Студент жастардың бойында патриоттық құндылықтарды, адалдықты, парасаттылықты және ізгілікті қалыптастыру және нығайту мақсатында 2019 жылы 2 қыркүйекте Қарағанды индустриялық университетінде «Адалдық сағаты» атты бірыңғай сағат өткізілді.

Спикерлер аудиторияға Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын, «100 нақты қадам» Ұлттық Жоспарын және жалпы елдің сыбайлас жемқорлықты болдырмауға бағытталған жалпы саясатын жүзеге асыру бойынша негізгі ақпаратты жеткізді, сондай-ақ студенттерге сыбайлас жемқорлыққа қарсы іс-қимыл және мемлекеттік қызмет туралы заңнаманың негізгі ережелерін, олардың қалыптасуы мен дамуының негізгі кезеңдерін ашты.

Қарағанды индустриялық университетінің студенттері ҚИУ-де сыбайлас жемқорлыққа қарсы күрес бойынша қабылданған шаралардың тиімділігі туралы бірауыздан пікір білдіріп, сыбайлас жемқорлық көріністерінің алдын алу бойынша өткізілген іс-шаралардың маңыздылығын атап өтті және қоғамда сыбайлас жемқорлық қылмыстарының алдын алуға бағытталған өткізілетін іс-шараларды жақсарту бойынша ұсыныстар айтылды.

ҚИУ баспасөз қызметі