«Қарағанды индустриялық университеті» КеАҚ Ғылым және инновация депаратменті академиялық ұтқырлық бойынша белсенді жұмыс жүргізуде. Конкурстық іріктеуден өткен жеті студент семестрде академиялық ұтқырлық бағдарламасы аясында бөлінген бюджеттік қаражат есебінен Ченстохов политехникалық университетінде (Польша Республикасы) білім алады.
«Қайсар» қоғамдық қорының өкілдері Оксана Тарабукина мен Антон Тарабукинмен кездесу ұйымдастырылды. Қор Қазақстан Республикасында адам саудасы мен заңсыз көші -қонға қарсы күреспен айналысады. Қор өкілдері студенттерге шетелдегі тәртіп ережелері туралы ақпарат берді. Атап айтқанда, қоғам қайраткерлері қауіпсіз саяхат және шетелде болған кездегі тәріп ережелері туралы айтты және ақпараттық кітапшалар ұсынды. Сондай -ақ, қоғам қайраткері, «Жас Ұлан» Бірыңғай балалар мен жасөспірімдер ұйымының Қарағанды облыстық қоғамдық бірлестігінің жетекшісін Майра Төлеубекқызы Әбдірахмановамен де кездесу өткізілді.
Майра Төлеубекқызы студент жастар арасындағы халықаралық ынтымақтастықты дамытудың келешегіне қатысты өз ойымен бөлісті. Ол студенттердің шетелде оқуға және және жеке тұлға ретінде дамуға деген ұмтылысын, сонымен қатар олар елдің болашағы болғандықтан, білім мен тәжірибе жинақтап, алған білімді Отанымыздың игілігі үшін қолданатынын атап өтті. Ол Мұстафа Өзтүрік сияқты қазақтың ірі қайраткерлерін мысалға келтірді, студенттерді қоғамдық жұмыстарға, дипломдық бағдарламаларға қатысуға және грантқа түсуге ынталандырды. Академиялық ұтқырлық бағдарламасы – бір семестрді шетелде өткізудің бірегей мүмкіндігі. Қоштасарда ол студенттерге сәттілік тіледі, қызықты және мазмұнды кездесу үшін алғыс айтты, ал барлық қатысушылар бірге естеліккесуретке түсті.