Құрметті талапкерлер! Сіздерді Қарағанды мемлекеттік индустриялық университетінде тегін білім алу үшін ҚМИУ Ғылыми Кеңесінің грантын алуға арналған «Менің қаламның тарихы» мультимедиялық байқауына және «Мен мамандықты таңдаумен – тағдырымды таңдаймын» эссе байқауына қатысуға шақырамыз! Барлық мәліметтерді Конкурс туралы ережеден білуге болады.

«Менің қаламның тарихы» мультимедиялық байқауының ережелеріне сілтеме

«Мен мамандықты таңдаумын – тағдырымды таңдаймын» эссе байқауының ережесіне сілтеме

Қарағанды мемлекеттік индустриялық университетінің ректоры Б.Жәутіков, жаңа жағдайда ҰБТ-2020 өткізуге университеттің толық дайын екендігін БАҚ өкілдеріне көрсету үшін кездесу ұйымдастырды.

Биыл ҰБТ-2020 Ұлттық бірыңғай тестілеу ережелеріне енгізілген бірқатар жаңалықтармен өткізіледі:

ҰБТ қатысу үшін құжаттарды онлайн тәртібінде  қабылдау және кіру кезінде тұлғаны тану (Face ID) көмегімен сәйкестендіріледі;

– ҰБТ электрондық куәлігі және білім грантын тағайындау туралы электрондық куәлік енгізілді;

– SAT, AST және IB халықаралық стандартталған тестілерінің баллдарын ҰБТ баллы  шкаласына енгізу іске асырылады. Осындай сертификаттары бар тұлғалар ҰБТ босатылады және білім беру грантын тағайындау конкурсына қатыса алады;

– академиялық кезеңнің соңына дейін қабылданған, ҰБТ шекті баллын жинамаған түлектер жыл бойы ҰБТ тапсыруға мүмкіндігі бар;

– педагогикалық мамандықтарға қатысты үміткерлер үшін ҰБТ шекті балы 70 баллға көбейтілді;

– ҰБТ бейне жазбасына сараптама жасау нәтижесінде қолдануға тыйым салынған заттар табылған жағдайда  ҰБТ нәтижелері және берілген білімдік грант сертификатының күші жойылады.

Сондай-ақ, талапкерлерге тест тапсыру  орындарында калькуляторлар беріледі және тестілеу уақыты 3 сағат 50 минуттан 4 сағатқа өзгертілді. Сонымен қатар, ата-аналарға және басқа да еріп жүретін адамдарға балаларды ҰБТ өтетін жерлерде күтуге тыйым салынады.

Болашақ үміткерлердің ата-аналары үшін ҰБТ үлгерімін тексеру үшін онлайн трансляция өткізіледі.

Коронавирустық инфекцияның пандемиясына және оның алдын алуға жағдайдың жоғарылауына байланысты, ҚМИУ ҰБТ алаңы санитарлық қауіпсіздік талаптарына сәйкес міндетті түрде баррикадалық таспалармен қоршалады. ҰБТ өткізілетін орынға кіру тәртібі бойынша талапкерлердің арасындағы арақашықтық 2 метр болуы қамтамасыз етіледі, көрсетілген қашықтық ҰБТ кезінде сақталады. Біздің аудиториялар 50% талапкерлермен толады. Барлық талапкерлердің бетперде тағуы міндетті түрінде талап етіледі.

Түлектер ҰБТ пунктіне кіргеннен кейін бес тексеру кезеңнен өтеді:

– баррикада ленталарын қолдана отырып, әлеуметтік қашықтықты сақтау;

– сыртқы киімдерді зарарсыздандыру үшін арнайы туннельден өту;

– аяқ киімді зарарсыздандыру;

– қолды зарарсыздандыру;

– температураны бақылау.

Егер түлектің кенеттен ыстығы болған жағдайда, біздің дәрігерлер оған уақтылы көмек көрсетеді.

ҰБТ барлық процесі бейнебақылау жүйесімен қамтамасыз етілген.

Сондай-ақ, кездесуге Теміртау қаласы әкімінің әлеуметтік мәселелер жөніндегі орынбасары Мирас Жанатбекұлы Құттыбай мен Қазақстан Республикасы Білім және ғылым министрлігі өкілдер тобының жетекшісі және ҰБТП жетекшісі Алтынай Хамитқызы Баймағамбетова де белсенді қатысты.

Қарағанды мемлекеттік индустриялық университеті барлық түлектерді мектепті бітірулерімен құттықтайды. Барлықтарыңызға ҰБТ сәтті  тапсырып, сүйікті мамандығыңызға оқуға түсулеріңізге тілектеспіз!

Біздің университетті таңдаумен – сіз дұрыс таңдау жасайсыз!

Қарағандымемлекеттік индустриялық университеті білім беру бағдарламалары бойынша бос білім беру гранттарына конкурс жариялайды. Сіз бос гранттар тізімі және қосымша ақпаратты ҚМИУ сайтында танысуға болады: https://old.tttu.edu.kz//student/vakantnie-granti/ және өтініш бере аласыз. Өтінімдерді қабылдау 15.06.2010ж. сағ: 9.00 дейін дейін (Нұр-Сұлтан уақыты).

Вебинар-тренинг тақырыбы: «Университеттердегі ашықтықты және айқындықты қамтамасыз ету жөніндегі жемқорлыққа қарсы стандартты жүзеге асырудың тиімді механизмдері».

Вебинар-тренинг мақсаты  – жоғары және жоғары оқу орнынан кейінгі білім беру ұйымдарындағы ашықтықты және айқындықты қамтамасыз ету жөніндегі жемқорлыққа қарсы стандартты жүзеге асыру механизмдерін талқылау  және  жоғары білім беру жүйесінде сыбайлас жемқорлық тәуекелдерінің  деңгейіне ұйымдастыру-құқықтық бағалау жүргізу   принциптерін түсіндіру.

Вебинар-тренингінің  спикерлері ретінде Республикалық ««SANALY URPAQ» кеңселік жобасының басшысы Қ.А.Токушев және жоба аясында ашылған «Сыбайлас жемқорлыққа қарсы технологиялар» ҒЗИ директоры  Қ.Р.Усеинова және модератор ретінде  ҚМИУ-дың Әдеп жөніндегі уәкілі, ОІ жөніндегі проректоры Сивякова Г.А. толық түсіндірме баяндама жасады. Сондай-ақ вебинарға Абай атындағы Қазақ ұлттық университетінің «Парасат» орталығының директоры Қ.Т.Усипов қатысып, көтерілген мәселенің халықаралық стандартқа сәйкестілігі жөніндегі сұраққа тоқталды.

Вебинар тренинг жоғары білім саласында жаңа қабылданған жемқорлыққа қарсы стандартты жүзеге асыру механизмдерін зерделеу мақсатында болғандықтан, шара қатысушылары ҚМИУ-дың сапа менеджменті жүйесін, академиялық саясатын, ғылыми-зерттеу ісін, жемқорлыққа қарсы комплаенсын, қаржы-шаруашылық ісін ұйымдастырушы құрылымдық  бөлімшелер басшылары мен «Саналы ұрпақ» студенттік клубының мүшелері, «Парасаттылық мектебі»  қатысты.

Шара жаңа стандартта айқындалған ашықтық принциптері мен академиялық адалдық нормаларын  талқылауда конструктивті диалог түрінде өткізілуімен және студенттік қоғамдастық тарапынан берілген ұсыныстармен маңызды болды. Вебинар-тренинг жұмысының нәтижесінде белсенді қатысушыларға сертификаттар табысталды.