1) 20000 теңгеге әлеуметтік студенттік несие;

2) 50 000 теңгеге әлеуметтік студенттік несие.

Студенттік әлеуметтік несиелер (бұдан әрі – несие) – студенттердің әлеуметтік-бағытталған, әлеуметтік-пайдалы қызметтерінің көлемін өлшейтін бірыңғай бірлік.

Несиелер әлеуметтік бағыттағы, қоғамдық пайдалы қызметпен айналысатын студенттерге келесі бағыттар бойынша беріледі:

1) инклюзивті білім беру;

2) репетиторлық (тілдер, компьютерлік сауаттылық), онлайн формат;

3) девиантты мінез-құлықты кәмелетке толмаған балалармен жұмыс;

4) аула және спорт клубтарын ұйымдастыру;

5) балалармен, қарттармен және мүгедектермен әлеуметтік жұмыс;

6) қоршаған ортаны қорғау және экологиялық қауіпсіздік, тарихи-мәдени мұра объектілерін сақтау саласындағы жұмыстар;

7) пациенттерге, қарттар мен мүгедектерге қызмет көрсететін мемлекеттік және жеке денсаулық сақтау ұйымдарының, басқа да әлеуметтік ұйымдардың жұмысына қатысу;

8) республикалық және қалалық іс-шаралар кезінде еріктілермен жергілікті жастар ресурстық орталықтарының жұмысына қатысу;

9) туризмді дамыту мақсатында туристік қызметпен айналысатын адамдарға экскурсиялық іс-шараларды ұйымдастыруға (мұражайларға, кітапханаларға және қаланың басқа да көрікті жерлеріне бару) жұмыстарына көмектесу;

10) халықаралық іс-шараларды (форумдар, Универсиадалар, фестивальдар, спорт күндері) ұйымдастыруға көмектесу;

11) жануарларды қорғау бағытына арналған жұмыстар.

20 сағаттық жұмыс үшін 20 000 теңгелік ваучер беріледі. Бұл ретте студенттер жоғары және (немесе) жоғары оқу орнынан кейінгі білім беру ұйымы анықтаған екі академиялық кредитті есепке алуға құқылы.

50 сағаттық қызмет үшін 50 000 теңгелік ваучер беріледі. Бұл ретте студенттердің жоғары және (немесе) жоғары оқу орнынан кейінгі білім беру ұйымы анықтаған бес академиялық кредитті есепке алуға құқығы бар.

Қаржы жылындағы сабақтың және ваучерлік академиялық сағаттардың максималды саны сәйкесінше 70 сағаттан және жеті академиялық кредиттен аспауы керек.

Барлық сұрақтар бойынша КарИУ жаңа ғимаратының 200 бөлмесіне хабарласыңыз.