам өзінің қарсыластары жас актерлер және ақындар, колледж және жоо студенттерінен, мектеп оқушыларынан басым түсті және екінші орынды иеленді. ҚМИУ үшінші курс студенті грамота және 50 мың теңгемен марапатталды.

ҚМИУ ректоры Б.А.Жаутиков Б. Түлкібаевты күн сайынғы ректорат жиналысында құттықтады және жоо қалыптасқан дәстүр бойынша оны жеңілпаз ретінде ҚМИУ фирмалық белгісімен марапаттады.

Студентті конкурсқа дайындаған ЭКжБЖФ деканының орынбасары, «ҚОжШТ» кафедрасының аға оқытушысы Ж. К. Капашева.

ҚМИУ баспасөз қызметі

Жүгіру жарысы Қарағанды қ. 20 мамыр күні өткізілді және кеңауқымды жалпы халықтық сипатты мереке болды.

Тәуелсіздік алаңында жүгіру жарысына әртүрлі қашықтық бойынша көптеген қатысушылар қатысты, фитнес-орталықтардың нұсқаушылары жанкүйерлермен жаттығулар өткізді, жекпе-жек түрлері бойынша спорт мектебінің оқушылары өздерінің шеберліктерін көрсетті. Бұл тек ғана спорттық іс-шара ғана емес, сонымен бірге мәдени іс-шара болды, онда шығармашылық ұжымдар өздерінің өнерлерін паш етті.

Жарысты Қарағанды облысының әкімі Ерлан Кошанов ашты. Әрбір қатысушы өзіне қандай қашықтықта жүгіретінін таңдады, сонымен бірге бірнеше қашықтыққа жүгіру ұсынылды: «Спутник» – 7 км, «Достық» – 14 км, жартылай марафон «Арманға жол» – 21 км 97,5 м, «Балапан» (8-14 жастағы бабалар үшін) – 2 км.

«Арманға жол-2018» трассасы Халықаралық марафондар және жүгіру Қауымдастығының сертификатын алды. Жартылай марафонға қатысушыларды тіркеу qazrun.kz и flakar.kz сайтында жүзеге асырылды, қортындысы бойынша 5 000 астам қатысушы тіркелді. Жүгірушілер арасында – Қазақстанның барлық өңірлерінен, сонымен бірге Украина, Қырғызстан және Белоруссия елдерінің өкілдері де қатысты.

Жартылай марафонның бас жүлдесі жарты миллион теңге – ерлер арасында оны белоруссиялық кәсіби спортшы Владислав Прямов, трасса рекордты –  1 сағат 6 минутты орнатумен ұтып алды. Әйелдер   арасында халықаралық деңгейдегі спорт шебері Қырғызстанның өкілі Виктория Полюдина жеңілпаз атады.

– Тиімді еңбек қызметі және жемісті оқу, салауатты өмір салты бір-бірінен ажырамайтын ұғым. Біздің студенттерде спорттық іс-шараларға белсенді қатысады, олардың өмірлерінде спорт ерекше орын алады – дейді ҚМИУ денешынықтыру секциясының оқытушысы Раиса Колесникова. – Біздің студенттер жартылай марафонға белсене қатысты. Олардың көбі 7 км қашықтықты таңдады, ал Әділбек Кұрақбаев 14 км қашықтыққа жүгірді. Еркебұлан Сайлаубеков 21 км қашықтыққа жүгіруге қатысты, бұл қашықтықтарға жүгіруге кәсіби спортшылар қатысты, бірақта бұл үлкен жауапкершілік, олар кәсіби спортшылармен тең дәрежеде қашықтықты жүгіріп өтті.

Жарыс қортындысында барлық межеге жеткен қатысушыларға естілік сыйлықтар және сертификаттар тапсырылды. Қатысушылар үлкен әсер және жақсы көңіл күйге ие болды.

– Мен үшін спортпен жүйелі айналыспайтын адам ретінде 7 км қашықтыққа жүгіру үлкен еңбекті қажет етті. Марафонның өзі бір сынақ болды, енді спортпен жүйелі түрде айналысамын – дейді «МҚӨТ-17» тобының студенті Кирилл Малов. – Маған басқа қатысушылармен бәсекелестікке түсу қызық болды, енді келесі жылы өтетін марафонға тыңғылықты дайындаламын.

ҚМИУ баспасөз қызметі

Қарағанды мемлекеттік индустриялық университетінің кітапханасына 17 мамыр күні «Жаңа гуманитарлық білім. Қазақ тіліндегі 100 жаңа оқулықтар» бағдарламасының шеңберінде қазақ тіліне аударылған 1485 дана кітап жеткізілді.

Кітаптар Қазақстан Республикасының Білім және ғылым министрлігінің тапсырысы бойынша Ұлттық аударма бюросы» қоғамдық ұйымы аударған. Оқулықтар мемлекетік қоғамдық сананы жаңғырту бағдарламасы шеңберінде аударылған және басылған. «100 жаңа оқулықтар» жобасының жас ұрпаққа білім беру ісінде ақаратын рөлі маңызды.

– Жастар жоғары ғылыми стандарттарға сәйкес білім алулары керек – деп атап өтті ҚР Президенті Н.Назарбаев ағымды жылдың сәуір айында Астана қаласында өткен тұсаукесер шарасында. – Ғылыми таным – қазіргі кездегі ұлттың бәсекеге қабілеттілігінің негізгі шарты. Жаңа оқулықтар – бұл нағыз білім энциклопедиясы. Қазіргі таңда тек ғана білім әдістемесі ғана емес, сонымен бірге оның мазмұныда маңызды. Осыған байланысты «Рухани жаңғыру» бағдарламасы жалпыұлтты оқытуды бес жыл ішінде  жүзеге асыруға мүмкіндік береді. Әлемдік практикада осындай кешенді бағдарламаны жүзеге асыруға арналған мысалдар көп емес. Жаңа оқулықтар – бұл эксклюзивті гуманитарлық кітапхана. Ол үш форматта барлық адамдарға қолжетімді: әдеттегі қағаз түрінде, электронды онлайн-нұсқалар және үздік лекторлардың ашық дәрістерінің бейнежиынтығы форматында. Шетелде тұратын біздің жастар кітаптар латын графикасында басылып шыққан кезде оқуға мүмкіндік алады.

Қазақ тіліне аударылған кітаптар арасында – АҚШ, Ресей, Франция, Швейцария және Ұлыбритания елдерінің үздік интеллектуалды өнімдері. Аударма түпнұсқа тілден жасалған.

Аударылған және аударылып жатқан кітаптар тізімімен мына жерде танысуға болады: https://100kitap.kz/ru/books.

ҚМИУ баспасөз қызметі

16 мамыр күні Қарағанды индустриялық университетінде «Мемлекеттік қызмет істері жөніндегі органдарының қалыптасуының 20 жылдығына» атты бірыңғай ақпараттық сағат өткізілді.

ҚИУ тәрбие ісі және жастар саясаты департаментінің директоры М.М. Салпенова  және «Қазақстан тарихы және әлеуметті-гуманитарлық пәндер» кафедрасының оқытушысы  М. Солтан Қазақстан Республикасының 2015-2025 жылдарға арналған сыбайлас жемқорлыққа қарсы іс-қимыл Стратегиясы, «100 нақты қадам» Ұлттық жоспары және жалпы еліміздегі сыбайлас жемқорлыққа қарсы іс-қимыл бағытында атқарылып жатқан істер жайлы баяндады.

Тарих ғылымдарының кандидаты, профессор Т. Байгабатов студенттерге мемлекеттік қызмет істері және сыбайлас жемқорлыққа қарсы іс-қимылға қатысты заң талаптарын, сонымен бірге осы қызметтің қалыптасу және даму кезеңдерін жан-жақты түсіндірді.

Студенттер жүзеге асырылып жатқан  сыбайлас жемқорлыққа қарсы іс-қимылдар шараларының тиімділіктері, жүзеге асырылып жатқан іс-шаралардың маңыздылығы жайлы пікірлерін және ұсыныстарын ортаға салды. Қоғамдағы сыбайлас жемқорлықтың алдын алуға бағытталған іс-шараларды жақсартуға қатысты ұсыныстарын айтты.

ҚИУ баспасөз қызметі