Наурыз мейрамы қарсаңында біздің университетте «Бір-бірімізге жақсылық тілейміз» акциясы өтті. Акцияға университет оқытушылары мен студенттері қатысты. Акцияның шарты: Наурыз мейрамына арналған құттықтаулар мен тілектердің жылы сөздерін жазу.

Барлық құттықтаулар мен тілектер бейнероликтерге ресімделді. Барлық факультеттердің студенттері белсенділік танытып, жылы лебіздерімен бөлісті.

«Энергетика, көлік және басқару жүйесі» факультетінің оқытушыларының құттықтауларын «Технологиялық машиналар және көлік» кафедрасының аға оқытушысы Исабекова Гульнар Джумадуллаевна және «Қазақстан тарихы және әлеуметтік-гуманитарлық пәндер» кафедрасының меңгерушісінің м.а. Солтан Магира Солтановна жолдады. Факультет студенттері барлық қазақстандықтарға бейбітшілік, жақсылық, жылулық, жасампаздық тіледі.

«Металлургия және машина жасау» факультеті акциясына бірден екі роликте өз тілектерін ұсынды. «Фармацевтикалық өндіріс технологиясы»  мамандығының 1 курс студенттері өз құттықтауларын Тұңғыш Президенттің тарихи-мәдени орталығында жазып, сөздерін әдемі бимен аяқтады. Факультет студенттері барлығына денсаулық, табыс, өркендеу, қуаныш пен бақыт тіледі.

«Экономика және құрылыс» факультеті акцияға креативті түрде келді: өз тілектерін үш тілде жолдады. «Құрылыс» мамандығы бойынша оқитын студенттер барша қазақстандықтарды шын жүректен құттықтады. Студенттер бейбітшілік, келісім, жасампаздық, гүлдену тіледі.

Акцияны ұйымдастырушылар, Жастар ісі жөніндегі комитет акцияға үн қосқан барлық оқытушылар мен студенттерге алғыс білдіреді!

КарИУ баспасөз қызметі