Кезінде қазақ жері түрлі ұлт өкілдерінің туған мекеніне айналды және осы күнге дейін сол күйінде қалады. Көптеген қазақстандық отбасылары ұрпақтары мәжбүрлі қоныс аудару мен қуғын-сүргіннің қиын кезеңдерін есте сақтайды. Қоныс аударушылардың аға ұрпақтары өздерінің туған жеріне айналған қазақ жерін және оларды жылы қабылдаған қазақ халқына деген ризашылықтары ұшан-теңіз.

Мереке туралы тиісті жарлыққа 2016 жылдың 14 қаңтарында ҚХА ХХІІ сессиясында қол қойылды, онда біздің еліміздің Тұңғыш Президенті – Елбасы Нұрсұлтан Әбішұлы Назарбаев жыл сайын 1 наурызды барлық этностардың бір-біріне және қиын уақытта көмек көрсеткен, мейірімділік көрсетіп, оларды отбасымен қабылдаған қазақ халқына Алғыс айту күні ретінде атап өтуді ұсынды.

Мерекенің басты мақсаты – Қазақстан халқының бірлігін нығайту, қоғамдық келісімді, қайырымдылықты, әлеуметтік ынтымақтастық пен өзара қолдауды насихаттау.

Ризашылық күні қазақстандықтарды жақындастырсын! Жақсы істер үшін бір-бірімізге ризамыз!