2020 жылдың 24 ақпанынан бастап Қарағанды индустриялық университетінде 1-2 курс студенттеріне арналған студенттер топтарының кураторлары Сұлтанмахмұт Торайғыровтың әділет философиясына арналған дәстүрлі ай сайынғы Адалдық сағатын өткізді.

Сұлтанмахмұт Торайғыров – ұлы Абай негізін қалаған классикалық қазақ әдебиетінің ізбасары. Ол өз жұмысында білім алуға мұқтаж қарапайым адамдардың өмірін суреттей отырып, өз заманының өзекті мәселелерін бейнелеген.

Сұлтанмахмұт Торайғыров бүкіл өмірін Отанға қызмет етуге және ағарту ісіне арнады: «Менің мақсатым – өз халқымның жолын жарықтандыру», – деп жазды ол өз шығармаларында.

Оның поэзиясы – ақындық шеберліктің, ұлтжандылық пен азаматтықтың мектебі. Ал ақын көрсеткен проблемалар бүгінгі күнде де өзектілігін жоғалтқан жоқ. Автордың айтуынша, әділеттілік қана адамдарды «дау-дамайдан», «адамның көз жасынан» және «қан төгуден» құтқара алады. Әділдік – «бақыт пен күштің кілті».

Сұлтанмахмұт Торайғыровтың сөздері өсіп келе жатқан студент ұрпаққа бағыт-бағдар болып, мәңгілікке өсиет болып қала бермек.

Адалдық сағатының басты мақсаты – сонымен қатар сыбайлас жемқорлыққа төзбеушілік қатынасты қалыптастыру және студент жастардың арасында сыбайлас жемқорлыққа қарсы дүниетанымды қалыптастыру. Шынында да, әлемдік тәжірибе көрсетіп отырғандай, сыбайлас жемқорлыққа қарсы күрестің және оның алдын-алудың тиімділігінде қоғамның реттеудегі рөлі артатын, шешімдердің ашықтығы қамтамасыз етілетін және сыбайлас жемқорлыққа қарсы жоғары мәдениеті қалыптасқан жерде қол жеткізіледі.

Адалдық сағатын Қазақстан Республикасының сыбайлас жемқорлыққа қарсы іс-қимыл агенттігі әзірледі, Агенттік тұрақты негізде қоғамдағы адалдықты насихаттауға бағытталған жұмыстар жүргізеді.