«ЭНЕРГЕТИКА» КАФЕДРАСЫНЫҢ ОҚЫТУШЫСЫ «ҮЗДІК ПЕДАГОГ-2021» РЕСПУБЛИКАЛЫҚ БЕСІНШІ КӘСІБИ КОНКУРС ЖЕҢІМПАЗЫ АТАНДЫ

«Энергетика» кафедрасының оқытушысы Сауле Нуртазайқызы Қамарова «Сабақ әзірлемесі» номинациясы бойынша бесінші Республикалық «ҮЗДІК ПЕДАГОГ-2021» кәсіби конкурсының жүлдегері болды, ол «Көмірдің физикалық-химиялық қасиеттері» тақырыбына арналған дәрісін конкурсқа ұсынды.

Байқауды «PLANET Skills» халықаралық білім порталы ұйымдастырды, оның басты миссиясы – кәсіби құзыреттілікті дамыту, озық тәжірибелер мен кәсіби стандарттарды үйлестіру арқылы білім беделін арттыру.

Конкурсқа  барлық білім беру ұйымдарының (мектепке дейінгі білім беру ұйымдары, орта білім беру ұйымдары, техникалық және кәсіптік білім беру ұйымдары, жоғары оқу орындары және т.б.) мұғалімдері және оқытушылары қатысты.

Конкурс келесі номинациялар бойынша өтті:

• «Сабақ әзірлемесі»
• «Қоғамдық сабақ»
• «Сабаққа арналған презентация»
• «Білім берудегі АКТ»
• «Шеберлік сыныбы»
• «Сыныптан тыс жұмыстарды дамыту»
• «Мерекелер мен іс-шаралардың сценарийлері»
• «Әдістемелік әзірлемелер»
• «Терминологиялық сөздік»
• «Үйірме жұмысы»
• «Мұғалімдер портфолиосы»
• Еркін номинация.

СӘУЛЕ НҰРТАЗАҚЫЗЫН ҚҰТТЫҚТАЙМЫЗ, ЖАҢА ТАБЫС ТІЛЕЙМІЗ!

Қаңтардың 29 күні Тұңғыш Президенттің тарихи-мәдени орталығында Алаш ардақтысы Әлихан Бөкейханеовтың 155 жылдығына арналған

«… Қазаққа қызмет етпей қоймаймын» атты іс-шара өткізілді. Мақсаты-   Алаш көшбасшысы Әлихан Бөкейхановтың өмірі мен еңбек жолын таныстыру арқылы жастарды отансүйгіштікке, туған халқына адал қызмет етуге тәрбиелеу болып табылды. Шара барысында Қарағанды мемлекеттік индустриалық университетінің аға оқытушысы Мағира Солтанқызы   мен Әлихан Бөкейхан атындағы гимназияның тарих пәнінің мұғалімі  Ғалия Мүслимовалар  Алаш арысының  өнегелі өмір жолдары мен  қазағына еткен қызметтін ашып көрсететін     танымы мол, мағыналы баяндамалар жасады.  Шара барысында  Қасым Ботанов, Айтжан Исақов секілді  қаламыздың зиялы қауым өкілдері   Алаш арыстарының өмірі мен өнегелі жолы    ұлтына деген адалдық пен қызмет етуді жарқын үлгісі болатындығын,  осындай ұлағатты істі  ұрпақ жадында мәңгіге қалдыруымыз керек екендігін атап өтті. Соңында   Тұңғыш Президенттің тарихи-мәдени орталығы басшысының орынбасары  Гүлжан Социалқызы Кударинова шараның белсенді қатысушыларына  Алғыс хаттарын табыс етті.

Өткен аптада, 2021 жылдың 25-29 қаңтары аралығында Қарағанды индустриялық университетінің «Металлургия және материалтану», «Жасанды интеллект технологиялары», «Энергетика», «Технологиялық машиналар және көлік», «Экономика және бизнес», «Химиялық технология және экология». «Қазақстан тарихы, әлеуметтік-гуманитарлық пәндер», «Металлдарды қысыммен өңдеу» «Қазақ, орыс және шет тілдері» кафедралары  Қабылдау комиссиясымен бірге Теміртау қаласындағы №4, 9, 14, 15, 19, 21, 24, 31, 32, 14 орта мектептерінің  түлектеріне бірқатар онлайн экскурсиялар өткізді. Zoom платформасы онлайн экскурсияларды  өткізу үшін пайдаланылды.

Онлайн-экскурсиялар барысында Қарағанды индустриялық университетінің оқытушылары Теміртау қаласының мектеп түлектеріне білім беру бағдарламалары, университеттің материалдық-техникалық базасы туралы айтып берді.

«Металлургия және материалтану» кафедрасының меңгерушісі Алмас Сатыбалдыұлы Ержанов түлектерге кафедраның білім беру бағдарламалары бойынша студенттер, магистранттар, мен докторанттардың зертханалық, практикалық жұмыстар мен ғылыми зерттеулерге пайдаланатын жабдықтарын көрсетті.

Онлайн-экскурсиялар кезінде «Жасанды интеллект технологиясы» кафедрасының оқытушылары Светлана Васильевна Кан, Екатерина Владимировна Спичак, Анар Сергазыкызы 11-сынып оқушыларын жақында ашылған ҚарИУ жанындағы «Digital Technologies» құзыреттілік орталығымен, осы орталықта қолданылатын бағдарламалық жасақтамамен таныстырды.

«Металдарды қысыммен өңдеу» кафедрасының доценті Евгений Александрович Панин мектеп түлектеріне «Электрондық микроскопия және нанотехнология» инженерлік зертханасының жабдықтарын көрсетті.

«Технологиялық машиналар және көлік» кафедрасының меңгерушісі Қайрош Әбілұлы Ноғаев университет қонақтарына 3D-инженерлік зертхананы көрсетті.

«Энергетика» кафедрасының оқытушылары Гүлнара Ғазизқызы Жабалова, Ольга Николаевна Онищенко, Тоғжан Серікқызы Кенжебаева, қолданылатын электр, гидравликалық және пневматикалық автоматика стендтері, сонымен қатар «Кәсіпорын нысандарын энергиямен қамтамасыздандыру»,  «Кәсіпорындар ТКШ нысандарының жылуэнергетикасы» білім беру бағдарламаларында бакалаврларды дайындауда қолданылатын басқа зертханалық жабдықтар туралы айтып берді.

«Химиялық технология және экология» кафедрасының оқытушысы Толғанай Серікқызы Қаппарова студенттерді «Фармацевтикалық өндіріс технологиясы», «Органикалық заттардың химиялық технологиясы», «Өндірістік, экологиялық және өрт қауіпсіздігі», «Пайдалы қазбаларды байыту» білім беру бағдарламаларына дайындауда қолданылатын зертханалық жабдықтармен таныстырды.

Қабылдау комиссиясының өкілдері Вячеслав Александрович Кунаев, Ақжарқын Елемесқызы Ибраева ҚарИУ оқуға түсу ережелері, университетте оқудың артықшылықтары туралы айтты.

Онлайн режиміндегі кездесулер мектеп түлектері, олардың ата-аналары мен сынып жетекшілері арасында үлкен қызығушылық туғызды, олар экскурсиялардың ақпараттық мазмұны мен материалдың қызықты презентациясын атап өтті.

Сыбайлас жемқорлыққа қарсы іс-қимыл агенттігі онлайн-сабақтар арқылы жастар арасында адалдық қағидаттарын насихаттауды жалғастыруда.

Сонымен, белгілі ақын, қазіргі қазақ әдебиеті мен мәдениетінің көрнекті өкілі Қалқаман Сарин кезекті «Адалдық сағаты» акциясының қонағы болды.

Дәрісте «Дарын» және «Алтын қалам» мемлекеттік сыйлықтарының лауреаты, Қазақстан Жазушылар одағының мүшесі, көпшілікке кеңінен танымал әндер сөздерінің авторы өзінің өмірлік кредосы ұлы Абайдың «Еңбек етсең ерінбей, тояды қарның тіленбей», деген ұлағатты сөздері екенін атап өтті.

К.Сариннің пікірінше, патриотизм, Отанға деген сүйіспеншілік – құрметті тұлғаның басты көрсеткіштері. Ал патриот болу үшін әр азамат өзінің тарихын білуі керек, сонда ғана ол өз елімен, жерімен және ата-бабаларымен мақтанады.

К.Сарин үшін адалдықтың өмірлік мысалы – оның ата-анасы. Ол өзінің жетістіктерін олардың үлгілі өмір салтымен және тәрбиелеу принциптерімен тікелей байланыстырады.

«Болашақ – аналық ошақтың жылулығымен жылынып, әкесі отырғызған еменнің көлеңкесінде өскен ұрпақтың қолында», – деді К.Сарин.

Қорытындылай келе, ол әрбір жас қазақстандық өзінің ең жақсы тұлға болуға, жақсы әдеттерге бой алдыруға және айналасындағыларға мейірімді болуға ұмтылуы керек екенін атап өтті.

«Адалдық сағаты» науқанының басты мақсаты – адалдық идеологиясын насихаттау және белгілі тұлғалардың өмірі мен еңбек жолы арқылы жас ұрпаққа адалдық, әділеттілік, әдептілік және сенім сияқты маңызды адамгершілік құндылықтарды сіңіру.

Бейне-дәріске сілтеме:

Бүгінде біздің университет техникалық және экономикалық ғылымдар бакалаврлары мен магистрлерін шығарды.

Кез-келген университет үшін ерекше мақтаныш оның түлектері. Қарағанды индустриялық университетінде мақтанатын адам бар! Біздің университеттің 55 жылдық тарихында 20 мыңнан астам білікті мамандар даярланды. Университеттің профессорлы-оқытушылар құрамы мен студенттері біздің университет түлектерінің арасында Қазақстан Республикасының Тұңғыш Президенті, Ұлт Көшбасшысы Нұрсұлтан Әбішұлы Назарбаевтың болғанын ерекше мақтан тұтады. Университет түлектері талантты инженерлер, ғалымдар, табысты кәсіпкерлер, ірі кәсіпорындар мен ұйымдардың жетекшілері, мемлекеттік және саяси қайраткерлерге айналады. Біздің университеттің барлық түлектеріне Қарағанды облысының және Қазақстан Республикасының өнеркәсіптік алпауыттарының ең беделді кәсіпорындарына жұмысқа орналасуға көмек көрсетіледі. Түлектердің жылдық жұмыспен қамтылу деңгейі 95% асады.

Өз түлектерінің көз алдында отандық университет әрдайым үздік болатындығын және әсіресе біздің түлектеріміздің Қарағанды индустриялық университетін білім беру шеңберінде оқуды жалғастыру үшін магистратура және докторантура бағдарламалары бойынша басымдық беретін жоғары оқу орны ретінде таңдағанын түсіну жағымды.

Бүгінгі таңда Қарағанды индустриялық университеті – Қазақстан Республикасының индустриялық дамуының басым бағыттары бойынша инженерлік-технологиялық, құрылыс және бизнес, инновациялар мен зерттеулерге мамандандырылған жоғары білікті кадрларды даярлауға арналған жетекші жоғары оқу орындарының бірі.

«ҚарИУ таңдай отырып, сіз осы жерде лайықты білім алатындығыңызға толық сенімді бола аласыз», – деді «Мансап» орталығының басшысы Талғат Қымбатұлы Ақышев, ол биыл ҚарМУ экономика мамандығы бойынша магистратураны бітірді.

«Қарағанды индустриялық университетінде өзін-өзі тану мен өзін-өзі дамытудың көптеген мүмкіндіктері бар. Кафедраларда оқытушылар құрамы өте мықты! Мен бұл адамдардың өз пәндерін жетік білетініне сенімдімін! Олар сізге көп нәрсені үйрете алады! « – деді «Компьютерлер және бағдарламалық қамтамасыз ету» білім беру бағдарламасы бойынша бакалавр дәрежесін алған ақпараттық технологияларды қолдау секторының бағдарламашысы Роза Жұмабайқызы.

«Қарағанды индустриялық университеті студенттерге екі дипломды білім алуға, сондай-ақ «Академиялық ұтқырлық» бағдарламалары бойынша Еуропаның жетекші университеттерінде оқуға ерекше мүмкіндік береді. Біздің университетті таңдай отырып, сіз дұрыс университетті таңдайсыз!», – деп ҚарИУ«Құрылыс» білім беру бағдарламасы бойынша білім алған  техника ғылымдарының магистрі Әділ Базаров өзінің пікірімен бөлісті.

Біздің түлектерге толағай табыстар тілейміз!

ҚарИУ баспасөз қызметі