Эртан Йылдырым PhD докторы, Гази университетінің доценті (Анкара, Түркия) 2022 жылдың 7 қарашасынан 6 желтоқсанына дейін созылған КарИУ-ға сапары барысында университет қызметкерлері мен студенттеріне арналған бірқатар біліктілікті арттыру семинарларын өткізді. Семинарға Қарағанды индустриалды университетінің жас ғалымдары, оқытушылары, докторанттары мен магистранттары қатысты.

Ғылыми семинарлар барысында спикер шетелдік журналдарда жариялауға ғылыми мақалалар дайындау, полимерлер химиясын, атап айтқанда, полимерлер химиясының әртүрлі салаларында терең оқыту әдістерін қолдану, ЕО елдеріндегі ғылыми зерттеулердің негізгі бағыттары және т. б. тақырыптарды қозғады. Scopus және Web of Science деректер базасына кіретін IT-жобаларды дайындау, өзінің оқытушылық тәжірибесі туралы айтып берді.