Қарағанды индустриялық университетінің сыбайлас жемқорлыққа қарсы іс-қимыл жоспарына сәйкес “Sanaly urpaq” жобасы аясында университетте парасаттылық мектебі мен “Саналы ұрпақ”студенттік клубының әдістемелік апталығы өтуде.

Осы іс-шара шеңберінде білімгерлер  үшін заңгерлік қолдау секторының басшысы О. М. Шалбарбаевпен “Адал көмек” шеңберінде көмек көрсету және құқықтық сауаттылықты арттыру бойынша онлайн консультация өтті. Іс-шараның мақсаты негізгі заңдар, мемлекеттік жүйенің негіздері, өз құқықтары туралы хабардар болу, жауапкершілік түсінігін қалыптастыру, білім беру грантын пысықтау мәселелері бойынша консультациялар өткізу болып табылады.

Студенттер онлайн консультация барысында беленділік танытып, құқықтық сауаттылық тақырыбында қызығушылықтары арта түсті, және болашақта осындай консультацияларды жиі өткізуді шешті.