2020 жылдың 30 қарашасында Теміртау қаласында Қазақстан Республикасының Тұңғыш Президенті – Елбасы күніне арналған «Қазақстандықтар – біртұтас болашақ елі» пікірталас сайысы өтті.

Тәжірибелі пікірталас сайысшылар Савелий Элефтериади мен Наталья  Гонтадан құралған ҚарИУ командасы екінші жүлдені иеленді. Сондай-ақ, Савелий Элефтериадиге «Үздік спикер» атағы берілді.

Турнирдің ұйымдастырушысы Теміртау қаласының «Жастар ресурстық орталығы» КММ болды.

Сайыстың мақсаты – қазіргі проблемалық және қоғамдық жағдайларды талдау және талқылау, оларды шешу жолдарын қалыптастыру арқылы жастардың әлеуметтік-шығармашылық белсенділігін арттыру, сондай-ақ жауапкершілік сезімін дамыту және Теміртау қаласы мен Қазақстан Республикасының проблемаларын шешуге және талқылауға қатысу.

Турнирге қаланың білім беру мекемелерінің келесі командалары қатысты. Пікірсайыс турнирі американдық парламенттік форматта өткізілді.

Студенттер арасындағы пікірсайыс турнирі өте жоғары деңгейде өтті. Қатысушылар өздерінің көзқарастарын белсенді түрде дәлелдеді, аргументтер мен дәлелдер келтірді, сұрақтар қойды және проблемаларды шешу жолдарын ұсынды. Сайыстың  барлық қатысушылары болашақ өміріне қажетті практикалық тәжірибе және көптеген жағымды әсер алды.

Біздің команданы жеңісімен құттықтаймыз!

ҚарИУ баспасөз қызметі