Қарағанды индустриялық университетінің Сыбайлас жемқорлыққа қарсы іс-қимыл жоспарына және “Sanaly urpaq” жобасына сәйкес университетте парасаттылық мектебі мен “Саналы ұрпақ” студенттік клубының әдістемелік апталығы шеңберінде “Саналы ұрпақ” клубының студенттері арасында “Сыбайлас жемқорлыққа қарсы тұру мүмкін немесе мүмкін емес” тақырыбында пікірталас өтті. Пікірталас үш кезеңнен  тұрып, онда қатысушылар өз қарсыластарының сұрақтарына жауап берді, сыбайлас жемқорлық тақырыптарындағы түрлі жағдайларды қарастырды.

Іс-шараның мақсаты студенттерді қоғамдағы сыбайлас жемқорлық проблемаларына тарту болды. Өзінің ситуациялық сұрағын аға оқытушы М.С. Солтан қойып, студенттердің қызу талқыға салды.

Пікірталасқа белсенді қатысқаны үшін қатысушылар арнайы алғыс хаттармен  марапатталды.