Ғылым, инновациялар және халықаралық ынтымақтастық департаменті ҚР БҒМ академиялық ұтқырлық бағдарламасы бойынша Польшаның Ченстохов политехникалық университетінде 1 семестр бойы білім алған студенттермен кездесу ұйымдастырды. Кездесуге барлық факультеттерден 1-2 курс студенттері шақырылды.

Академиялық ұтқырлық бағдарламасына қатысуға үміткер студенттер қажетті құжаттарға, іріктеу рәсіміне, конкурстық комиссияға, Польшада оқуға және тұруға қатысты сұрақтар қойды.

Бағдарламаға қатысушы студенттер шетелде оқу тәжірибесімен бөлісіп, бірінші курс студенттері мен екінші курс студенттерін өз күштерін сынап көруге және конкурсқа қатысуға шабыттандырды.