Қарағанды мемлекеттік индустриалды университетінде 21 сәуір күні бітіруші түлектер үшін бос орындар жәрмеңкесі өтті. Оған «АрселорМиттал Темітау», «Ақтөбе рельс-арқалық зауыты», Теміртауэлектрометаллургия-лық комбинаты, «Саэм орталығы» және тағы да басқа ұйымдар мен кәсіпорындардың жұмыс берушілері мен жүздеген бітіруші түлектер қатысты.             Бұл жәрмеңкені өткізу ҚМИУ-де дәстүрге айналған. Жылына бір рет жұмыс берушілер жақсы жұмысқа орналасқысы келетін түлектермен кездесіп, түйіндемелерін қабылдайды, бос орындар жайлы әңігмелеседі. Бітірушілер «Сіздің ұйымыңыз мені жұмысқа қабылдайды ма?» деген сұраққа бірден жауап ала алмайды. Өйткені түйіндемелерді қарап, оған шешім шығару үшін фирмалар мен кәсіпорындарға уақыт керек. Дегенмен бос жұмыс орындарының барлығы көпшілікке оптимистік көзқарас қалыптастырады.            Мұндай іс-шаралардың кезінде факультет декандары мен кафедра меңгерушілері әр уақытта өз студенттерінің жанынан табылады. Жуырда жастар дипломдық жұмыстарын қорғап, еңбек жолдарын бастайды. Мұғалімдердің басты міндеті – түлектерге осы мәселелерді шешуге көмектесу. –     Біз дайындайтын «Материалдарды қысыммен өңдеу» мамандығы жайлы әңгіме болғанда, біздің жұмыс берушіміз «АрселорМиттал Теміртау» екендігін айтуымыз қажет.Оның цехтарында ҚМИУ студенттері өндірістік іс-тәжірибеден өтеді, – дейді «Металдарды қысыммен өңдеу” кафедрасының меңгерушісі Ольга Кривцова. – Біз «Құрылысмет» ЖШС және басқа да бірнеше ұйымдармен, кәсіпорындармен қызметтестік қарым-қатынастамыз. Олардың барлығы біздің университет дайындап шығаратын барлық мамандық түлектерін қуана қабылдайды. Осы жәрмеңкенің арқасында біздің түлектеріміздің  тоқсан пайызы жұмысқа орналаса алады. Ең көп түйіндеме қала құраушы кәсіпорынға түседі. Жастардың көпшілігінің металлургиялық комбинатқа жұмысқа орналасқысы келетіні ешкімге құпия емес.-     Біздің кәсіпорында «100- топ инженері» бағдарламасы жұмыс жасайды, ол техникалық, металлургиялық, тау-кен және экономикалық мамандықтар бойынша ЖОО түлектерін іріктеп, жұмысқа орналастырады – дейді «АрселорМиттал Теміртау» АҚ-ңстуденттермен және оқу орын-дарымен жұмыс жасау бойынша менедженері Ольга Долженко. – Жұмысқа бір жылға орналастырылады, әрі қарай  түлек өзін жақсы жағынан көрсетіп жатса, еңбек келісімшарты ұзартылады. Бағдарлама жас мамандарды болашақта  қысқа мерзімде және ұзақ мерзімде әр түрлі деңгейдегі жетекшілік дәрежесіне көтеруді мақсат етеді.

Біз ҚМИУ–мен тұрақты байланыс орнатқанбыз, бос орындар жәрмеңкесіне үнемі қатысамыз. «100-Топ инженері» бағдарламасына қатысушылардың басым көпшілігі осы университет түлектері.

«Ақтөбе рельс-арқалық зауытының» өкілдеріне де студенттер тарапынан түскен түйіндеме аз емес. Онда қазір ҚМИУ-ң 5 түлегі зауыт ашылғаннан бері 2 жыл көлемінде жұмыс жасап келеді. Қызметкерлерді басқару бөлімінің басшысы Нұргүл Ақмурзинаның айтуынша, Теміртау студенттерінің дайындық және жеке тұлғалық сапалық деңгейі өте жоғары. ҚМИУ-ң студенттерді қалай дайындайтындығын көрген ақтөбеліктер Теміртауға қайта келіп, рельс-арқалық цехында және металтану зертханасында бос орын бар екендігін айтты. Бұл жолы олар өз кәсіпорындарына 10 түлекті жұмысқа орналастырмақшы.

Түйіндемені қабылдап, студенттер жұмыс берушілермен әңгімелес-кеннен соң, жұмыс берушілер мен ҚМИУ профессор-оқытушылары арасын-да дөңгелек үстел өткізілді. Пікір алмасу барысында студенттердің міндетті пәндерді меңгеруімен қатар, ағылшын тілін де меңгеруге көп көңіл бөлу керектігі, білімдерін үнемі жетілдіріп, коммуникативтік дағдыларын жетілдіру мақсатында түрлі тренингтерге тұрақты түрде қатысып отыру керектігі жайлы мәселелер айтылып өтті.

ЖОО студенттерінің«Металлургия» және «Материалдарды қысыммен өңдеу технологиясы» мамандықтары бойынша жылдағы Республикалық пәндік олимпиаданың екінші туры  8 сәуір күні Қарағанды мемлкеттік индустриалды университетінде өтті.

Бұл олимпиада республикалық студенттік олимпиада аясында ерекше кәсіби  қабілеті бар болашақ мамандарды анықтау және дамыту, талантты студент жастарды қолдау,  сондай-ақ республикалық және халықаралық олимпиадаға команда қалыптастыру мақсатымен өткізіледі.

Олимпиаданың негізгі міндеті студенттердің оқу-танымдық және оқу-зерттеу әрекеттерін ынталандырып, студенттердің кәсіби-тұлғалық әлеуетін, өзіндік сана, шығармашылық қабілеттерін ашу, олардың өзін-өзі дамытуына жағдай жасау; студенттердің азаматтық көзқарасын тәрбиелеу; талантты және дарынды студентттерді қолдау және іріктеу; білім беру жүйесін жетілдіруге деген белсенді кәсіби көзқарасын қалыптастыру.

«Металлургия» мамандығы бойынша олимпиадаға ҚМИУ, Қар МТУ, Қ.Жұбанов атындағы Ақтөбе аймақтық мемлекеттік университеті, Евразия инновациялық университеті, М.Әуезов атындағы Оңтүстің Қазақстан мемлекеттік университеті, Д.Серікбаев атындағы Шығыс Қазақстан мемлекеттік техникалық университетінің 2,3,4 курс студенттерінен құралған 6 команда қатысты.

Екінші турдан соң байқау комиссиясы жасаған қорытындыға сәйкес1- орынға ҚМИУ командасы, 2-орынға Қ.Жұбанов атындағы ААМУ командасы, 3-орынға Д.Серікбаев атындағы ШҚМТУ лайық деп танылды.

Сондай-ақ байқау комиссиясының шешімімен төмендегі студенттер:1-дәрежелі дипломмен ҚМИУ студенті Жексембаев М., ІІ-дәрежелі дипломмен Қ.Жұбанов атындағы ААМУ студенті Әбдірашит А. және Мальцев К., ІІІ дәрежелі дипломмен М.Әуезов атындағы ОҚМУ студенті Б.Түленов пен Д.Серікбаев атындағы ШҚМТУ студенті Д.Оралхановалармарапатталды.

«Материалдарды қысыммен өңдеу технологиясы» мамандығы бойынша олимпиадаға ҚМИУ және ҚарМТУ-ң  екі командасы қатысты. Нәтижесінде комиссия мүшелері  бірінші орынға №2 ҚМИУ командасы, екінші орынға №1 ҚМИУ командасы, үшінші орынға ҚарМТУ командасын лайықты деп тапты.

1-дәрежелі дипломмен ҚМИУ студенті С.Михеев, ІІ-дәрежелі дипломмен ҚМИУ студенті К.Таир және С. Әбдіраманов, ІІІ дәрежелі дипломмен ҚМИУ студенттері А.Мырзасейітова және В.Цыгановалар марапатталды.

ҚМИУ баспасөз орталығы

Қарағанды мемлекеттік индустриалды универсиетінде 7 сәуір күні «Жастардың ғылыми шығармашылығы – Қазақстанның инновациялық дамуы» атты XLVI ғылыми-техникалық конференция болып өтті. Серіктес ретінде Михаил Остроградский атындағы Кременчуг ұлттық университеті  және Теміртау жастарының  ресурстық орталығы қатысты.

Оған ЖОО-ң профессор-оқытушылар құрамы, магистранттар, докторанттар, студенттер, сондай-ақ қаланың политехникалық және индустриалды-технологиялық колледждерінің оқушылары, Теміртау сауда және азық-түлік колледжі, ПТКЛ, №1 және бірнеше мектеп оқушылары қатысты.

• Конференцияны өткізудің негізгі мақсаты – студенттер мен оқушылардың оқу-танымдық және оқу-зерттеу әрекеттерін ынталандырып, студенттер мен оқушылардың арасындағы таланттылар және дарындыларды қолдау және іріктеу, республикамыздың зияткерлік әлеуетін қалыптастыруға ықпал жасау, – дейді ғылым және инновация департаментінің директоры Әлия Аменова.

Конференция пленарлық отырыстаҚМИУ студенттері мен оқытушыларының дайындығының өте жоғары екендігін айтып, конференцияға қатысушыларға сәттілік тілеген Михаил Остроградский атындағы Кременчуг ұлттық университеті өкілдерінің видеобайланыс арқылы сөйлеген сөзінен басталды. Университеттің магистранттары мен жас ғалымдары баяндама жасады. Соңынан университеттің түрлі дәрісханаларында секциялар өз жұмыстарын жалғастырды. Онда «Материалтану және металлургия», «Металдарды қысыммен өңдеу», «Химиялық технология және экология», «Жылуэнергетикасы, электроэнергетика және өндірісті автоматтандыру», «Физика-математикалық ғылымдар және ақпараттық технологияялар», «Архитектура және құрылыс», «Экономикалық ғылымдар және бизнес», «Әлеуметтік – гуманитарлық ғылымдар» және «Филологиялық ғылымдар» тақырыптары бойынша өзекті мәселелер қарастырылды.  Барлығы 370 баяндама жасалып, бұл өткен жылдағымен салыстырғанда әлдеқайда көп.

Нәтижесінде ең үздік баяндамалар алғыс хаттармен, естелік сыйлықтармен марапатталды. Олар: бірінші орын – №24 ЖОМ 8-сынып оқушысы Кристина Касяник  және Елена Прутько, ҚМИУ магистранты Александр Доля, ҚМИУ студенті Владислав Голуб,  Денис Воронин, Бауыржан Жалгасов, Иван Головаш,  Дмитрий Бужинский, Айбар Аяганов, Василий Ким, Андрей Маринин,  Дарья Корепанова жіне Ульяна Шарафутдиновалар.

Екінші орын Теміртау индустриалды технологиялық колледжі студенттері Юрий Ибраев және  Олеся Федченко, ҚМИУ магистранты Владислав Соловьев, ҚМИУ студенттері Валихан Рахимов, Анастасия Невзорова, Татьяна Коржаневскаяй, Александр Кожемякин, Дмитрий Варзиа, Сүндета Тұрсынбек, Аида Шарипова, Әйгерім Пірмағанбет, Анастасия Носова, Бауыржан Усенбековтерге бұйырды.

Үшінші орынға №21 ЖОМ ПТКЛ 8-сынып оқушысы Константин Дружинин, Георгий Мезенцевқа, №21 ЖОМ 10-сынып оқушысы Диана Хамидулловаға, Темиртау сауда және азық-түлік колледжінің студенті  Даниил Пышняк, Темиртау политехникалық колледжінің студенті  Роза Жұмабайқызы, ҚМИУ магистранты  Сергей Толмачев, ҚМИУ студенті Алексей Короленко, Сергей Атакишиев, Галиае Чебурей, Владимир Величко, Александр Кожемякин, Иван Мойсейкин, Сергей Зокоеву, Алмасбек Аднабеков, Салтанат Кенжеахметова, Сабира Қараман, Бауржан Құдайбергендер ие болды.

 ҚМИУ баспасөз орталығы

Ахмет Байтұрсынұлы атындағы күміс медальмен жемісті еңбегі және ғылым мен жоғары білімге қосқан үлесі үшін Қарағанды мемлекеттік индустриалды университеті «Құрылыс және жылуэнергетикасы» кафедрасының профессоры, техника ғылымдарының докторы Анатолий Филатов марапатталды.

74 жастағы Анатолию Васильевичке марапатты әріптестерінің ду қол шапалағымен салтанатты түрде  университет ректоры М.К.Ибатов тапсырды. Медаль иегері өзінің еңбегін жоғары бағалаған әріптестеріне алғыс айтып, мұнан кейін де жас ғалымдар мен магистранттардың, ғылым кандидаттарының, «Құрылыс және жылуэнергетикасы» кафедрасының ғана емес, барлық әріптестерінің ықыласына сүйене отырып, болашақта да жемісті етуге тырысатындығын айтып өтті.

Анатолий Филатов  Карметкомбинаттың зауыт-ЖТОМ-мен (ҚМИУ бұрын солай аталған) қызметтестікті 44 жыл бұрын «Қазметаллургқұрылыс» тресінің техникалық жетекшісі қызметінен бастаған. Ол жоғары білікті мамандарды дайындауға үлесін қосып, жаңа технологиялардың талдамасын әзірледі, Теміртау қаласының және металлургиялық комбинаттың құрылыс жұмысына қатысты.  Соңғы 20 жыл бойында университтетте ғана жұмыс жасап келеді. Қазір магистранттармен жұмыс жасауда.

• Құрылыс пен металлургияның, энергетиканың тоғысында шешуін таппаған сұрақтар мен өзекті мәселелер өте көп, – дейді Анатолий Васильевич. – Еңбек және ғылым одағының арқасында экономикада үлкен жетістіктерге жетіп, Елбасымыздың біздің алдымығда тартып отырған міндеттерін шешуге болады.

Белсенді және жемісті еңбегі үшін ҚМИУ-ң басқа өкілдерінің есімдері де аталып өтті. Қалалық маслихаттың алғыс хатымен «Химиялық технология және экология» кафедрасынң меңгерушісі Гульнара Ульева және мамандардың біліктілігін арттыру және қайта дайындау оқу орталығының жетекшісі, энергоаудит, энергияүнемдеу, энергия тиімділігі немесе энергоменеджментті іске асырушы Артем Гурушкиндер марапатталды.

ҚМИУ баспасөз орталығы

Пресс-центр КГИУ

Жыл сайын өтетін ҚР Жоғары оқу орындары студенттерінің жаратылыстану, техникалық, әлеуметтік-гуманитарлық және экономикалық ғылымдар бойынша  республикалық ғылыми-зерттеу байқауы «Металлургия», «Металдарды қысыммен өңдеу» мамандықтары бойынша негізгі оқу орны болып табылатын Қарағандымемлекеттік  индустриалды университетінде өтті.

Байқау комиссиясының құрамына ҚМИУ, «АрселорМиттал Теміртау» және қалалық әкімдік өкілдері енді. Олар  ҚМИУ, Қ.Сәтпаев атындағы ҚазҰИТУ, М.О.Әуезов атындағы ОҚМУ, Қ.Жұбанов атындағы Ақтөбе өңірлік гуманитарлық унверситеті, Рудный индустриалды институты, Евразия инновациялық университеті және ҚарМТУ-ң«Металлургия», «Металдарды қысыммен өңдеу» мамандықтарыстуденттерінің 23 ғылыми-зерттеу жұмыстарын қарап шықты.

Байқауға «Исследование твердофазного восстановления отвального шлака медеплавильного производства», «Повышение эксплуатационной стойкости элементов армировки скиповых стволов угольных шахт», «Деформация четырехвалковой системы НШПС-1700 АО «АрселорМиттал Темиртау», «Способы повышения качества литой заготовки», «Брикетирование отходов металлургического производства», «Исследование напряженно-деформируемого состояния при прокатке листов в винтовых валках», «Разработка технологиивыплавки марганецсодержащего чугуна из некондиционных железомарганцевых руд Казахстана» және тағы да басқа тақырыптар бойынша жұмыстар ұсынылған.

• Байқау комиссиясы бір ай көлемінде жұмыс жасады, – дейді комиссия төрағасы, ҚМИУ оқу ісі жөніндегі проректор Гүлнар Жақсыбаева. – Арнайы дайындалған бағалау парақтарына сарапшылар тарапынан жұмыстың өзектілігін, жүргізілген зерттеулерін, қол жеткізген жетістіктерін, студенттің өзінің жұмысқа қатысу деңгейін есепке алған бағалар қойылды. «Металлургия» мамандығы бойынша Қазақстандағы 11 жоғары оқу орнында білім беріледі, ал «Металдарды қысыммен өңдеу» мамандығы ҚМИУ және Қ.Сәтпаев атындағы ҚазҰИТУ-да ғана дайындалады. Сондықтан екінші мамандық бойынша байқау тек екі оқу орнының арасында ғана жүргізілді.

Студенттердің республикалық ғылыми-зерттеу байқауының екінші кезеңі ҚР Білім және ғылыми министрлігінің деңгейінде өтеді. Жеңімпаздардың есімі сонда анықталады.

ҚМИУ баспасөз орталығы