25 қаңтарда Қарағанды индустриялық университетінде 2020-2021 оқу жылының көктемгі оқу семестрі басталды. Студенттер үшін оқу үдерісі аралас форматта ұйымдастырылған, дәрістер онлайн режимінде, семинарлар, қолданбалы сипаттағы зертханалық және практикалық сабақтар – дәстүрлі түрде барлық санитарлық нормаларға сәйкес 15 адамнан аспайтын шағын топтарда өткізіледі. Экономикалық мамандықтар студенттері үшін «Есептеу технологиясы және бағдарламалық қамтамасыз ету», «Бағдарламалық жасақтама» мамандықтары бойынша оқыту қашықтықтан өтеді.

Университетте студенттерге дәстүрлі (оффлайн) форматта сабақ беру үшін барлық жағдайлар жасалған: қатаң санитарлық-эпидемиологиялық режим орнатылған, әлеуметтік арақашықтық келесі партада отырғандар арасында кемінде екі метр, зертханаларда 5 метр бір студентке арналған.

Екінші оқу семестрінің басында университеттің барлық жатақханалары барлық санитарлық нормаларға және студенттерге қажетті тұрмыстық жағдайларға сәйкес 100% дайындалған. Жастар комитетінің төрағасы Анастасия Эпанешникова атап өткендей: «Жастар ісі жөніндегі комитет мүшелері студенттерді қабылдауға арналған оқу ғимараттары мен жатақханалардың дайындығын қадағалады. Біз жатақханалардағы бөлмелердің, жуынатын бөлмелердің және душ бөлмелерінің жағдайын тексердік, біз анықтаған кемшіліктер уақытында жойылды».

Тағы бір жағымды тосын сый – бұл барлық курстың студенттері үшін уақытында алынған стипендиялардың толық мөлшері. «Біз стипендияны қаңтар айында толық көлемде және уақытында алдық, сол үшін сізге алғыс білдіргіміз келеді. Алдымызда жақсы көңіл-күймен бастаған оқу семестрі тұр. Қашықтан оқыту кезінде бәріміз университетті, студенттік өмірді сағындық, көптеген қызықты іс-шаралар жоспарланған», – деп ФӨТ-19к тобының старостасы Навруза Хаитова өз пікірімен бөлісті.

ҚарИУ баспасөз қызметі

«ЭНЕРГЕТИКА» КАФЕДРАСЫНЫҢ ОҚЫТУШЫСЫ «ҮЗДІК ПЕДАГОГ-2021» РЕСПУБЛИКАЛЫҚ БЕСІНШІ КӘСІБИ КОНКУРС ЖЕҢІМПАЗЫ АТАНДЫ

«Энергетика» кафедрасының оқытушысы Сауле Нуртазайқызы Қамарова «Сабақ әзірлемесі» номинациясы бойынша бесінші Республикалық «ҮЗДІК ПЕДАГОГ-2021» кәсіби конкурсының жүлдегері болды, ол «Көмірдің физикалық-химиялық қасиеттері» тақырыбына арналған дәрісін конкурсқа ұсынды.

Байқауды «PLANET Skills» халықаралық білім порталы ұйымдастырды, оның басты миссиясы – кәсіби құзыреттілікті дамыту, озық тәжірибелер мен кәсіби стандарттарды үйлестіру арқылы білім беделін арттыру.

Конкурсқа  барлық білім беру ұйымдарының (мектепке дейінгі білім беру ұйымдары, орта білім беру ұйымдары, техникалық және кәсіптік білім беру ұйымдары, жоғары оқу орындары және т.б.) мұғалімдері және оқытушылары қатысты.

Конкурс келесі номинациялар бойынша өтті:

• «Сабақ әзірлемесі»
• «Қоғамдық сабақ»
• «Сабаққа арналған презентация»
• «Білім берудегі АКТ»
• «Шеберлік сыныбы»
• «Сыныптан тыс жұмыстарды дамыту»
• «Мерекелер мен іс-шаралардың сценарийлері»
• «Әдістемелік әзірлемелер»
• «Терминологиялық сөздік»
• «Үйірме жұмысы»
• «Мұғалімдер портфолиосы»
• Еркін номинация.

СӘУЛЕ НҰРТАЗАҚЫЗЫН ҚҰТТЫҚТАЙМЫЗ, ЖАҢА ТАБЫС ТІЛЕЙМІЗ!

Қаңтардың 29 күні Тұңғыш Президенттің тарихи-мәдени орталығында Алаш ардақтысы Әлихан Бөкейханеовтың 155 жылдығына арналған

«… Қазаққа қызмет етпей қоймаймын» атты іс-шара өткізілді. Мақсаты-   Алаш көшбасшысы Әлихан Бөкейхановтың өмірі мен еңбек жолын таныстыру арқылы жастарды отансүйгіштікке, туған халқына адал қызмет етуге тәрбиелеу болып табылды. Шара барысында Қарағанды мемлекеттік индустриалық университетінің аға оқытушысы Мағира Солтанқызы   мен Әлихан Бөкейхан атындағы гимназияның тарих пәнінің мұғалімі  Ғалия Мүслимовалар  Алаш арысының  өнегелі өмір жолдары мен  қазағына еткен қызметтін ашып көрсететін     танымы мол, мағыналы баяндамалар жасады.  Шара барысында  Қасым Ботанов, Айтжан Исақов секілді  қаламыздың зиялы қауым өкілдері   Алаш арыстарының өмірі мен өнегелі жолы    ұлтына деген адалдық пен қызмет етуді жарқын үлгісі болатындығын,  осындай ұлағатты істі  ұрпақ жадында мәңгіге қалдыруымыз керек екендігін атап өтті. Соңында   Тұңғыш Президенттің тарихи-мәдени орталығы басшысының орынбасары  Гүлжан Социалқызы Кударинова шараның белсенді қатысушыларына  Алғыс хаттарын табыс етті.

Өткен аптада, 2021 жылдың 25-29 қаңтары аралығында Қарағанды индустриялық университетінің «Металлургия және материалтану», «Жасанды интеллект технологиялары», «Энергетика», «Технологиялық машиналар және көлік», «Экономика және бизнес», «Химиялық технология және экология». «Қазақстан тарихы, әлеуметтік-гуманитарлық пәндер», «Металлдарды қысыммен өңдеу» «Қазақ, орыс және шет тілдері» кафедралары  Қабылдау комиссиясымен бірге Теміртау қаласындағы №4, 9, 14, 15, 19, 21, 24, 31, 32, 14 орта мектептерінің  түлектеріне бірқатар онлайн экскурсиялар өткізді. Zoom платформасы онлайн экскурсияларды  өткізу үшін пайдаланылды.

Онлайн-экскурсиялар барысында Қарағанды индустриялық университетінің оқытушылары Теміртау қаласының мектеп түлектеріне білім беру бағдарламалары, университеттің материалдық-техникалық базасы туралы айтып берді.

«Металлургия және материалтану» кафедрасының меңгерушісі Алмас Сатыбалдыұлы Ержанов түлектерге кафедраның білім беру бағдарламалары бойынша студенттер, магистранттар, мен докторанттардың зертханалық, практикалық жұмыстар мен ғылыми зерттеулерге пайдаланатын жабдықтарын көрсетті.

Онлайн-экскурсиялар кезінде «Жасанды интеллект технологиясы» кафедрасының оқытушылары Светлана Васильевна Кан, Екатерина Владимировна Спичак, Анар Сергазыкызы 11-сынып оқушыларын жақында ашылған ҚарИУ жанындағы «Digital Technologies» құзыреттілік орталығымен, осы орталықта қолданылатын бағдарламалық жасақтамамен таныстырды.

«Металдарды қысыммен өңдеу» кафедрасының доценті Евгений Александрович Панин мектеп түлектеріне «Электрондық микроскопия және нанотехнология» инженерлік зертханасының жабдықтарын көрсетті.

«Технологиялық машиналар және көлік» кафедрасының меңгерушісі Қайрош Әбілұлы Ноғаев университет қонақтарына 3D-инженерлік зертхананы көрсетті.

«Энергетика» кафедрасының оқытушылары Гүлнара Ғазизқызы Жабалова, Ольга Николаевна Онищенко, Тоғжан Серікқызы Кенжебаева, қолданылатын электр, гидравликалық және пневматикалық автоматика стендтері, сонымен қатар «Кәсіпорын нысандарын энергиямен қамтамасыздандыру»,  «Кәсіпорындар ТКШ нысандарының жылуэнергетикасы» білім беру бағдарламаларында бакалаврларды дайындауда қолданылатын басқа зертханалық жабдықтар туралы айтып берді.

«Химиялық технология және экология» кафедрасының оқытушысы Толғанай Серікқызы Қаппарова студенттерді «Фармацевтикалық өндіріс технологиясы», «Органикалық заттардың химиялық технологиясы», «Өндірістік, экологиялық және өрт қауіпсіздігі», «Пайдалы қазбаларды байыту» білім беру бағдарламаларына дайындауда қолданылатын зертханалық жабдықтармен таныстырды.

Қабылдау комиссиясының өкілдері Вячеслав Александрович Кунаев, Ақжарқын Елемесқызы Ибраева ҚарИУ оқуға түсу ережелері, университетте оқудың артықшылықтары туралы айтты.

Онлайн режиміндегі кездесулер мектеп түлектері, олардың ата-аналары мен сынып жетекшілері арасында үлкен қызығушылық туғызды, олар экскурсиялардың ақпараттық мазмұны мен материалдың қызықты презентациясын атап өтті.