Қарағанды индустриялық университетінде «Наурыз тойы – береке, Наурыз тойы – мереке» тақырыбында фотоколлаждар конкурсы өткізілді.

Байқаудың мақсаты: ұлттық салт-дәстүрлерді, отбасылық дәстүрлерді насихаттау.

Студенттер байқауға отбасыларындағы Наурыз мерекесінің сәттері, маңызды оқиғалар мен халықтық дәстүрлер бейнеленген жарқын жұмыстарды ұсынды. Конкурсқа «Фармацевтикалық өндіріс технологиясы», «Бағдарламалық инженерия» мамандықтары бойынша оқитын 1 курс студенттері белсенді қатысты. Барлық қатысушыларға алғысымызды білдіреміз, қазылар алқасы қорытынды жасап, үздік жұмыстарды анықтайды.

Байқауға қатысушылардың үздік фотосуреттері 1, 2 және 3 дәрежелі дипломдармен, сондай-ақ қосымша номинациялар бойынша грамоталармен марапатталады.