Сіздерді «Біздің көңілді студенттік өмір» бейнебаяндар байқауына белсенді қатысуға шақырамыз.

Байқауға қатысушылар сертификаттар және сыйлықтармен марапатталады.

Байқауға көлемі 2 минутқа дейінгі бейнебаяндар қабылданады, бейнебаян студенттік өмір шындығын бейнелеуі керек (сабақ, жатақхана, демалыс және т.б.).

Бейнебаяндардың авторларының: аты-жөні, тобы және ұялы телефон көрсетілуі керек.

Үздік видеолар әлеуметтік желілердегі аккаунттарда және университетіміздің ресми сайтында орналастырылады.

Материалдарды ninulichik@mail.ru  электрондық поштасына жіберіңіз немесе H-200 бөлмесіне тапсырыңыз. Бейнебаяндар 2021 жылдың 26 наурызына дейін қабылданады.

10 наурызда ҚарИУ Ғылыми Кеңесінің отырысында Қазақстан Республикасы Білім және ғылым вице-министрі Мирас Мұхтарұлы Дауленов жаңа Басқарма төрағасы м.а. – ректор Болатбек Серікбайұлы Абдрасиловпен таныстырды.

Мирас Мұхтарұлы жаңа ректордың басқару жұмысындағы үлкен тәжірибесін, оның жоғары білім беру жүйесін дамытуға қосқан үлесін атап өтті, Ғылыми Кеңес мүшелерін Болатбек Серікбайұлының өмірбаянымен таныстырды. Соңында вице-министр университет ұжымы алдына қойылған міндеттерді жүзеге асыруда сәттілік тіледі.

Болатбек Серікбайұлы Абдрасилов 1958 жылы 15 шілдеде Қызылорда қаласында дүниеге келген. 1979 жылы «Физика пәнінің мұғалімі» мамандығы бойынша Н.В.Гоголь атындағы Қызылорда педагогикалық институтын бітірген, физика-математика ғылымдарының кандидаты, биология ғылымдарының докторы, Қазақстан Ұлттық Жаратылыстану Академиясының академигі, ҚР Ұлттық Ғылым Академиясының Құрметті академигі. Мәскеу Ақпараттандыру Академиясының академигі, ҚР Жоғары білім Академиясының академигі.

Б.С. Абдрасилов 35 жыл бойы жоғары білім мен ғылым саласында жемісті еңбек етіп келеді. «Құрмет» орденінің кавалері (2005), «Қазақстан Республикасы білім беру ісінің үздігі» төсбелгісінің иегері. Ресей, Австралия, Голландия, Оңтүстік Корея, АҚШ беделді ғылыми журналдарда 60 астам жарияланымдары жарияланған. Ол Қазақстан Республикасында білім беруді дамытудың 2005-2010 жылдарға арналған мемлекеттік бағдарламасын әзірлеушілерінің бірі.

Болатбек Серікбайұлы өзінің еңбек жолын Н.В. Гоголь атындағы Қызылорда педагогикалық институтында оқытушы, стажер-зерттеуші болып бастаған, КСРО Ғылым академиясының Биологиялық физика институтында аспирантурасын аяқтаған. Әр жылдары ол, аға оқытушы, доцент, декан, Н.В.Гоголь атындағы Қызылорда педагогикалық институтының проректоры, бірінші проректоры, Қорқыт Ата атындағы Қызылорда мемлекеттік университетінің ректоры болып еңбек еткен.

Қазақстан Республикасы Мемлекеттік қызмет істері агенттігінің Ақпараттық-тестілеу орталығының директоры қызметін атқарған. Білім және ғылым министрлігінің Жоғары және орта кәсіптік білім беру департаментінің директоры, Қазақстан Республикасы Білім және ғылым министрлігінің Білім және ғылым саласындағы қадағалау және сертификаттау комитетінің төрағасы болған.

2010 жылдың 23 қыркүйегінен бастап 2012 жылдың ақпанына дейін Қазақстан Республикасы Білім және ғылым министрлігінің Жауапты хатшысы. 2012 жылдың ақпанынан 2016 жылдың шілдесіне дейін Қазақстан Республикасы Президентінің жанындағы Мемлекеттік басқару академиясының ректоры. 2016-2017 жылдары Қазақстан Республикасы Президенті Әкімшілігінің Мемлекеттік қызмет және кадр саясаты секторының меңгерушісі болды.

2017 жылдан 2018 жылға дейін Қазақстан Республикасы Білім және ғылым министрлігі Ғылым комитетінің төрағасы болып жұмыс істеді.

Соңғы жұмыс орны – Х.А.Ясауи атындағы Халықаралық қазақ – түрік университетінің президенті.

Қарағанды индустриялық университетінің студенттері кішкентай жерлесімізге көмек ретінде «Айыма көмектес» қайырымдылық акциясын өткізді. Айым бірнеше жылдан бері қорқынышты «Рак» ауруымен күресіп келеді. Осы уақытта қыз бала емделіп жатыр және отбасы ақшаға мұқтаж. Біздің университеттің студенттері акция ұйымдастырып, жиналған қаражатты қыз баланың есепшотына аударды. Жерлесімізге тезірек сауығып кетуіне тілектеспіз. Акцияға қатысушылар атап өткендей: «Біз жарқын Наурыз мейрамы қарсаңында біз оған мұқтаж балаларға мейірімділіктің бір бөлігін бергіміз келді. Біз барлық Теміртау қаласының тұрғындарының біздің акциямызға қосылып, Айымға ауруды жеңуіне көмектесуін қалаймыз».

Чемпионат 2021 жылдың 4 және 5 наурызында университетіміздің спорт алаңдарында үш пән бойынша өтті:

– секіргішпен секіру;

– құрсауды айналдыру;

– орнында секіру.

Байқауға 67 қыз қатысты.

Чемпионат қорытындысы бойынша орындар келесідей бөлінді:

– секіргішпен секіру бойынша:

1 орын – Төлеген Ақерке

2 орын – Сая Каратаева

3 орын – Әбсатар Аружан

– құрсауды айналдыру:

1 орын – Бауыржанқызы Эльвира

2 орын – Амангелді Сандуғаш

3 орын – Ибраева Амина және Хаитова Навруза

– орында секіру бойынша:

1 орын – Әріпбай Асылзат

2 орын – Тасибек Меруерт

3 орын – Абылкаирова Наргиза

Үш жаттығудың қорытындысы бойынша жеңімпаздар:

1 орын – Төлеген Ақерке

2 орын – Сая Каратаева

3 орын – Амангелді Сандуғаш

Жарыстар достық атмосферада өтті. Жеңімпаздар дипломдармен марапатталды.

Студент жастар, алға жаңа рекордтарға!

«Нұр Отан» партиясының аға ұрпақ өкілдерін қолдау жөніндегі бастамалық жобалары аясында 2021 жылдың ақпанында Қарағанды индустриялық университетінде «Күміс университеті» пилоттық жобасы іске қосылды. Жалпы, жоба басталғаннан бері 27 адам Күміс университетінде оқуға ниет білдірді. Жоба қатысушыларын «Компьютерлік сауаттылық» және «Кәсіпкерлік мектебі» сияқты бағыттар қатты қызықтырды. Сондай-ақ зейнет жасындағы теміртаулықтар өздерінің қызығушылықтарына сәйкес түрлі бағдарламалар бойынша білім алу мүмкіндігіне ие болды.

ҚарИУ Стратегиялық жоспарлау жөніндегі проректоры Галина Александровна Сивякова «Күміс университеті» түлектерін оқудың аяқталуымен құттықтады. Түлектер өздерінің сүйікті курстарын аяқтағанына қатты өкінетіндіктерін білдіріп, қайта оқуға ниет білдірді.

«Күміс» университеттің алғашқы тобының жұмысын қорытындылай келе, талғампаз жастағы студенттеріміздің бұл бастамаға деген ынта-жігерін, дамуға және жаңа нәрсе үйренуге деген ұмтылысын атап өту керек. Біз түлектерімізді жаңа сыныптарда кездесуге күтеміз және оқуға ешқашан кеш емес екенін білеміз!

Еске салайық, «Күміс Университет» жобасы аясында компьютерлік сауаттылық курстарынан басқа қаржылық сауаттылық, кәсіпкерлік мектебі, шахмат клубы сияқты топтар жұмыс жасайды.