Тұңғыш Президенттің тарихи-мәдени орталығында күн мен түн теңелетін сәт – Ұлыстың ұлы күніне орай 14-15 наурыз күндері колледж және ҚМИУ оқушыларының арасында «Ұлы даланың – ұлттық ойындары» атты танымдық-тәрбиелік квест-ойыны өтті. Аталмыш шара Елбасы Н.Ә. Назарбаевтың Жолдауында көрсетілгендей Рухани Жаңғыру бағдарламасы аясында «Жастар жылына» орай өткен іс-шаралардың қатарына жатады.

Мемлекет басшысының «Ұлы даланың жеті қыры» мақаласында ерекше мән берілген тарихи сананы жаңғырту – жас ұрпақ үшін ең алдымен өз болмысын, өз тегін танудан басталады. Салт-пен дәстүрді ұлықтау арқылы ғана ұрпақ өткенге терең бойламақ. Осы мақстақа орай ұйымдастырылған квест-ойын бағдарламасына Теміртау қаласындағы 6 колледжден және ҚМИУ-тен 150 ден астам студент қатысты. Халқымыздың көнеден келе жатқан ұлттық ойындарына қатысты арнайы дайындалған бейнебаян көрсетіліп, жастар тарихи-танымдық сұрақтарға жауап берді. Мақал-мәтелдер сайысына түсіп, ұлттық ойынның түрлерін ойнаған қатысушылар салт-дәстүрге қатысты өз білімдерін дәлелдей білді.

Іс-шараның соңында квест-ойынында белсендік танытқан студенттерге Оратлықтың «Алғыс хаттары» мен сыйлықтары табыс етілді.

ҚМИУ баспасөз қызметі

 

 

 

---

Просмотров: 673