27-28 қазан күндері «ZOOM» платформасында онлайн форматта біздің университет студенттері үшін «Болашаққа жол өзіңнен басталады» тақырыбында вебинар өтті. Бұл білім беру жобасын Қазақстан Республикасының Тұңғыш Президенті – Елбасының кітапханасы ұйымдастырды.

Вебинар спикерлері онлайн-дәрістер, интерактивті жаттығулар, командалық ойындар мен тренингтер өткізді. Шара барысында студенттер Елбасы кітапханасының жетекші ғылыми қызметкерлері әзірлеген «Тәуелсіздік дәуірі», «Төртінші өнеркәсіптік революция», «Рухани жаңғыру – болашаққа бастар жол», «Ұлы Даланың жеті қыры» дәрістерін тыңдап, пікір алмасып, практикалық тапсырмаларды орындады.

Вебинар жоғары деңгейде өтті. Студенттерге профессорлық құрам өте ұнады: құзыретті және жан-жақты тұлғалар, ең бастысы олар студенттердің қызығушылығын танытқан барлық сұрақтарға жауап берді.

Біз Бердагулова Сағынтай Кеңесқызына, Үмбетова Күнзия Ағымбайқызына, Хамитова Ақбота Камоевнаға және ұйымдастырушыларға жеке алғысымызды білдіреміз, олар бізге бірнеше тілдерді білудің маңыздылығын түсініп, өз еліміздің тарихын көбірек білуге түрткі болды.