29 сәуірде Парасаттылық мектебінің әдістемелік апталығы аясында профессорлық-оқытушылық құрамға және қызметкерлерге  арналған «Антиплагиат» жүйесінде дипломдық және ғылыми жұмыстарды тексеру» тақырыбында онлайн форматында мастер-класс жүргізілді.

Бірлескен мастер-класс «Антиплагиат» компаниясының (РФ Мәскеу қаласы) оқу-әдістемелік орталығының жетекшісі О.С.Беленькаямен жүргізілді.

Мастер-класс мақсаты – ЖОО-да дипломдық және ғылыми жұмыстарды «Антиплагиат» жүйесінде тексеру жұмысын ұйымдастыруға әдістемелік қолдау көрсету.

Аталған шара ғылыми әдеп принциптерін сақтау, академиялық ақпаратпен жұмыс істеу мәдениетін қалыптастыру, дамыту мақсатында  пікір алмасу алаңына айналды.    Оқыту вебинарының соңында қатысушыларға сертификаттар табысталды.