Сіздерді «Студенттік әлеуметтік несие» республикалық жобасына белсенді қатысуға шақырамыз. Бұл жоба студенттер арасында волонтерлікті дамытуға бағытталған.

Студенттерді волонтерлік іс-шараларға белсенді қатысуы үшін ынталандыру мақсатында ынталандырудың келесі түрлері белгіленеді:

1) 20000 теңгелік әлеуметтік студенттік несие;

2) 50 000 теңгелік әлеуметтік студенттік несие.

Несиелер әлеуметтік бағыттағы, қоғамдық пайдалы қызметпен айналысатын студенттерге келесі бағыттар бойынша беріледі:

1) инклюзивті білім беру;

2) репетиторлық (тілдер, компьютерлік сауаттылық), онлайн формат;

3) девиантты мінез-құлықты кәмелетке толмаған балалармен жұмыс;

4) аула және спорт клубтарын ұйымдастыру;

5) балалармен, қарттармен және мүгедектермен әлеуметтік жұмыс;

6) қоршаған ортаны қорғау және экологиялық қауіпсіздік, тарихи-мәдени мұра объектілерін сақтау саласындағы жұмыстар;

7) пациенттерге, қарттар мен мүгедектерге қызмет көрсететін мемлекеттік және жеке денсаулық сақтау ұйымдарының, басқа да әлеуметтік ұйымдардың жұмысына қатысу;

8) республикалық және қалалық іс-шаралар кезінде еріктілермен жергілікті жастар ресурстық орталықтарының жұмысына қатысу;

9) туризмді дамыту мақсатында туристік қызметпен айналысатын адамдарға экскурсиялық іс-шараларды (мұражайларға, кітапханаларға және басқа да көрікті жерлерге бару) ұйымдастырудағы жұмысқа көмек;

10) халықаралық іс-шараларды (форумдар, Универсиадалар, фестивальдар, спорт күндері) ұйымдастыруға көмек;

11) панасыз қалған жануарлармен жұмыс істеу.

20 сағаттық жұмыс үшін 20 000 теңгелік ваучер беріледі. Бұл ретте студенттер жоғары және (немесе) жоғары оқу орнынан кейінгі білім беру ұйымы анықтаған екі академиялық кредитті есепке алуға құқылы.

50 сағаттық қызмет үшін 50 000 теңгелік ваучер беріледі. Бұл ретте студенттердің жоғары және (немесе) жоғары оқу орнынан кейінгі білім беру ұйымы анықтаған бес академиялық кредитті есепке алуға құқығы бар.

Қаржы жылындағы сабақтың және ваучерлік академиялық сағаттардың максималды саны сәйкесінше 70 сағаттан және жеті академиялық кредиттен аспауы керек.

Сізді қызықтыратын барлық сұрақтар бойынша ҚариУ жаңа ғимаратының №200 бөлмесінде ЖІК төрайымы Епанешникова Анастасияға хабарласуға болады (телефон: 87474566059).