Қарағанды индустриялық университетінде таңдалған білім беру бағдарламасы бойынша білім алудың ажырамас бөлігі практикалық дағдыларды алу болып табылады. «Автоматтандыру жүйелерінің инженериясы» («Автоматтандыру және басқару») және «Электр энергетикасы» («Өнеркәсіптік объектілерді энергиямен қамтамасыз ету») білім беру бағдарламаларының студенттері үшін «Жасанды интеллект технологиялары» және «Электр энергетикасы» кафедраларымен практикалық шеберлік курстары ұйымдастырылды, оны өндірісте жұмыс өтілі бар тәжірибелі оқу шебері Владимир Дмитриевич Петров жүргізеді.

Бұл курстарда студенттер дәнекерлеу технологиясын, электр тізбектерін құрастыруды, оқу сабақтары кезінде алған теориялық білімдерін практикада бекітуді және болашақта мамандық бойынша жұмыс істеу кезінде қажет болатын дағдыларды меңгереді.