Бүгін 6 желтоқсан Қарағанды индустриялық университетінің кәмілеттік жасқа толмаған студенттері Pfizer вакцинасын алды.

💉Студенттер екпе алу туралы шешімді олар өз еріктерімен қабылдаған.
Екпеден кейін студенттер 30 минут бойы арнайы бөлінген бөлмеде дәрігерлердің бақылауында болды.

🧪Pfizer вакцинасын салу алдында мынандай шаралар жүзеге асырылды:
– ата-анасының немесе заңды өкілдерінің қатысуымен 12 жастан 18 жасқа дейінгі егілетін адамға тексеру және сұрау жүргізіледі;
– иммундауға қарсы көрсетілімдер болмаған жағдайда, егуді жүргізуге рұқсат ресімделеді,
– егілетін адамға және/немесе оның ата-анасына (заңды өкіліне) профилактикалық егу, ықтимал реакциялар мен иммундаудан кейін жағымсыз жайттар, егуден бас тарту салдары туралы толық және объективті ақпарат беріледі.

🦠Басқа вакциналардан Pfizer-дың артықшылығы
Зерттеулер BioNTech компаниясы шығарған вакцинаның басқа вакциналардан қарағанда 10 есе көп антиденелер шығаратынын анықтады.
COVID-19-ға қарсы Pfizer екпесінде иммундық реакция тудыратын ақпараттық рибонуклеин қышқылы (иРНҚ) қолданылады. Ол болашақта организмді инфекцияның жұғуынан қорғайды. Сол себепті вакцинаны өте төмен температурада сақтау керек.
Вакцинаның негізгі ерекшелігі – минус 80 градусқа дейін өте төмен температураны қажет етеді. Сондықтан тасымалдау кезінде арнайы суытуға арналған қораптар қолданылады. Әрқайсысында үш қабатпен төселген 23 килограмм құрғақ мұз бар. Ол он күн бойы суықты қамтамасыз етеді. Әр қорап GPS спутниктік жүйесіне қосылған термосенсорлармен жабдықталады.