26 сәуірде Қарағанды индустриялық университетінің Парасаттылық мектебінің әдістемелік апталығы басталды.

Апталық мақсаты – академиялық ортада парасаттылық сананың қалыптасуына бағытталған шараларды жүзеге асыра отырып, жемқорлыққа қарсы жаңа формациядағы қозғалыс өкілдерін даярлауда оқытушылық құрам мен студенттік қоғамдастыққа әдістемелік, тәрбиелік тұрғыдан қолдау көрсету.

Апталықтың алғашқы күні «Таза сессия» акциясының ашылуымен басталды. «Саналы ұрпақ» студенттік клубы мүшелері таңғы сағ. 08.00-09.00 аралығында университет басшылары, оқытушылары, қызметкерлері мен білім алушылары арасында «Адал білім», «Адал еңбек» насихаттық стикерлерін таратты. Сондай-ақ 1,2 курстың білім алушыларына арналған ҚарИУ білім алушыларының академиялық адалдық Кодексі мен Әдеп ережелері бойынша онлайн кездесу жүргізілді. Аталған шараның ұйымдастырушылары «Парасаттылық мектебінің» деканы Капашева Ж.К. мен «Саналы ұрпақ» студенттік клубының мүшелері презентациялық материалдар негізінде академиялық адалдық принциптерінің сақталу шарттары мен сақталмаған жағдайдағы құқықтары мен міндеттері және қолданылатын жаза түрлерін түсіндірді.