Жадынама мінез-құлық ережелері туралы террористік қауіптіліктің туындауы

Терроризмге қарсы оқу-жаттығулар.Қауіпсіздік техникасы және өрт қауіпсіздігі.

2021 жылғы 6 қазанда Қарағанды индустриялық университетінде «Терроризмге қарсы оқу-жаттығулар. Қауіпсіздік техникасы және өрт қауіпсіздігі» тақырыбында онлайн семинар өтті.

 Семинарды ұйымдастырушылар:

Университет аппаратының басшысы – Әбілдаев Нұржан Дауренбекұлы, ТБ, АҚ және ТЖ инженері – Ердаулетова Алтынай Тойжанқызы. Онлайн-семинардың тыңдаушылары студенттер мен профессор-оқытушылар құрамы болды.

Іс-шараның мақсаты террористік іс-әрекетке, өрт қауіпсіздігіне қарсы іс-қимыл, қауіпсіздік техникасын сақтау, бойынша алдын алу жұмыстарын жариялау болды. Кездесу шеңберінде білім беру ұйымының терроризмге қарсы қорғалуын қалай қамтамасыз ету, осындай жағдайларда қалай әрекет ету керектігі туралы қадамдық нұсқаулық туралы тақырыптық бейнероликтер көрсетілді. Сондай-ақ, іс-шараға қатысушыларға антитеррор, өрт қауіпсіздігі және қауіпсіздік техникасы бойынша алдын алу буклеттері, жадынамалар жіберілді.

Белгіленген тақырып өзекті және маңызды деп анықталды, сондықтан семинар теориялық және ағартушылық сипатта болды.