ТФП-20к-4 тобының 1 курс студенті Мүсілім Аружан «Өз мамандығыммен мақтанамын» эссе байқауында 3 орын алды. Бұл байқауды «Ustaz tilegi» ғылыми-әдістемелік орталығы ұйымдастырды. Байқау жастардың мамандық таңдауға деген жауапкершілігін қалыптастыруға бағытталған.

Аружан жұмысын металлургия және машина жасау факультеті деканының орынбасары Шаяхметова Гүлмира Әубәкірқызының басқаруымен жазды. Басшы ретінде Гүлмира Әубәкірқызы алғыс хат алды.

Аружан өзінің эссесінде таңдаған мамандығының маңыздылығы мен өзектілігі туралы жазды. Бұл Аружанның осындай байқаулардағы алғашқы жеңісі емес, бұған дейін ол студенттер арасындағы «Туған жер-алтын бесігім» блиц – турнирінде жеңіске жеткен болатын.

Біз Аружан жеңісімен құттықтаймыз және алдағы байқауларда табыс тілейміз!

КарИУ баспасөз қызметі